13

അ​യി​ലൂ​ർ: അ​പ്ര​തീ​ക്ഷി​ത​മാ​യ കാ​ലാ​വ​സ്ഥാ വ്യ​തി​യാ​ന​വും വൈ​റ​സ് രോ​ഗ​ങ്ങ​ളു​ടെ വ്യാ​പ​ന​വും​മൂ​ലം അ​യി​ലൂ​ർ മേ​ഖ​ല​യി​ലെ പ​ച്ച​ക്ക​റി​ക​ർ​ഷ​ക​ർ ക​ടു​ത്ത പ്ര​തി​സ​ന്ധി​യി​ൽ. പാ​വ​ൽ​ക്കൃ​ഷി​യി​ൽ വ്യാ​പ​ക​മാ​യി മു​ര​ടി​പ്പു​രോ​ഗ​വും പ​ച്ചി​ല​വാ​ട്ട​വും ബാ​ധി​ച്ച​തോ​ടെ ഉ​ത്പാ​ദ​നം ഗ​ണ്യ​മാ​യി കു​റ​ഞ്ഞി​ട്ടു​ണ്ട്.

വി​ള​വു കു​റ​ഞ്ഞ​തോ​ടൊ​പ്പം വി​പ​ണി​യി​ൽ പ​ച്ച​ക്ക​റി​ക​ൾ​ക്കു വി​ല​യി​ടി​ഞ്ഞ​തും ക​ർ​ഷ​ക​രു​ടെ സാ​മ്പ​ത്തി​ക ബു​ദ്ധി​മു​ട്ടു​ക​ൾ വ​ർ​ധി​പ്പി​ച്ചു. അ​യി​ലൂ​ർ കൃ​ഷി​ഭ​വ​ൻ പ​രി​ധി​യി​ലു​ള്ള പാ​ളി​യ​മം​ഗ​ലം, കൂ​റു​മ്പൂ​ർ, ക​രി​ങ്കു​ളം, തി​രു​വ​ഴി​യാ​ട് തു​ട​ങ്ങി​യ പ്ര​ദേ​ശ​ങ്ങ​ളി​ലാ​യി ഏ​ക​ദേ​ശം 60 ഏ​ക്ക​റോ​ളം വ്യാ​പി​ച്ചു​കി​ട​ക്കു​ന്ന പാ​വ​ൽ​ക്കൃ​ഷി​യാ​ണ് രോ​ഗ​ബാ​ധ​യെ​തു​ട​ർ​ന്ന് ന​ഷ്ട​ത്തി​ലാ​യ​ത്. സാ​ധാ​ര​ണ​യാ​യി ഈ ​സ​മ​യ​ത്ത് ഒ​രേ​ക്ക​റി​ൽ​നി​ന്ന് ഒ​രു​ട​ൺ​വ​രെ പാ​വ​ൽ ല​ഭി​ക്കാ​റു​ണ്ടെ​ങ്കി​ലും ഇ​ത്ത​വ​ണ ഉ​ത്പാ​ദ​നം പ​കു​തി​യി​ല​ധി​കം കു​റ​ഞ്ഞ​താ​യി പാ​ളി​യ​മം​ഗ​ല​ത്തെ ക​ർ​ഷ​ക​നാ​യ ഷാ​ഹു​ൽ​ഹ​മീ​ദ് പ​റ​യു​ന്നു.

വി​ല​ത്ത​ക​ർ​ച്ച​യും ക​ർ​ഷ​ക​രെ വ​ല​യ്ക്കു​ന്ന മ​റ്റൊ​രു പ്ര​ധാ​ന പ്ര​ശ്ന​മാ​ണ്. ക​ഴി​ഞ്ഞ​വ​ർ​ഷം കി​ലോ​യ്ക്ക് 55 രൂ​പ​വ​രെ ല​ഭി​ച്ചി​രു​ന്ന പാ​വ​യ്ക്ക​യ്ക്ക് ഇ​പ്പോ​ൾ 13 രൂ​പ മാ​ത്ര​മാ​ണ് ല​ഭി​ക്കു​ന്ന​ത്.
അ​തു​പോ​ലെ കി​ലോ​യ്ക്ക് 35 രൂ​പ ല​ഭി​ച്ചി​രു​ന്ന പ​ട​വ​ല​ത്തി​ന് ഇ​ത്ത​വ​ണ എ​ട്ടു​രൂ​പ​യോ​ളം മാ​ത്ര​മാ​ണ് വി​പ​ണി വി​ല. പ്ര​ദേ​ശ​ത്തെ ഭൂ​രി​ഭാ​ഗം ക​ർ​ഷ​ക​രും ഉ​യ​ർ​ന്ന പാ​ട്ട​ത്തു​ക​ന​ൽ​കി ഭൂ​മി ഏ​റ്റെ​ടു​ത്ത് വാ​യ്പ​യെ​ടു​ത്താ​ണ് കൃ​ഷി​യി​റ​ക്കി​യി​രി​ക്കു​ന്ന​ത്. വി​ത്ത്, വ​ളം, കീ​ട​നാ​ശി​നി, പ​ന്ത​ൽ നി​ർ​മ്മാ​ണം, തൊ​ഴി​ലാ​ളി​ക​ളു​ടെ കൂ​ലി തു​ട​ങ്ങി വ​ലി​യ ചെ​ല​വു​ക​ൾ വ​ഹി​ച്ച ശേ​ഷ​മാ​ണ് കൃ​ഷി ന​ട​ത്തു​ന്ന​ത്.

എ​ന്നാ​ൽ പ്ര​തീ​ക്ഷി​ച്ച വ​രു​മാ​നം ല​ഭി​ക്കാ​ത്ത​തി​നാ​ൽ വാ​യ്പ തി​രി​ച്ച​ട​വ് പോ​ലും അ​നി​ശ്ചി​ത​ത്വ​ത്തി​ലാ​യി​രി​ക്കു​ക​യാ​ണ്. ഓ​ണ​ക്കാ​ലം ല​ക്ഷ്യ​മി​ട്ടാ​ണ് മേ​ഖ​ല​യി​ൽ വ്യാ​പ​ക​മാ​യി പ​ച്ച​ക്ക​റി​കൃ​ഷി ന​ട​ത്താ​റു​ള്ള​ത്.

മു​ൻവ​ർ​ഷ​ങ്ങ​ളി​ൽ പാ​ളി​യ​മം​ഗ​ല​ത്ത് നി​ന്നു​മാ​ത്രം പ്ര​തി​ദി​നം അ​ഞ്ചു​മു​ത​ൽ എ​ട്ടു ലോ​ഡു​വ​രെ പ​ച്ച​ക്ക​റി​ക​ൾ വി​വി​ധ ജി​ല്ല​ക​ളി​ലേ​ക്ക് ക​യ​റ്റി അ​യ​ച്ചി​രു​ന്നു. പ​ച്ച​ക്ക​റി​കൃ​ഷി നി​ല​നി​ർ​ത്താ​ൻ സ​ർ​ക്കാ​ർ ഇ​ട​പെ​ട​ൽ അ​നി​വാ​ര്യ​മാ​ണെ​ന്നാ​ണ് ക​ർ​ഷ​ക​രു​ടെ നി​ല​പാ​ട്.

Tags : Stagnation in rice farming Nattuvishesham District News