ഞാറ്റുവേല ചന്തയിൽ വിൽപ്പനയ്ക്കെത്തിച്ച ടിഷ്യൂ കൾച്ചർ വാഴത്തൈകൾ.
എടക്കര: ചുങ്കത്തറ ഗ്രാമപഞ്ചായത്തിന്റെയും കൃഷിഭവന്റെയും ആഭിമുഖ്യത്തിൽ സംഘടിപ്പിച്ച ഞാറ്റുവേല ചന്തയും ചക്ക ഫെസ്റ്റും കാർഷികവിളകളുടെയും വിത്തുകളുടെയും നടീൽ വസ്തക്കളുടെയും വൈവിധ്യങ്ങൾകൊണ്ടും വ്യത്യസ്തമായ ചക്ക വിഭവങ്ങൾകൊണ്ടും ശ്രദ്ധേയമായി. ഞാറ്റുവേലച്ചന്തയിൽ മുണ്ടേരി വിത്തുകൃഷിത്തോട്ടം, മുട്ടിക്കടവ് ജില്ലാ വിത്തുകൃഷിത്തോട്ടം, ചുങ്കത്തറ സഹകരണ ബാങ്ക് എന്നിവയുടെ സ്റ്റാളുകളിൽ വിവിധ വിത്തുകളുടെയും തൈകളുടെയും പ്രദർശനവും വിൽപ്പനയും നടന്നു.
തെങ്ങ്, കമുക് തൈകൾ, ഫലവൃക്ഷത്തൈകൾ, ടിഷ്യൂ കൾച്ചർ വാഴക്കന്നുകൾ, അലങ്കാരച്ചെടികൾ, പച്ചക്കറിത്തൈകൾ, വിവിധയിനം വിത്തുകൾ, വെളിച്ചെണ്ണ, തുടങ്ങിയവയാണ് വിൽപ്പനക്കുണ്ടായിരുന്നത്. ഇതിന് പുറമേ കുടുംബശ്രീയുടെ ചക്ക പായസം അടക്കമുള്ള വിവിധ ചക്ക ഉത്പന്നങ്ങൾ, കർഷകർ ജൈവരീതിയിൽ ഉത്പാദിപ്പിച്ച പച്ചക്കറികളും വാരാൽ മത്സ്യങ്ങളുടെ വിൽപ്പനയും ചന്തയിലുണ്ടായിരുന്നു.
പഞ്ചായത്ത് പ്രസിഡന്റ് സി.കെ. സുരേഷ് ഉദ്ഘാടനം ചെയ്തു. വൈസ് പ്രസിഡന്റ് കെ.പി. മൈമൂന, പ്രിൻസിപ്പൽ കൃഷി ഓഫീസർ കെ.പി. സുരേഷ് ബാബു, നിലന്പൂർ കൃഷി അസിസ്റ്റന്റ് ഡയറക്ടർ ബിജുല ബാലൻ, ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സണ് ബുഷ്റാബി, പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻമാരായ നാസർ തെറ്റത്ത്, റെജി ജോണ്, റിയാസ് ചുങ്കത്തറ, അംഗങ്ങളായ ഐസക്ക് അറയ്ക്കൽ, അബ്ദുൾ മജീദ്, പറന്പിൽ ബാവ, സുഹറാബി, സി.ഡി. സെബാസ്റ്റ്യൻ, കൃഷി ഓഫീസർ കെ. സുബൈർ ബാബു, പഞ്ചായത്ത് സെക്രട്ടറി, റാണി എന്നിവർ പ്രസംഗിച്ചു.
Tags : Local News Nattuvishesham Malappuram