കല്ലൂർക്കാട് പഞ്ചായത്തിൽ നിയമസഹായ വേദിയുടെ ഉദ്ഘാടനം അഡീഷണൽ ജില്ലാ സെഷൻസ് ജഡ്ജി കെ.എൻ. ഹരികുമാർ നിർവഹിക്കുന്നു.
കല്ലൂർക്കാട്: കല്ലൂർക്കാട് പഞ്ചായത്തിൽ നിയമസഹായ വേദി പ്രവർത്തനം ആരംഭിച്ചു. മൂവാറ്റുപുഴ താലൂക്ക് ലീഗൽ സർവീസ് അഥോറിറ്റിയുടെ ആഭിമുഖ്യത്തിലാണ് സൗജന്യ നിയമസഹായ വേദി ആരംഭിച്ചിരിക്കുന്നത്.
അഡീഷണൽ ജില്ലാ സെഷൻസ് ജഡ്ജി കെ.എൻ. ഹരികുമാർ നിയമസഹായവേദി ഉദ്ഘാടനം ചെയ്തു. കല്ലൂർക്കാട് പഞ്ചായത്ത് പ്രസിഡന്റ് സിനി മനോജ് അധ്യക്ഷത വഹിച്ചു.
വൈസ് പ്രസിഡന്റ് ജെറിഷ് ജെ. ഏഴാനിക്കാട്ട്, പഞ്ചായത്തംഗങ്ങളായ സുജിത് ബേബി, നീതു ബേബി, പ്രഫ. ജോസ് അഗസ്റ്റിൻ, ബാബു മനയ്ക്കപ്പറമ്പിൽ, ലീഗൽ സർവീസ് അഥോറിറ്റി പാനൽ ലോയർ പി. പ്രവീൺ, സെക്രട്ടറി വി.വി. ശ്യാം, പഞ്ചായത്ത് സെക്രട്ടറി കെ.ടി. മാത്യു തുടങ്ങിയവർ പങ്കെടുത്തു.
എല്ലാ മാസവും മൂന്നാമത്തെ ബുധനാഴ്ച കല്ലൂർക്കാട് പഞ്ചായത്ത് കാര്യാലയത്തിൽ സൗജന്യ നിയമസഹായവേദിയുടെ സേവനം ലഭ്യമാണ്.
Tags : Local News Nattuvishesham Ernakulam