ഇരിട്ടി: മാക്കൂട്ടം ചുരത്തിൽ കൊക്കയിലേക്കു മറിഞ്ഞ ലോറിക്കുള്ളിൽ ഡ്രൈവർ കുടുങ്ങിക്കിടന്നത് രണ്ടര മണിക്കൂർ. ഇരുകാലുകൾക്കും സാരമായി പരിക്കേറ്റ ഡ്രൈവറെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. പടിയൂർ കരവൂർ സ്വദേശി പി.സി. വേണു (52) ആണ് അപകടത്തിൽപ്പെട്ടത്. ഇന്നലെ രാവിലെ 8.30തോടെയായിരുന്നു അപകടം.
പാർസലുമായി നാഷണൽ പെർമിറ്റ് ലോറി വീരാജ്പേട്ടയിൽ നിന്നു കണ്ണൂരിലേക്കു വരികയായിരുന്നു.
ചുരം പാതയിൽ ലോറി നിയന്ത്രണം വിട്ട് വളവിൽ കൊക്കയിലേക്കു മറിയുകയായിരുന്നു. ലോറി വലിയ മരങ്ങളിൽ തട്ടി നിന്നതിനാലാണു വൻ ദുരന്തം ഒഴിവായത്. മണിക്കൂറുകൾ കഴിഞ്ഞാണ് അപകട വിവരം അറിയുന്നത്.
ഇരിട്ടിയിൽ നിന്നും അഗ്നിരക്ഷാസേനയും നാട്ടുകാരും എത്തിയാണ് ഡ്രൈവറെ പുറത്തെടുത്തത്.
Tags : Lorry Nattuvishesham District News