എറണാകുളം ലൂർദ് ആശുപത്രിയുടെയും സെന്റ് ആൽബർട്സ് കോളജിന്റെയും സംയുക്താഭിമുഖ്യത്തിൽ സംഘടിപ്പിച്ച ലോക ഹൃദയദിനാഘോഷം വരാപ്പുഴ അതിരൂപത വികാരി ജനറാൾ മോൺ.
കൊച്ചി: ലൂർദ് ആശുപത്രിയുടെയും സെന്റ് ആൽബർട്സ് കോളജിന്റെയും സംയുക്താഭിമുഖ്യത്തിൽ ലോക ഹൃദയദിനാഘോഷം (ഹാർട്ട് ഡേ ഹെൽത്ത് മീറ്റ്) സംഘടിപ്പിച്ചു. വരാപ്പുഴ അതിരൂപത വികാരി ജനറാൾ മോൺ. മാത്യു കല്ലിങ്കൽ ഉദ്ഘാടനം ചെയ്തു. കോളജ് ഡയറക്ടർ ഫാ. ഡോ. ആന്റണി തോപ്പിൽ അധ്യക്ഷത വഹിച്ചു.
കോളജിൽ നടന്ന പരിപാടിയിൽ ആശുപത്രിയിലെ കാർഡിയോളജി വിഭാഗം സീനിയർ കൺസൾട്ടന്റ് ഡോ. ജോർജ് തയ്യിൽ ബോധവത്കരണ ക്ലാസ് നയിച്ചു. ഹൃദയാഘാതത്തിന്റെ സാധ്യത കുറയ്ക്കുന്നതിൽ ആരോഗ്യകരമായ ഭക്ഷണക്രമം, കൃത്യമായ വ്യായാമം, ജീവിതശൈലി മാറ്റങ്ങൾ, അപകടസാധ്യതാ ഘടകങ്ങളുടെ നിയന്ത്രണം എന്നിവയുടെ പ്രാധാന്യം അദ്ദേഹം വിശദീകരിച്ചു. കാർഡിയോളജി വിഭാഗം മേധാവിയും സീനിയർ കൺസൾട്ടന്റുമായ ഡോ. എസ്. സുജിത് കുമാർ ക്ലാസ് നയിച്ചു.
ആശുപത്രിയുടെ ന്യൂസ് ബുള്ളറ്റിനായ പൾസ് മാഗസിന്റെയും ഡോ. ജോർജ് തയ്യിലിന്റെ -ഹാർട്ടറ്റാക്ക് ഭയപ്പെടാതെ ജീവിക്കാം- എന്ന പുസ്തകത്തിന്റെ നാലാം പതിപ്പും പ്രകാശനം ചെയ്തു. കോളജിലെ അധ്യാപകർക്കും വിദ്യാർഥികൾക്കും വേണ്ടിയുള്ള ലൂർദ് ആശുപത്രി പ്രിവിലേജ് കാർഡ് പദ്ധതിയുടെയും ലൂർദ് ഫാമിലി മെഡിസിൻ ഡിപ്പാർട്ട്മെന്റിന്റെ നേതൃത്വത്തിലുള്ള വെൽനെസ് ക്ലിനിക്കിന്റെയും ഉദ്ഘാടനം മോൺ. മാത്യു കല്ലിങ്കൽ നിർവഹിച്ചു.
ലൂർദ് അസോസിയേറ്റ് ഡയറക്ടർ ഫാ. ആന്റണി റാഫേൽ കൊമരംചാത്ത്, കോളജ് പ്രിൻസിപ്പൽ ഡോ. ജോസഫ് ജസ്റ്റിൻ റെബെല്ലോ, ഡിനു സൈമൺ, സ്വാതി തിലകൻ എന്നിവർ പ്രസംഗിച്ചു. ലൂർദിലെ നഴ്സിംഗ് വിദ്യാർഥികൾ ബോധവത്കരണ സ്കിറ്റും അവതരിപ്പിച്ചു.
Tags : NattuVishesham DistrictNews