കണ്ണൂർ: പയ്യാന്പലം ബീച്ചിൽ കൂടുതൽ ലൈഫ്ഗാർഡുമാരെ വിന്യസിക്കുമെന്ന് മന്ത്രി പി.സി വിഷ്ണുനാഥ്. പയ്യാമ്പലത്ത് കടലിൽ ഇന്നലെ ഉച്ചയ്ക്ക് 1.30ഓടെ ഇറങ്ങിയ കർണാടക സ്വദേശിയെ കാണാതായതിനെത്തു ടർന്ന് ബീച്ചിൽ എത്തിയതായിരുന്നു മന്ത്രി.
കൂടുതൽ അപായ മുന്നറിയിപ്പ് ബോർഡുകൾ സ്ഥാപിക്കുമെന്നും മന്ത്രി വ്യക്തമാക്കി. മേയർ പി. ഇന്ദിര, ടി.ഒ. മോഹനൻ എംഎൽഎ എന്നിവരും കൂടെയുണ്ടായിരുന്നു.
രാവിലെ 9.15ന് പോലീസ് എയ്ഡ് പോസ്റ്റിന് സമീപം കടലിൽ ഇറങ്ങിയ മൈസൂരു നിന്നുള്ള എട്ടംഗസംഘവും അപകടത്തിൽപെട്ടിരുന്നു. തിരയിൽപ്പെട്ട 24 കാരനായ ചിരന്ത്ശർമയെ രക്ഷപ്പെടുത്തി.
ലൈഫ്ഗാർഡുമാരായ വിജേഷ് ജോസഫ്, ഡേവിഡ് ജോൺസൺ, തീരദേശ പോലീസ് വാർഡൻ അരുൺ എന്നിവരാണ് രക്ഷാപ്രവർത്തനത്തിന് നേതൃത്വം നൽകിയത്.