12

ഇ​രി​ങ്ങാ​ല​ക്കു​ട: കൂ​ട​ല്‍​മാ​ണി​ക്യം ക്ഷേ​ത്ര​മ​തി​ല്‍​ക്കെ​ട്ടി​ന​ക​ത്തെ നി​ര്‍​മാ​ണ​ങ്ങ​ള്‍​ക്കെ​തി​രേ ത​ന്ത്രി​മാ​രും ക്ഷേ​ത്രാ​ചാ​ര വി​ശ്വാ​സ​സം​ര​ക്ഷ​ണ സ​മി​തി​യും രം​ഗ​ത്ത്. നി​ര്‍​മാ​ണ​ങ്ങ​ള്‍ കൂ​ടി​യാ​ലോ​ചി​ക്കാ​തെ​യാ​ണ് ന​ട​ത്തു​ന്ന​തെ​ന്നാ​ണ് ഇ​വ​ർ പ​റ​യു​ന്ന​ത്.

ക്ഷേ​ത്ര​ത്തി​ന്‍റെ തെ​ക്കേ​ന​ട​പ്പു​ര​വാ​തി​ല്‍ വീ​തി​കൂ​ട്ടി നി​ര്‍​മി​ച്ച​തി​നും വെ​ടി​ക്കെ​ട്ടു​പു​ര​യോ​ടു​ചേ​ര്‍​ന്ന് മ​റ്റൊ​രു കെ​ട്ടി​ടം നി​ര്‍​മി​ക്കു​ന്ന​തും ത​ങ്ങ​ളു​ടെ അ​നു​മ​തി​യോ​ടെ​യ​ല്ലെ​ന്ന് ത​ന്ത്രി​മാ​ര്‍ പ​റ​ഞ്ഞു. ക്ഷേ​ത്ര​മ​തി​ല്‍​ക്കെ​ട്ടി​ന​ക​ത്ത് എ​ന്തു നി​ര്‍​മാ​ണം ന​ട​ത്തു​ന്ന​തി​നും ത​ന്ത്രി​മാ​രു​ടെ അ​നു​മ​തി ആ​വ​ശ്യ​മാ​ണ്. കി​ഴ​ക്കേ ന​ട​പ്പു​ര​യു​ടെ വീ​തി​യെ​ക്കാ​ളും കു​റ​വു മാ​ത്ര​മേ പ​ടി​ഞ്ഞാ​റേ ന​ട​പ്പു​ര പാ​ടു​ള്ളൂ. അ​തി​നെ​ക്കാ​ളും കു​റ​വേ തെ​ക്കേ​ന​ട​പ്പു​ര പാ​ടു​ള്ളൂ.

ഇ​ത് പ​രി​ഗ​ണി​ക്കാ​തെ​യാ​ണ് വീ​തി​കൂ​ട്ടി​യി​രി​ക്കു​ന്ന​ത്. അ​തി​നാ​ല്‍ ത​ച്ചു​ശാ​സ്ത്രം നോ​ക്കാ​തെ വെ​റു​തെ ക​ണ​ക്കു​നോ​ക്കി ക്ഷേ​ത്ര​മ​തി​ല്‍​ക്കെ​ട്ടി​ന​ക​ത്ത് ന​ട​ത്തു​ന്ന നി​ര്‍​മാ​ണ​വും തെ​ക്കേ​ന​ട​പ്പു​ര​വ​ഴി വീ​തി​കൂ​ട്ട​ലും ഉ​ചി​ത​മ​ല്ലെ​ന്നും ത​ന്ത്രി​മാ​ര്‍ പ​റ​യു​ന്നു. ക്ഷേ​ത്ര​മ​തി​ല്‍​ക്കെ​ട്ടി​ന​ക​ത്ത് വെ​ടി​മ​രു​ന്ന് സൂ​ക്ഷി​ക്കു​ന്ന​തി​നാ​യി പു​തി​യ​താ​യി നി​ര്‍​മി​ച്ച കെ​ട്ടി​ടം ഉ​ട​ന്‍ പൊ​ളി​ച്ചു​നി​ക്കേ​ണ്ട​താ​ണ്.

എ​ന്നാ​ല്‍ ആ​ളു​ക​ളു​ടെ സു​ര​ക്ഷ പ​രി​ഗ​ണി​ച്ച് വീ​തി​കൂ​ട്ടി നി​ര്‍​മി​ക്ക​ണ​മെ​ന്ന് പോ​ലീ​സ് ആ​വ​ശ്യ​പ്പെ​ട്ട​തി​ന്‍റെ അ​ടി​സ്ഥാ​ന​ത്തി​ലാ​ണ് തെ​ക്കേ​വാ​തി​ല്‍ വീ​തി​കൂ​ട്ടി നി​ര്‍​മി​ച്ച​തെ​ന്നും വെ​ടി​പ്പു​ര​യും വെ​ടി​മ​രു​ന്ന് സൂ​ക്ഷി​ക്കു​ന്ന​തി​നും വ്യ​ത്യ​സ്ത സ്ഥ​ല​ങ്ങ​ള്‍ വേ​ണ​മെ​ന്ന ഫ​യ​ര്‍ ആ​ന്‍​ഡ് എ​ക്‌​സ്‌​പ്ലോ​സീ​വ് വി​ഭാ​ഗ​ത്തി​ന്‍റെ ആ​വ​ശ്യ​പ്ര​കാ​ര​മാ​ണ് വെ​ടി​മ​രു​ന്നു സൂ​ക്ഷി​ക്കാ​ന്‍ പു​തി​യ കെ​ട്ടി​ടം നി​ര്‍​മി​ക്കു​ന്ന​തെ​ന്നും ദേ​വ​സ്വം അ​റി​യി​ച്ചു.

ഇ​ല്ലെ​ങ്കി​ല്‍ ലൈ​സ​ന്‍​സ് ന​ല്‍​കി​ല്ലെ​ന്ന നി​ല​പാ​ടി​ലാ​ണ് എ​ക്‌​സ്‌​പ്ലോ​സീ​വ് വി​ഭാ​ഗം. മാ​ത്ര​മ​ല്ല, ത​ച്ചു​ശാ​സ്ത്ര വി​ദ​ഗ്ധ​ന്‍ പ​ഴ​ങ്ങാ​പ്പ​റ​മ്പി​ല്‍ ഉ​ണ്ണി​കൃ​ഷ്ണ​ന്‍ ന​മ്പൂ​തി​രി​യാ​ണ് വെ​ടി​മ​രു​ന്നു​സൂ​ക്ഷി​ക്കാ​ന്‍ കെ​ട്ടി​ടം​നി​ര്‍​മി​ക്കു​ന്ന​തി​ന് ക​ണ​ക്കു​ന​ല്‍​കി​യ​തെ​ന്നും ര​ണ്ടു നി​ര്‍​മാ​ണ​ങ്ങ​ള്‍​ക്കും ത​ന്ത്രി പ​ടി​ഞ്ഞാ​റേ ത​ര​ണ​നെ​ല്ലൂ​ര്‍ അ​നി​പ്ര​കാ​ശ് ന​മ്പൂ​തി​രി അ​നു​മ​തി ന​ല്‍​കി​യി​ട്ടു​ണ്ടെ​ന്നും ദേ​വ​സ്വം വ്യ​ക്ത​മാ​ക്കി.

Tags : Koodalamanikyam: Thantris nattuviehesham local news