29

അ​തി​ര​മ്പു​ഴ: ഭ​ക്തി​യും ആ​ഘോ​ഷ​വും സ​മ​ന്വ​യി​ക്കു​ന്ന വൈ​വി​ധ്യ​മാ​ര്‍​ന്ന ച​ട​ങ്ങു​ക​ളും ആ​ചാ​ര​ങ്ങ​ളു​മാ​യി അ​തി​ര​മ്പു​ഴ​യ്ക്ക് ഇ​നി 14 ആ​ഘോ​ഷ നാ​ളു​ക​ള്‍. ഇ​ന്നു രാ​വി​ലെ 7.15ന് ​നൂ​റു​ക​ണ​ക്കി​നു വി​ശ്വാ​സി​ക​ളു​ടെ സാ​ന്നി​ധ്യ​ത്തി​ല്‍ വി​കാ​രി ഫാ. ​മാ​ത്യു പ​ടി​ഞ്ഞാ​റേ​ക്കു​റ്റ് തി​രു​നാ​ളി​നു കൊ​ടി​യേ​റ്റി. ആ സമയം മഞ്ഞയും വെള്ളയും നിറത്തിലുള്ള ആയിരക്കണക്കിനു ബലൂണുകൾ അന്തരീക്ഷത്തിലേക്ക് ഉയർന്നു ചടങ്ങുകൾക്കു സഹ കാർമികരായി ഫാ. ഏബ്രഹാം കാടാത്തുകുളം, ഫാ. അനീഷ് കാമിച്ചേരി, ഫാ. ടോണി മണക്കുന്നേൽ, ഫാ. അലൻ മാലിത്തറ, കുറുമ്പനാടം ഫൊറോന വികാരി ഫാ. ജോബി കറുകപ്പറമ്പിൽ, ഫാ. ഷാജി തുമ്പേച്ചിറയിൽ എന്നിവർ പങ്കുചേർന്നു. വേ​ദ​ഗി​രി കോ​ട്ട​യം ടെ​ക്സ്റ്റൈ​ല്‍​സി​ല്‍നി​ന്നു​ള്ള ക​ഴു​ന്ന് പ്ര​ദ​ക്ഷി​ണം വൈ​കു​ന്നേ​രം ആ​റി​ന് ആ​രം​ഭി​ച്ച് രാ​ത്രി 8.15ന് ​വ​ലി​യ പ​ള്ളി​യി​ല്‍ സ​മാ​പി​ക്കും.

പരസ്യവണക്കം

വി​ശു​ദ്ധ സെ​ബ​സ്ത്യാ​നോ​സി​ന്‍റെ പ്ര​ശ​സ്ത​മാ​യ തി​രു​സ്വ​രൂ​പം നാ​ളെ രാ​വി​ലെ 7.30ന് ​പ​ര​സ്യ​വ​ണ​ക്ക​ത്തി​നാ​യി പു​റ​ത്തെ​ടു​ത്ത് രൂ​പ​ക്കൂ​ട്ടി​ല്‍ പ്ര​തി​ഷ്ഠി​ച്ച ശേ​ഷം തി​രു​സ്വ​രൂ​പ​വു​മാ​യി ചെ​റി​യ പ​ള്ളി​യി​ലേ​ക്കു പ്ര​ദ​ക്ഷി​ണം. തു​ട​ര്‍​ന്ന് തി​രു​സ്വ​രൂ​പം ചെ​റി​യ​പ​ള്ളി​യി​ല്‍ സ്ഥാ​പി​ക്കും. 24ന് ​രാ​ത്രി വ​രെ തി​രു​സ്വ​രൂ​പം ചെ​റി​യ​പ​ള്ളി​യി​ലാ​യി​രി​ക്കും. ഈ ​ദി​വ​സ​ങ്ങ​ളി​ലെ തി​രു​നാ​ള്‍ തി​രു​ക്ക​ര്‍​മ​ങ്ങ​ള്‍ ചെ​റി​യ​പ​ള്ളി​യി​ലാ​യി​രി​ക്കും.

ദേശക്കഴുന്ന്

അ​തി​ര​മ്പു​ഴ​യു​ടെ ഏ​റ്റ​വും വ​ലി​യ ആ​ത്മീ​യാ​ഘോ​ഷ​മാ​യി ക​രു​തു​ന്ന ദേ​ശ​ക്ക​ഴു​ന്ന് നാ​ളെ തു​ട​ങ്ങും. അ​തി​ര​മ്പു​ഴ​യെ നാ​ലു ഭാ​ഗ​ങ്ങ​ളാ​യി തി​രി​ച്ച് ന​ട​ത്തു​ന്ന ദേ​ശ​ക്ക​ഴു​ന്ന് 23ന് ​സ​മാ​പി​ക്കും. നാ​ളെ വ​ട​ക്കും​ഭാ​ഗ​ത്തി​ന്‍റെ​യും 21ന് ​പ​ടി​ഞ്ഞാ​റ്റും ഭാ​ഗ​ത്തിന്‍റെ​യും 22ന് ​തെ​ക്കും​ഭാ​ഗ​ത്തി​ന്‍റെയും 23ന് ​കി​ഴ​ക്കും​ഭാ​ഗ​ത്തി​ന്‍റെയും കഴു​ന്ന് ന​ട​ക്കും. ദേ​ശ​ക്ക​ഴു​ന്നി​നു ശേ​ഷം മു​മ്പ് ന​ട​ത്തി​യി​രു​ന്ന ക​ലാ​പ​രി​പാ​ടി​ക​ള്‍ 27 മു​ത​ല്‍ 30 വ​രെ ന​ട​ത്തും.

വി​വി​ധ സ​ര്‍​ക്കാ​ര്‍ വ​കു​പ്പു​ക​ളു​ടെ നേ​തൃ​ത്വ​ത്തി​ല്‍ വി​പു​ല​മാ​യ ക്ര​മീ​ക​ര​ണ​ങ്ങ​ള്‍ ഏ​ര്‍​പ്പെ​ടു​ത്തി. ക്ര​മ​സ​മാ​ധാ​ന പാ​ല​ന​ത്തി​നാ​യി ആ​ദ്യ​ദി​നം മു​ത​ല്‍ പോ​ലീ​സ് സ​ജ്ജ​മാ​ണ്. തി​രു​നാ​ള്‍ ദി​വ​സ​ങ്ങ​ളി​ല്‍ പ്ര​ത്യേ​ക പ​ട്രോ​ളിം​ഗ് ന​ട​ത്തും. പ​ള്ളി പ​രി​സ​ര​ത്ത് ഉ​ള്‍​പ്പെ​ടെ സ്ഥാ​പി​ച്ചി​ട്ടു​ള്ള എ​ഴു​പ​തി​ലേ​റെ സി​സി ടി​വി കാ​മ​റ ദൃ​ശ്യ​ങ്ങ​ള്‍ നി​രീ​ക്ഷി​ക്കാ​ന്‍ പോ​ലീ​സ് ക്ര​മീ​ക​ര​ണം ചെ​യ്തി​ട്ടു​ണ്ട്. കൈക്കാരന്മാരായ തോമസ് പുതുശേരി, ജോൺസൺ തോട്ടത്തിൽ, സാബു തെക്കേടത്ത്, ബെന്നി മൂഴിയാങ്കൽ, പാരിഷ് കൗൺസിൽ സെക്രട്ടറി സഞ്ജിത് പ്ലാമൂട്ടിൽ തുടങ്ങിയവരും തിരുനാൾ കമ്മിറ്റിയും പരിപാടികൾക്കു നേതൃത്വം വഹിക്കും.

Tags : Athiranpuzha Athiranpuzha church Athiranpuzha Thirunal celebration parish feast flag hoisted