സമസ്ത കോ ഓർഡിനേഷൻ കമ്മിറ്റി കട്ടയാടിൽ നിർമിച്ച വീടുകളുടെ കൈമാറ്റച്ചടങ്ങ് സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്യുന്നു.
വെള്ളമുണ്ട: പുഞ്ചിരിമട്ടം ഉരുൾ ദുരന്ത ബാധിതരിൽ സർക്കാരിന്റെയും മറ്റ് ഏജൻസികളുടെയും പുനരധിവാസ പദ്ധതിയിൽ ഉൾപ്പെടാതെപോയതിൽ നാല് കുടുംബങ്ങൾക്ക് സമസ്ത കോ ഓർഡിനേഷൻ കമ്മിറ്റി അൽ ബിർറ് പ്രീ സ്കൂളിന്റെയും കോഴിക്കോട് മയ്യന്നൂർ മഹല്ല് കമ്മിറ്റിയുടെും സാന്പത്തിക പിന്തുണയോടെ കട്ടയാടിൽ നിർമിച്ച നാല് വീടുകളുടെ കൈമാറ്റം നടത്തി.
ഇതിനു സംഘടിപ്പിച്ച ചടങ്ങ് സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്തു. വീടുകളിൽ ഒന്നിന്റെ താക്കോൽദാനവും ഭവന പദ്ധതിക്ക് സ്ഥലം ലഭ്യമാക്കിയ പാറക്ക ഉസ്മാനുള്ള മെമന്റോ സമർപ്പണവും തങ്ങൾ നിർവഹിച്ചു. മറ്റു വീടുകളുടെ താക്കോൽ ഉമർ ഫൈസി മുക്കം, സമസ്ത കേന്ദ്ര മുശാവറ അംഗം വി. മൂസക്കോയ മുസ്ലിയാർ, മയ്യന്നൂർ മഹല്ല് പ്രസിഡന്റ് ഉസ്മാൻ ഹാജി എന്നിവർ കുടുംബങ്ങൾക്ക് നൽകി. സമസ്ത സെക്രട്ടറി ഉമർ ഫൈസി മുക്കം അധ്യക്ഷത വഹിച്ചു.
സമസ്ത വിദ്യാഭ്യാസ ബോർഡ് മാനേജർ മോയിൻകുട്ടി മുഖ്യപ്രഭാഷണം നടത്തി. അൽബിർറ് അഡ്മിനിസ്ട്രേറ്റീവ് കമ്മിറ്റി ഡയറക്ടർ ഡോ.കെ.പി. മുഹമ്മദ് റിപ്പോർട്ട് അവതരിപ്പിച്ചു.
കുട്ടിഹസൻ ദാരിമി, കാഞ്ഞായി മമ്മൂട്ടി മുസ്ലിയാർ, എം. ഹസൻ മുസ്ലിയാർ, ഇബ്രാഹിം ഫൈസി വാളാട്, എസ്. മുഹമ്മദ് ദാരിമി, ഇബ്രഹിം ഫൈസി പേരാൽ, സി.പി. ഹാരിസ് ബാഖവി, മുഹിയുദ്ദീൻകുട്ടി യമാനി, ഷൗക്കത്തലി മൗലവി വെള്ളമുണ്ട, ഫൈസൽ ദാരിമി, മഹല്ല് പ്രസിഡന്റ് പാറക്ക സുലൈമാൻ, സെക്രട്ടറി ആർ.വി. നാസർ, മഹല്ല് ഖത്തീബ് മുഹമ്മദ് നുജൂമി തുടങ്ങിയവർ പങ്കെടുത്തു.
പാണക്കാട് സയ്യിദ് സഹീറലി ശിഹാബ് തങ്ങൾ പ്രാർഥനയും മുഹമ്മദ് മിൻഹാജ് ഖിറാഅത്തും നടത്തി. ഉഷ വിജയൻ എംഎൽഎ, വെള്ളമുണ്ട പഞ്ചായത്ത് പ്രസിഡന്റ് ഖമർ ലൈല തുടങ്ങിയവർ രാവിലെ വീടുകളിലെത്തി കുടുംബങ്ങളെ ആശംസ അറിയിച്ചു. കുടുംബങ്ങൾക്ക് കിണർ നിർമാണത്തിന് സ്ഥലം നൽകിയ ആയിഷ ഹജ്ജുമ്മയെ എംഎൽഎ ഷാൾ അണിയിച്ചു.
Tags : Local News Nattuvishesham Wayanad