ചെറുപുഴ പഞ്ചായത്ത് എൽഡിഎഫ് തെരഞ്ഞെടുപ്പ് റാലിയും പൊതുയോഗവും സിപിഎം കേന്ദ്ര കമ്മിറ്റിയംഗം ഇ.പി. ജയരാജൻ ഉദ്ഘാടനം ചെയ്തു പ്രസംഗിക്കുന്നു.
ചെറുപുഴ: ഇടതു മുന്നണിയെ തുടർഭരണത്തിൽ എത്തിച്ചതാണ് കേരളത്തിലെ വികസനക്കുതിപ്പിന് പ്രധാന കാരണമെന്നും കഴിഞ്ഞ ഒന്പതര വർഷക്കാലം വർഗീയ കലാപമില്ലാത്ത ഇന്ത്യയിലെ ഏക സംസ്ഥാനമാണ് കേരളമെന്നും സിപിഎം കേന്ദ്ര കമ്മിറ്റിയംഗം ഇ.പി. ജയരാജൻ. ചെറുപുഴ ഗ്രാമപഞ്ചായത്ത് എൽഡിഎഫ് തെരഞ്ഞെടുപ്പ് റാലിയും പൊതുയോഗവും ചെറുപുഴയിൽ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. തദ്ദേശ തെരഞ്ഞെടുപ്പിന് ശേഷം സംസ്ഥാനത്തെ 30 ലക്ഷം സ്ത്രീകൾക്ക് 1000 രൂപ വീതം സഹായധനം നൽകുമെന്നും അദ്ദേഹം കൂട്ടിച്ചേർത്തു.
യോഗത്തിൽ ഡെന്നി കാവാലം അധ്യക്ഷത വഹിച്ചു. ടി.ഐ. മധുസൂദനൻ എംഎൽഎ, പഞ്ചായത്ത് പ്രസിഡന്റ് കെ.എഫ്. അലക്സാണ്ടർ, പി. ശശിധരൻ, എം. സതീശൻ, സജി കുറ്റ്യാനിമറ്റം, കെ.ആർ. ചന്ദ്രകാന്ത്, കെ.ഡി. അഗസ്റ്റിൻ, കെ.പി. ഗോപാലൻ, എം.ടി. സുരേഷ് തുടങ്ങിയവർ പ്രസംഗിച്ചു. കാക്കയംചാലിൽ നിന്ന് ആരംഭിച്ച റാലിയിൽ നിരവധിയാളുകൾ പങ്കെടുത്തു.
പെരിങ്ങോം-വയക്കരയിൽ
ബിജെപി-യുഡിഎഫ് സഖ്യം: എൽഡിഎഫ്
പെരിങ്ങോം: പെരിങ്ങോം-വയക്കര പഞ്ചായത്തിൽ ബിജെപി യുഡിഎഫിനെ സഹായിക്കുന്ന നിലപാടുകൾ സ്വീകരിക്കുന്നുവെന്ന് എൽഡിഎഫ് നേതാക്കൾ പത്രസമ്മേളനത്തിൽ ആരോപിച്ചു.
19 വാർഡുകളിൽ 18ൽ മാത്രമെ ബിജെപി സ്ഥാനാർഥികളെ നിർത്തിയിട്ടുള്ളൂവെന്നും കഴിഞ്ഞ കാലത്ത് നടത്തിയതുപോലുള്ള പ്രവർത്തനങ്ങൾ നടത്തുന്നില്ലെന്നും നേതാക്കൾ പറഞ്ഞു.
എൽഡിഎഫ് നേതാക്കളായ പി.വി. തമ്പാൻ, സി. പദ്മനാഭൻ, കെ.വി. വിജയൻ, അസിനാർ അരവഞ്ചാൽ, കെ.വി. അജയകുമാർ എന്നിവർ പത്രസമ്മേളനത്തിൽ പങ്കെടുത്തു.
എൽഡിഎഫ്
തെരഞ്ഞെടുപ്പ്
റാലികൾ നടത്തി
ശ്രീകണ്ഠപുരം: എൽഡിഎഫ് ശ്രീകണ്ഠപുരം തെരഞ്ഞെടുപ്പ് റാലി നടന്നു. ശ്രീകണ്ഠപുരത്ത് നടന്ന സമ്മേളനം സിപിഎം കേന്ദ്ര കമ്മിറ്റി അംഗം കെ.കെ. ശൈലജ എംഎൽഎ ഉദ്ഘാടനം ചെയ്തു. സിപിഐ മണ്ഡലം സെക്രട്ടറി സി. രവീന്ദ്രൻ അധ്യക്ഷതവഹിച്ചു.
സിപിഎം ശ്രീകണ്ഠപുരം ഏരിയ സെക്രട്ടറി എം.സി. രാഘവൻ, സിപിഐ സംസ്ഥാന കൗൺസിൽ അംഗം ഒ.കെ. ജയകൃഷ്ണൻ, ജനാധിപത്യ കേരള കോൺഗ്രസ് സംസ്ഥാന സെക്രട്ടറി എ.ജെ. ജോസഫ്, കേരള കോൺഗ്രസ്-എം ജില്ലാ സെക്രട്ടറി വി.വി. സേവി, എൽഡിഎഫ് നേതാക്കളായ സുരേഷ് ജേക്കബ്, സിറാജ് വയക്കര, പി.വി. ശോഭന, പി. മാധവൻ, വി.സി. രാമചന്ദ്രൻ, പി.വി. ചന്ദ്രൻ, ടി.കെ. പ്രകാശൻ, ടി.കെ. രത്നകുമാർ, ബിനു ഇലവുങ്കൽ, ലളിതകലാ അക്കാദമി സെക്രട്ടറി എബി എൻ. ജോസഫ് തുടങ്ങിയവർ പ്രസംഗിച്ചു.
ചപ്പാരപ്പടവ്: എല്ഡിഎഫ് ചപ്പാരപ്പടവ് പഞ്ചായത്ത് റാലി ചാണോക്കുണ്ടില് മന്ത്രി കടന്നപ്പള്ളി രാമചന്ദ്രന് ഉദ്ഘാടനം ചെയ്തു. അനില് ചന്ദ്രന് അധ്യക്ഷത വഹിച്ചു. സിപിഎം ജില്ലാ സെക്രട്ടേറിയറ്റംഗം ടി.കെ. ഗോവിന്ദന്, ജോണ് മുണ്ടുപാലം, കെ.ജെ. വര്ഗീസ്, ജയ്സണ് ചെമ്പേരി, ജോസ് മുടവനാട്, ടി. പ്രഭാകരൻ, ജില്ലാ പഞ്ചായത്ത് നടുവില് ഡിവിഷന് സ്ഥാനാര്ഥി രാജേഷ് മാത്യു, ബ്ലോക്ക് സ്ഥാനാര്ഥികളായ പി. പ്രേമലത (ആലക്കോട്), വി.വി. റീത്ത (കൂവേരി), കുഞ്ഞാമിന മൊയ്തു (ചപ്പാരപ്പടവ്) എന്നിവര് പ്രസംഗിച്ചു.
കാർത്തികപുരം: ഉദയഗിരി പഞ്ചായത്തിലെ എൽഡിഎഫ് സ്ഥാനാർഥികളുടെ തെരഞ്ഞെടുപ്പ് പ്രചാരണത്തിന്റെ ഭാഗമായി റാലി നടത്തി. കാർത്തികപുരത്ത് നടത്തിയ റാലി സിപിഎം സംസ്ഥാന സെക്രട്ടറി എം.വി. ഗോവിന്ദൻ എംഎൽഎ ഉദ്ഘാടനം ചെയ്തു. ജെയ്സൺ പല്ലാട്ട് അധ്യക്ഷത വഹിച്ചു. മന്ത്രി കടന്നപ്പള്ളി രാമചന്ദ്രൻ മുഖ്യപ്രഭാഷണം നടത്തി.
കേരള കോൺഗ്രസ്-എം ജില്ലാ പ്രസിഡന്റ് ജോയി കൊന്നക്കൽ, സിപിഐ ജില്ലാ എക്സിക്യൂട്ടീവ് അംഗം വി.ജി. സോമൻ, സിപിഎം ജില്ലാ സെക്രട്ടേറിയറ്റംഗം എം. കരുണാകരൻ, എം. വിജിൻ എംഎൽഎ, സാജൻ കെ. ജോസഫ്, കെ.എസ്. ചന്ദ്രശേഖരൻ, ജില്ലാ പഞ്ചായത്ത് നടുവിൽ ഡിവിഷൻ സ്ഥാനാർഥി രാജേഷ് മാത്യു, ബ്ലോക്ക് പഞ്ചായത്ത് സ്ഥാനാർഥികളായ എൻ.എം. രാജു (കാർത്തികപുരം), തോമസ് മണ്ണൂർ (ഉദയഗിരി) എന്നിവർ പ്രസംഗിച്ചു.