25

നെ​യ്യാ​ർ​ഡാം: ത​ല​സ്ഥാ​ന ന​ഗ​ര​ത്തെ കു​ടി​വെ​ള്ള ക്ഷാ​മം പ​രി​ഹ​രി​ക്കാ​ൻ ത​യാ​റാ​ക്കി​യ ബ​ദ​ൽ കു​ടി​വെ​ള്ള പ​ദ്ധ​തി​ക്ക് സാ​ധ്യ​ത​യും വി​ശ​ക​ല​ന​വും തേ​ടി വാ​ട്ട​ർ അ​ഥോ​റി​റ്റി.
നെ​യ്യാ​ർ കു​ടി​വെ​ള്ള പ​ദ്ധ​തി​ക്ക് അ​കാ​ല​ച​ര​മ​മ​ട​ഞ്ഞോ എ​ന്ന ആ​ശ​ങ്ക ഉ​യ​രു​ന്ന​തി​നി​ടെ​യാ​ണ് ഈ ​നീ​ക്കം. എ​ഡി​ബി പ​ദ്ധ​തി​യി​ൽ 1,096 കോ​ടി രൂപ ചെ​ല​വി​ട്ട് ന​ഗ​ര​ത്തി​ൽ 24 മ​ണി​ക്കൂ​റും കു​ടി​വെ​ള്ളം ഉ​റ​പ്പാ​ക്കു​മെ​ന്നു പ​റ​യു​ന്ന വാ​ട്ട​ർ അ​ഥോറി​ട്ടി വെ​ള്ളം തേ​ടി അ​ല​യുകയാണ്. അ​രു​വി​ക്ക​ര മാ​ത്ര​മാ​ണ് ന​ഗ​ര​ത്തി​ലേ​ക്കു​ള്ള കു​ടി​വെ​ള്ള സ്രോ​ത​സ്. ഇ​വി​ടെ ക്ഷാ​മ​മു​ണ്ടാ​യാ​ൽ പ​രി​ഹ​രി​ക്കാ​നാ​ണ് നെ​യ്യാ​റി​ൽ 120 എം​എ​ൽ​ഡി കു​ടി​വെ​ള്ള പ്ലാന്‍റ് സ്ഥാ​പി​ക്കാ​ൻ 2015 ൽ ​തീ​രു​മാ​നി​ച്ച​ത്.

എ​ന്നാ​ൽ 11 വ​ർ​ഷ​മാ​യി​ട്ടും പ​ദ്ധ​തി തു​ട​ങ്ങി​യി​ട​ത്തു ത​ന്നെ​യാ​ണ്. ടെ​ൻ​ഡ​റ​ട​ക്ക​മു​ള്ള പ്രാ​രം​ഭഘ​ട്ടം മു​ത​ൽ പ​ദ്ധ​തി അ​ട്ടി​മ​റി​ക്കാ​നാ​യി​രു​ന്നു ശ്ര​മം. 2019 ലാ​ണ് ആ​ദ്യം ടെ​ൻ​ഡ​ർ വി​ളി​ച്ച​ത്. എ​ന്നാ​ൽ തു​ക പോ​രെ​ന്നു പ​റ​ഞ്ഞു ക​രാ​റു​കാ​ര​ൻ പി​ന്മാ​റി. ക​രാ​റു​കാ​ര​ൻ ആ​വ​ശ്യ​പ്പെ​ട്ട തു​ക കൂ​ടു​ത​ലായതി​നാ​ൽ റീ​ടെ​ൻ​ഡ​റും സ​ർ​ക്കാ​ർ റ​ദ്ദാ​ക്കി.
വീ​ണ്ടും ടെ​ൻ​ഡ​ർ വി​ളി​ച്ചെ​ങ്കി​ലും പൈ​പ്പ് ലൈ​ൻ അ​ലൈ​ൻ​മെ​ന്‍റിൽ കി​ഫ്ബി ഉ​ട​ക്കി​ട്ട​തോ​ടെ വീ​ണ്ടും റ​ദ്ദാ​ക്കി. പിന്നീട് ടെ​ൻ​ഡ​ർ ക്ഷ​ണി​ച്ച​പ്പോ​ൾ ശാ​സ്ത​മം​ഗ​ലം-കൊ​ച്ചാ​ർ റോ​ഡി​ലെ ഷി​ക്കാ​ഗോ ക​ൺ​സ്ട്ര​ക്‌ഷൻ​സ് ഇ​ന്‍റ​നാ​ഷ​ണ​ൽ പ്രൈ​വ​റ്റ് ലി​മി​റ്റ​ഡ് 91.09 കോ​ടി ക്വാ​ട്ട് ചെ​യ്തു. 68.61 കോ​ടി​യാ​യി​രു​ന്നു വാ​ട്ട​ർ അഥോ​റി​ട്ടി​യു​ടെ എ​സ്റ്റി​മേ​റ്റ്. എ​സ്റ്റി​മേ​റ്റി​നെ​ക്കാ​ൾ 10 ശ​ത​മാ​ന​ത്തി​നു മു​ക​ളി​ൽ ക്വാ​ട്ട് ചെ​യ്യു​ന്ന ടെ​ൻ​ഡ​ർ അം​ഗീ​ക​രി​ക്കാ​ൻ മ​ന്ത്രി​സ​ഭ​യു​ടെ അ​നു​മ​തി വേ​ണം. എ​ന്നാ​ൽ പ​ദ്ധ​തി​ക്കു​ള്ള സ്ഥ​ലം ക​ണ്ടെ​ത്തി പ്ലാന്‍റും വി​ത​ര​ണ ലൈ​നും സ്ഥാ​പി​ക്കാ​ൻ ഒ​റ്റ ടെ​ൻ​ഡ​ർ ക്ഷ​ണി​ക്കാനായി രുന്നു സ​ർ​ക്കാ​ർ നി​ർ​ദേശം. എ​ന്നി​ട്ടും വാ​ട്ട​ർ അ​ഥോറി​ട്ടി ഇ​തു​വ​രെ അ​ന​ങ്ങി​യി​ല്ല. ടെ​ൻ​ഡ​ർ ത​ള്ളി​യ വി​വ​രം ഷി​ക്കാ​ഗോ ക​മ്പ​നി​യെ അ​റി​യി​ച്ച​തു​മി​ല്ല. മ​റു​പ​ടി​യൊ​ന്നും ല​ഭി​ക്കാ​ത്ത​തി​നാ​ൽ ഒ​രാ​ഴ്ച മു​മ്പ് ക​മ്പ​നി ക​രാ​റി​ൽനി​ന്നു പി​ന്മാ​റി. അ​തോ​ടെ പ​ദ്ധ​തി ഇ​ല്ലാ​താ​യി. അ​രു​വി​ക്ക​ര, പേ​പ്പാ​റ സം​ഭ​ര​ണി​ക​ളി​ൽ ജ​ല​ദൗ​ർ​ല​ഭ്യം അ​നു​ഭ​വ​പ്പെ​ടു​ന്ന സ്ഥി​തി​യു​ള്ള​തി​നാ​ൽ ഇ​വ​യെ​മാ​ത്രം ആ​ശ്ര​യി​ച്ച് മു​ന്നോ​ട്ടു​പോ​കാ​നാ​വി​ല്ലെന്ന സ്ഥി​തി പ​രി​ഗ​ണി​ച്ചാ​ണ് ബ​ദ​ൽ സം​ഭ​ര​ണ സ്രോ​ത​സ് എ​ന്ന നി​ല​യി​ൽ സ​ർ​ക്കാ​ർ ഇ​ത്ത​ര​മൊ​രു പ​ദ്ധ​തി​ക്ക് രൂ​പം ന​ൽ​കി​യ​ത്. നെ​യ്യാ​ർ​ഡാ​മി​ൽ​നി​ന്നു​ള്ള വെ​ള്ളം സ​മീ​പം സ്ഥാ​പി​ക്കു​ന്ന പ്ലാ​ന്‍റി​ൽ ശു​ദ്ധീ​ക​രി​ച്ചു പി​ടി​പി ന​ഗ​റി​ലെ സം​ഭ​ര​ണി​യി​ൽ ശേ​ഖ​രി​ച്ചു വി​ത​ര​ണം ചെ​യ്യു​ന്ന​താ​ണ് പ​ദ്ധ​തി.

ഉ​യ​ർ​ന്ന പ്ര​ദേ​ശ​മാ​യ നെ​യ്യാ​ർ​ഡാ​മി​ൽ​നി​ന്നു ശു​ദ്ധീ​ക​രി​ച്ച വെ​ള്ളം വീ​ണ്ടു​മൊ​രു പ​മ്പി​ംഗ് കൂ​ടാ​തെ 24 കി​ലോ​മീ​റ്റ​ർ ദൂ​ര​ത്തി​ൽ സ്ഥാ​പി​ക്കു​ന്ന പൈ​പ്പു​ക​ളി​ലൂ​ടെ സ്വാ​ഭാ​വി​ക​മാ​യ ഒ​ഴു​ക്കി​ൽ പി​ടിപി ന​ഗ​റി​ലെ സം​ഭ​ര​ണി​യി​ൽ എ​ത്തി​ക്കാ​നാ​കു​മെ​ന്ന വി​ദ​ഗ്ധ നി​ർ​ദേ​ശ​ത്തി​ലാ​ണ് പ​ദ്ധ​തി യാ​ഥാ​ർ​ഥ്യ​മാ​കു​ന്ന​ത്. ഇ​തി​നാ​യി ഈ ​ദൂ​ര​മ​ത്ര​യും 1,400 മി​ല്ലീ​മീ​റ്റ​ർ വ്യാ​സ​മു​ള്ള മൈ​ൽ​ഡ് സ്റ്റീ​ൽ പൈ​പ്പു​ക​ളാ​ണ് സ്ഥാ​പി​ക്കു​ക.

പ്ര​ധാ​ന റോ​ഡ് കു​ഴി​ക്കു​ന്ന​ത് പ​ര​മാ​വ​ധി ഒ​ഴി​വാ​ക്കി​ നെ​യ്യാ​ർ​ഡാം ക​നാ​ലി​ന്‍റെയും ബ​ണ്ട് റോ​ഡു​കളുടെയും ബാ​ക്കി റോ​ഡ​രി​കി​ലൂ​ടെ​യും പൈ​പ്പ് സ്ഥാ​പി​ക്കാ​നാ​ണ് തീ​രു​മാ​നം. ഒ​രു വ​ർ​ഷ​ത്തി​ന​കം പ​ദ്ധ​തി പൂ​ർ​ത്തി​യാ​കു​മെ​ന്നാ​ണ് ജ​ല അ​തോ​റി​റ്റി അ​റി​യി​ച്ചി​ട്ടു​ള്ള​ത്.​

Tags : Nattuvishesham DistrictNews DeepikaNews Drinking Water