കടന്നൽക്കുത്തേറ്റ തൊഴിലാളികളെ പഞ്ചായത്ത് പ്രസിഡന്റ് ഇൻ ചാർജ് ജോൺ ജോസഫും അംഗങ്ങളായ ഷൈജ റെജിയും ടി.കെ. സുരേഷും ആശുപത്രിയിൽ സന്ദർശിക്കുന്നു.
കോലഞ്ചേരി: തൊഴിലുറപ്പ് തൊഴിലാളികൾക്ക് കടന്നൽക്കുത്തേറ്റു. പൂതൃക്ക ഗ്രാമ പഞ്ചായത്തിലെ കറുകപ്പിള്ളി വാർഡിൽ തൊഴിലുറപ്പ് ജോലിയിലേർപ്പെട്ടിരുന്ന സ്ത്രീകളടക്കമുള്ള തൊഴിലാളികൾക്കാണ് പരിക്കേറ്റത്.
ഏഴു പേരെ രാമമംഗലം ഗവ. ആശുപത്രിയിലും ഗുരുതരമായി പരിക്കേറ്റ കറുകപ്പിള്ളി കരവട്ടത്ത് രാജമ്മ കൃഷ്ണനെ കോലഞ്ചേരി മെഡിക്കൽ കോളജ് ഐസിയുവിലും പ്രവേശിപ്പിച്ചു.
ഗ്രാമപഞ്ചായത്ത് പ്രസിഡന്റ് ഇൻ ചാർജ് ജോൺ ജോസഫ്, അംഗങ്ങളായ ഷൈജ റെജി, ബാബു വർഗീസ്, ടി.കെ. സുരേഷ് തുടങ്ങിയവർ ആശുപത്രി സന്ദർശിച്ച് ആവശ്യമായ ക്രമീകരണങ്ങൾ നടത്തി.
Tags : Local News Nattuvishesham Ernakulam