നഗരസഭയുടെ നേതൃത്വത്തില് വഴിയോര കച്ചവടക്കാരെ ഒഴിപ്പിക്കുന്നു.
നെയ്യാറ്റിന്കര : നെയ്യാറ്റിന്കര ആലുംമൂട് ജംഗ്ഷന് മുതല് ആശുപത്രി ജംഗ്ഷന് വരെയുള്ള വഴിയോര കച്ചവടം പൂര്ണമായി ഒഴിപ്പിച്ച് നഗരസഭ. കച്ചവടക്കാര്ക്ക് അമരവിള ചെക്പോസ്റ്റ് ജംഗ്ഷനു സമീപം ഇവര്ക്ക് കച്ചവടം നടത്താന് അനുമതി നല്കി.
ഇന്നലെ രാവിലെ പോലീസിന്റെയും റവന്യൂ വകുപ്പിന്റെയും പൊതുമരാമത്ത് വകുപ്പിന്റെയും സഹകരണത്തോടെയാണ് നഗരസഭ വഴിയോര കച്ചവടക്കാരെ ഒഴിപ്പിക്കല് നടപടികള് ആരംഭിച്ചത്.
നഗരത്തിലെ തന്നെ ഏറ്റവും തിരക്കേറിയ ഈ ഭാഗത്തെ വഴിയോര വ്യാപാരത്തെക്കുറിച്ച് നേരത്തെ വ്യാപകമായ പരാതികളുയര്ന്നിരുന്നു. സുഗമമായ ഗതാഗതത്തിനും കാല്നടയാത്രയ്ക്കും തടസമാകുന്നുവെന്ന പരാതിയുണ്ടായിട്ടും വിവിധ തരത്തിലുള്ള സമ്മര്ദത്താല് ഒഴിപ്പിക്കല് നടന്നില്ലായെന്നായിരുന്നു ആരോപണം.
വഴിയോര കച്ചവടക്കാരെ ഉപദ്രവിക്കുകയല്ല ചെയ്തതെന്നും നഗരസഭ തന്നെ സജ്ജമാക്കിയ സൗകര്യപ്രദമായ മറ്റൊരിടത്തേയ്ക്ക് അവരെ മാറ്റി കച്ചവടം തുടരാനാണ് അനുവദിച്ചതെന്നുമായിരുന്നു അധികൃതരുടെ പ്രതികരണം.