തൃ​ശൂ​ർ: കൂ​ർ​ക്ക​ഞ്ചേ​രി​യി​ൽ അ​ട​ച്ചി​ട്ട വീ​ട്ടി​ൽ​നി​ന്ന് 55 പ​വ​ൻ ക​വ​ർ​ന്ന സം​ഭ​വം ന​ട​ന്ന് ഒ​രു​മാ​സം പി​ന്നി​ട്ടി​ട്ടും തു​ന്പി​ല്ലാ​തെ പൊ​ലി​സ്. ക​ഴി​ഞ്ഞ​മാ​സം 22നു ​പു​ല​ർ​ച്ചെ ഒ​ന്ന​ര​യോ​ടെ​യാ​ണു കൂ​ർ​ക്ക​ഞ്ചേ​രി ജു​മാ മ​സ്ജി​ദി​ന് സ​മീ​പം ഉ​ണ്ണി​പ്പി​ള്ള വീ​ട്ടി​ൽ ഹ​സ​ൻ അ​ലി​യു​ടെ വീ​ടി​ന്‍റെ വാ​തി​ൽ ത​ക​ർ​ത്ത് 55 പ​വ​നും മൂ​ന്ന​ര​ല​ക്ഷം രൂ​പ​യും ക​വ​ർ​ന്ന​ത്. ആ​കെ 58.5 ലക്ഷം രൂ​പ​യു​ടെ ന​ഷ്ട​മെ​ന്നാ​ണു പൊ​ലി​സ് എ​ഫ്ഐ​ആ​ർ.

നെ​ടു​പു​ഴ പൊ​ലി​സ്, സി​റ്റി പൊ​ലി​സ് ക​മ്മീ​ഷ​ണ​റു​ടെ പ്ര​ത്യേ​ക ഷാ​ഡോ സ്ക്വാ​ഡ്, തൃ​ശൂ​ർ എ​സി​പി​യു​ടെ നേ​തൃ​ത്വ​ത്തി​ലു​ള്ള സം​ഘം എ​ന്നി​വ​യു​ടെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം ന​ട​ത്തു​ന്ന​ത്. പ്ര​തി​ക​ൾ മു​ഖം​മ​റ​ച്ച നി​ല​യി​ലാ​യി​രു​ന്നെ​ന്നും പ്ര​ത്യേ​ക സം​ഘം കേ​സി​നു പി​ന്നാ​ലെ​യു​ണ്ടെ​ന്നും നെ​ടു​പു​ഴ പൊ​ലി​സ് പ​റ​ഞ്ഞു.

മ​ക​ന്‍റെ ചി​കി​ത്സ​യു​മാ​യി ബ​ന്ധ​പ്പെ​ട്ട് ഹ​സ​ൻ അ​ലി​യും കു​ടും​ബ​വും ഒ​രാ​ഴ്ച​യാ​യി എ​റ​ണാ​കു​ള​ത്താ​യി​രു​ന്നു. 22നു ​രാ​വി​ലെ കൂ​ർ​ക്ക​ഞ്ചേ​രി​യി​ലെ വീ​ട്ടി​ലെ​ത്തി​യ​പ്പോ​ഴാ​ണ് മോ​ഷ​ണ​വി​വ​രം അ​റി​ഞ്ഞ​ത്. എ​സി​പി ഉ​ൾ​പ്പെ​ടെ​യു​ള്ള പൊ​ലി​സു​മാ​യി നി​ര​ന്ത​രം ബ​ന്ധ​പ്പെ​ടു​ന്നു​ണ്ടെ​ന്നും അ​ന്വേ​ഷ​ണം പു​രോ​ഗ​മി​ക്കു​ന്നെ​ന്ന വി​വ​രം മാ​ത്ര​മാ​ണ് അ​റി​യി​ച്ചി​ട്ടു​ള്ള​തെ​ന്നും ഹ​സ​ൻ അ​ലി പ​റ​ഞ്ഞു.

ഏ​ക​ദേ​ശം ഒ​രു മ​ണി​ക്കൂ​റി​ലേ​റെ മോ​ഷ്ടാ​വ് വീ​ടി​ന​ക​ത്തു​ണ്ടാ​യി​രു​ന്നു. തു​ട​ർ​ന്നു മ​തി​ൽ​ചാ​ടി പു​റ​ത്തു ക​ട​ക്കു​ന്ന​തു സി​സി​ടി​വി​യി​ൽ പ​തി​ഞ്ഞി​ട്ടു​ണ്ട്. മോ​ഷ്ടാ​വ് മു​ഖം മ​റ​ച്ചി​ട്ടു​ണ്ട്. തെ​ളി​വെ​ടു​പ്പി​ന് സ്ഥ​ല​ത്തെ​ത്തി​യ ഡോ​ഗ് സ്ക്വാ​ഡ് വീ​ടി​ന് സ​മീ​പ​ത്തു​നി​ന്ന് 100 മീ​റ്റ​ർ ഓ​ടി. വി​ര​ല​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും ഉ​ൾ​പ്പെ​ടെ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യി​രു​ന്നു.

സം​ഭ​വ​ദി​വ​സം ത​ലേ​ന്നു വൈ​കി​ട്ടു ഹ​സ​ൻ അ​ലി കൂ​ർ​ക്ക​ഞ്ചേ​രി​യി​ൽ എ​ത്തി​യെ​ങ്കി​ലും വീ​ട്ടി​ൽ ആ​ളി​ല്ലാ​ത്ത​തി​നാ​ൽ സ​ഹോ​ദ​ര​ന്‍റെ വീ​ട്ടി​ലാ​ണ് ഉ​റ​ങ്ങി​യ​ത്. രാ​വി​ലെ പ​ള്ളി​യി​ൽ നി​സ്ക​രി​ച്ച​ശേ​ഷം വീ​ട്ടി​ലെ​ത്തി​യ​പ്പോ​ഴാ​ണു മോ​ഷ​ണ വി​വ​ര​മ​റി​ഞ്ഞ​ത്. വീ​ടി​ന്‍റെ വാതിൽ കു​ത്തി​ത്തു​റ​ന്നാ​ണ് മോ​ഷ​ണം. സ​മീ​പ​ത്തെ ഐ​ശ്വ​ര്യ ഗാ​ർ​ഡ​നി​ലും മോ​ഷ​ണ​ശ്ര​മം ന​ട​ന്നു. പ്ര​ദേ​ശ​ത്തു നി​ര​വ​ധി വീ​ടു​ക​ളു​ണ്ടെ​ങ്കി​ലും അ​ട​ഞ്ഞു​കി​ട​ക്കു​ന്ന വീ​ടാ​ണെ​ന്നു മ​ന​സി​ലാ​ക്കി​യാ​ണു മോ​ഷ​ണ​മെ​ന്നു സം​ശ​യി​ക്കു​ന്നു. തൃ​ശൂ​രി​ൽ സ്വ​ർ​ണാ​ഭ​ര​ണ നി​ർ​മാ​ണ​ങ്ങ​ൾ​ക്ക് ആ​വ​ശ്യ​മാ​യ ടൂ​ൾ​സ് വി​ൽ​ക്കു​ന്ന സ്ഥാ​പ​നം ന​ട​ത്തു​ന്ന​യാ​ളാ​ണ് ഹ​സ​ൻ അ​ലി. ഗോ​ൾ​ഡ് ക​വ​റിം​ഗ് ആ​ഭ​ര​ണ​ങ്ങ​ൾ നീ​ക്കി​വ​ച്ച് സ്വ​ർ​ണം മാ​ത്ര​മാ​ണ് മോ​ഷ്ടാ​വ് ക​വ​ർ​ന്ന​ത്.

പ്ര​ദേ​ശ​ത്തു മു​ന്പും മോ​ഷ​ണ​ശ്ര​മം ന​ട​ന്ന​താ​യി റ​സി​ഡ​ന്‍റ്സ് അ​സോ​സി​യേ​ഷ​ൻ ഭാ​ര​വാ​ഹി ചൂ​ണ്ടി​ക്കാ​ട്ടി​യി​രു​ന്നു. ഓ​ഗ​സ്റ്റി​ലും സെ​പ്റ്റം​ബ​റി​ലും അ​ച്ച​ൻ​തേ​വ​ർ ശി​വ​ക്ഷേ​ത്ര​ത്തി​ൽ ര​ണ്ടു​വ​ട്ടം മോ​ഷ​ണ​ശ്ര​മ​മു​ണ്ടാ​യി. ര​ണ്ടു യു​വാ​ക്ക​ളാ​ണു മോ​ഷ​ണ​ത്തി​നു ശ്ര​മി​ച്ച​ത്.

പ്ര​ദേ​ശ​ത്തെ വീ​ടു​ക​ളി​ലെ സി​സി​ടി​വി​ക​ൾ തി​രി​ച്ചു​വ​ച്ച​തും ക​ണ്ടെ​ത്തി. അ​ന്നു​മു​ത​ൽ പൊ​ലി​സ് പ​ട്രോ​ളിം​ഗ് ശ​ക്ത​മാ​ക്കി​യി​രു​ന്നു. ഇ​തി​നി​ട​യി​ലാ​ണ് ഹ​സ​ൻ അ​ലി​യു​ടെ വീ​ട്ടി​ൽ ക​വ​ർ​ച്ച ന​ട​ന്ന​ത്.

Tags :