ഷൊർണൂർ: കുലുക്കല്ലൂർ ക്രോസിംഗ് സ്റ്റേഷനിൽ പുതിയ പ്ലാറ്റ്ഫോം നിർമാണം തുടങ്ങി. ഷൊർണൂർ- നിലമ്പൂർ റെയിൽപാതയിൽ പുതിയ ക്രോസിംഗ് സ്റ്റേഷൻ കുലുക്കല്ലൂരിൽ പ്രവർത്തനം ആരംഭിച്ച് കഴിഞ്ഞ സാഹചര്യത്തിലാണ് പ്ലാറ്റ്ഫോം നിർമാണം നടക്കുന്നത്.
ഹാൾട്ട് സ്റ്റേഷനായി പ്രവർത്തിച്ചിരുന്ന കുലുക്കല്ലൂർ സ്റ്റേഷൻ അങ്ങനെ ബ്ലോക്ക് സ്റ്റേഷനായി മാറി. നിലവിൽ ഷൊർണൂർ- നിലമ്പൂർ പാതയിൽ വാണിയമ്പലം, അങ്ങാടിപ്പുറം എന്നീ രണ്ട് ക്രോസിംഗ് സ്റ്റേഷൻ മാത്രമാണുള്ളത്.
പുതുതായി രണ്ട് ക്രോസിംഗ് സ്റ്റേഷനുകൾ നിർമിക്കുന്നതിൽ ഒന്നാണ് ഇപ്പോൾ പ്രവർത്തനം ആരംഭിച്ചിരിക്കുന്നത്. അങ്ങാടിപ്പുറം ഷൊർണൂർ സ്റ്റേഷനുകൾക്ക് ഇടയിൽ ആണ് കുലുക്കല്ലൂർ സ്റ്റേഷൻ സ്ഥിതി ചെയ്യുന്നത്. പുതുതായി നിർമിക്കുന്ന പ്ലാറ്റ്ഫോമിന്റെ ജോലികൾ പുരോഗമിക്കുകയാണ്. കുലുക്കല്ലൂരിനുപുറമേ വാണിയമ്പലത്തും പുതിയ ക്രോസിംഗ് സ്റ്റേഷൻ വരുന്നുണ്ട് .