19

ഇ​രി​ട്ടി: പേ​രാ​വൂ​രി​ൽ നാ​ലാം​ത​വ​ണ​യും സ​ണ്ണി ജോ​സ​ഫി​ന് വി​ജ​യം. എ​ൽ​ഡി​എ​ഫി​ന്‍റെ ക​രു​ത്ത​യാ​യ സ്ഥാ​നാ​ർ​ഥി കെ.​കെ. ശൈ​ല​ജ​യെ മ​ണ്ഡ​ല​ത്തി​ലെ എ​ക്കാ​ല​ത്തെ​യും വ​ലി​യ ഭൂ​രി​പ​ക്ഷ​ത്തി​ൽ പ​രാ​ജ​യ​പ്പെ​ടു​ത്തി​യാ​ണ് കെ​പി​സി​സി പ്ര​സി​ഡ​ന്‍റി​ന്‍റെ തി​ള​ക്ക​മാ​ർ​ന്ന നേ​ട്ടം.14453 വോ​ട്ടി​ന്‍റെ ഭൂ​രി​പ​ക്ഷ​ത്തി​ലാ​ണ് വി​ജ​യം. ‌‌‌

വോ​ട്ടെ​ണ്ണ​ലി​ന്‍റെ ആ​ദ്യ ര​ണ്ട് റൗ​ണ്ട് ഒ​ഴി​ച്ചാ​ൽ ഒ​രു ഘ​ട്ട​ത്തി​ലും വെ​ല്ലു​വി​ളി ഉ​യ​ർ​ത്താ​ൻ കെ.​കെ. ശൈ​ല​ജ​യ്ക്ക് ക​ഴി​ഞ്ഞി​ല്ല.​

മു​ൻ ആ​രോ​ഗ്യ​മ​ന്ത്രി എ​തി​രാ​ളി​യാ​യി എ​ത്തി​യ​തോ​ടെ ക​രു​ത്തു​റ്റ പോ​രാ​ട്ട​മാ​യി​രി​ക്കു​മെ​ന്ന പ്ര​വ​ച​ന​ങ്ങ​ളെ അ​സ്ഥാ​ന​ത്താ​ക്കു​ന്ന മു​ന്നേ​റ്റ​മാ​ണ് സി​പി​എ​മ്മി​ന്‍റെ കോ​ട്ട​ക​ളി​ൽ പോ​ലും സ​ണ്ണി ജോ​സ​ഫ് ന​ട​ത്തി​യ​ത്. ജ​ന്മ​നാ​ട് കൂ​ടി​യാ​യ പാ​യം പ​ഞ്ചാ​യ​ത്തി​ൽ പോ​ലും സ​ണ്ണി​ക്ക് വെ​ല്ലു​വി​ളി ഉ​യ​ർ​ത്താ​ൻ ശൈ​ല​ജ​യ്ക്കാ​യി​ല്ല. 3000 വോ​ട്ടി​ന്‍റെ ഭൂ​രി​പ​ക്ഷം പ്ര​തീ​ക്ഷി​ച്ച പാ​യ​ത്ത് 1011 വോ​ട്ടി​ന്‍റെ മേ​ൽ​ക്കൈ നേ​ടാ​നെ ശൈ​ല​ജ​യ്ക്ക് ക​ഴി​ഞ്ഞ​ള്ളൂ. തു​ട​ർ​ന്നു​ള്ള ഓ​രോ റൗ​ണ്ടു​ക​ളി​ലും സ​ണ്ണി കൃ​ത്യ​മാ​യ ഭൂ​രി​പ​ക്ഷം നി​ല​നി​ർ​ത്തി.

എ​ൽ​ഡി​എ​ഫ് ഭ​രി​ക്കു​ന്ന ഇ​രി​ട്ടി ന​ഗ​ര​സ​ഭ​യി​ലും മു​ഴ​ക്കു​ന്നി​ലും പേ​രാ​വൂ​രി​ലും ക​രു​ത്ത് കാ​ട്ടി​യ​തി​നൊ​പ്പം യു​ഡി​എ​ഫി​ന്‍റെ സ്വാ​ധീ​ന മേ​ഖ​ല​ക​ളാ​യ കേ​ള​ക​ത്തും ക​ണി​ച്ചാ​റി​ലും കൊ​ട്ടി​യൂ​രി​ലും അ​യ്യ​ൻ​കു​ന്നി​ലും ആ​റ​ള​ത്തും വ്യ​ക്ത​മാ​യ ലീ​ഡ് നി​ല​നി​ർ​ത്താ​ൻ ക​ഴി​ഞ്ഞ​താ​ണ് സ​ണ്ണി ജോ​സ​ഫി​ന് ച​രി​ത്ര​വി​ജ​യം സ​മ്മാ​നി​ച്ച​ത്.

പ​തി​നാ​യി​രം വോ​ട്ട് തി​ക​യ്ക്കാ​ൻ ഇ​ത്ത​വ​ണ​യും എ​ൻ​ഡി​എ​ക്ക് ക​ഴി​ഞ്ഞി​ല്ല. ശ​ക്ത​മാ​യ പ്ര​ചാ​ര​ണ പ​രി​പാ​ടി​ക​ളു​മാ​യി എ​ൻ​ഡി​എ സ​ജീ​വ​മാ​യി​രു​ന്നു​വെ​ങ്കി​ലും 8020 ‌‌‌ വോ​ട്ടാ​ണ് ല​ഭി​ച്ച​ത്. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ സ​ണ്ണി​യു​ടെ ഭൂ​രി​പ​ക്ഷം 3172 വോ​ട്ടാ​യി​രു​ന്നു. ക​ഴി​ഞ്ഞ ത​വ​ണ സി​പി​എ​മ്മി​ലെ കെ.​വി. സ​ക്കീ​ർ ഹു​സൈ​ൻ നേ​ടി​യ​തി​ൽ നി​ന്ന് 1847 വോ​ട്ടു​ക​ൾ കു​റ​വാ​ണ് ഇ​ത്ത​വ​ണ ശൈ​ല​ജ​ക്ക് ല​ഭി​ച്ച​ത്. ആ​കെ പോ​ൾ ചെ​യ്ത വോ​ട്ടി​ൽ 9434 വോ​ട്ടി​ന്‍റെ വ​ർ​ധ​ന ഉ​ണ്ടാ​ക്കാ​നും സ​ണ്ണി​ക്ക്‌ ക​ഴി​ഞ്ഞു. സി​പി​എം കേ​ന്ദ്ര​ങ്ങ​ളി​ലെ വോ​ട്ട് ചോ​ർ​ച്ച​യാ​ണ് കെ.​കെ. ശൈ​ല​ജ​യ്ക്ക് വ​ൻ തി​രി​ച്ച​ടി​യാ​യ​ത്.

എ​ൽ​സി ജോ​സ​ഫാ​ണ് സ​ണ്ണി ജോ​സ​ഫി​ന്‍റെ ഭാ​ര്യ. മ​ക്ക​ൾ: ആ​ശ റോ​സ് (സ​ഹ​ക​ര​ണ ബാ​ങ്ക് കോ​ഴി​ക്കോ​ട്) ഡോ. ​അ​ഞ്ജു​റോ​സ് (കോ​ഴി​ക്കോ​ട് മെ​ഡി​ക്ക​ൽ കോ​ളേ​ജ്) മ​രു​മ​ക​ക​ൾ: പ്ര​കാ​ശ് മാ​ത്യു(​ബി​സി​ന​സ്) ഡോ. ​സാ​ൻ​സ് ബൗ​സി​ലി (റേ​ഡി​യോ​ള​ജി​സ്റ്റ്).

Tags : Sunny Joseph nattuvishesham local news