30

ക​ടു​ത്തു​രു​ത്തി: വി​ദ്യാ​ര്‍​ഥി​ക​ള്‍ പൂ​മ്പാ​റ്റ​ക​ളാ​യ​പ്പോ​ള്‍, കു​ട്ട ക്കുഴിയായി കിടന്ന സ്ഥലം പൂ​ന്തോ​ട്ട​മാ​യി. അ​ധ്യാ​പ​ക​രു​ടെ നേ​തൃ​ത്വ​ത്തി​ല്‍ വി​ദ്യാ​ര്‍​ഥി​ക​ള്‍ മു​ന്നി​ട്ടി​റ​ങ്ങി. കാ​ടും പ​ള്ള​യും മൂ​ടി മാ​ലി​ന്യം നി​റ​ഞ്ഞ കി​ട​ന്ന പ്ര​ദേ​ശം ഇ​ന്ന് നാ​ടി​ന്‍റെ അ​ഭി​മാ​ന​ക്കാഴ്ചയാ​യി. മു​ട്ടു​ചി​റ സെ​ന്‍റ് ആ​ഗ്ന​സ് ഹൈ​സ്‌​കൂ​ളി​ലെ അ​ധ്യാ​പ​ക​രും വി​ദ്യാ​ര്‍​ഥി​ക​ളു​മാ​ണ് നാ​ടി​നും നാ​ട്ടു​കാ​ര്‍​ക്കും മാ​തൃ​ക​യും അ​ഭി​മാ​ന​വു​മാ​യ നേ​ട്ട​ത്തി​ന് പി​ന്നി​ല്‍. മു​ട്ടു​ചി​റ ജം​ഗ്ഷ​നി​ല്‍നി​ന്നും സ്‌​കൂ​ളി​ലേ​ക്കു പോ​കു​ന്ന വ​ഴി​ക്കാ​ണ് മൂ​ന്ന് നാ​ട്ടി​ലെ പ്ര​ധാ​ന മൂ​ന്ന് വീ​ഥി​ക​ള്‍ സം​ഗ​മി​ക്കു​ന്ന ജം​ഗ്ഷ​ൻ. ഇ​വി​ടെ സ്വ​കാ​ര്യ​വ്യ​ക്തി​യു​ടെ ഉ​ട​മ​സ്ഥ​ത​യി​ല്‍ ഒ​ന്നേ​കാ​ല്‍ സെ​ന്‍റ് സ്ഥ​ലം ഉ​പ​യോ​ഗ​ശൂ​ന്യ​മാ​യി കി​ട​ന്നി​രു​ന്നു. ഇതിൽ മുന്പ് ഒ​രു മാ​ട​ക്ക​ട പ്ര​വ​ര്‍​ത്തി​ച്ചി​രു​ന്നു. കാ​ല​ങ്ങ​ളാ​യി വേ​ണ്ട​ത്ര ശ്ര​ദ്ധ​യി​ല്ലാ​തെ കി​ട​ന്നി​രു​ന്ന ഇ​വി​ടെ കാ​ല​ക്ര​മ​ത്തി​ല്‍ കാ​ടും പ​ള്ള​യും മൂ​ടി മാ​ലി​ന്യ​കേ​ന്ദ്രമാ​യി മാ​റി​. രാ​ത്രി​യി​ല്‍ സാ​മൂ​ഹ്യ​വി​രു​ദ്ധ​രു​ടെയും മദ്യപര ുടെയും താ​വ​ള​മാ​യി മാ​റി​യ ഇ​വി​ടം ഇപ്പോൾ പൂന്തോട്ടമാ യിരിക്കുന്നു.

മു​ട്ടു​ചി​റ റൂ​ഹാ​ദ്കു​ദി​ശ ഫൊ​റോ​ന പ​ള്ളി​യി​ലേ​ക്കും എ​ച്ച്ജി​എം ആ​ശു​പ​ത്രി​യി​ലേ​ക്കും സ​മീ​പ​ത്തെ മ​റ്റു സ്‌​കൂ​ളു​ക​ളി​ലേ​ക്കു​മെ​ല്ലാ​മു​ള്ള പ്ര​ധാ​ന ​വ​ഴി​ക​ളി​ലാ​ണ് ഇ​ത്ത​ര​മൊ​രു ഇ​രു​ണ്ട പ്ര​ദേ​ശം കി​ട​ന്നി​രു​ന്ന​ത്. ക​ട ന​ട​ത്തി​യി​രു​ന്ന ആ​ള്‍ മ​രി​ച്ച​തോ​ടെ ആ​രും തി​രി​ഞ്ഞു നോ​ക്കാ​നി​ല്ലാ​തെ പ്ര​ദേ​ശം കൂ​ടു​ത​ല്‍ ദു​ര്‍​ബ​ല​മാ​യി. ഇ​തി​നി​ടെ​യാ​ണ് സ്‌​കൂ​ളി​ലെ അ​ധ്യാ​പ​ക​രും പൂ​ര്‍​വ​വി​ദ്യാ​ര്‍​ഥി​ക​ളു​മാ​യ സി​സ്റ്റ​ര്‍ ജോ​സ്‌​ലി​ന്‍ ഡി​എ​സ്‌​ജെ​യും ജൂ​ലി​യ ജോ​സ​ഫും ഇ​വി​ടം സ്‌​കൂ​ളി​ന്‍റെ നേ​തൃ​ത്വ​ത്തി​ല്‍ ഏ​റ്റെ​ടു​ത്തു വൃ​ത്തി​യാ​ക്കി​യെ​ടു​ക്കാ​മെ​ന്ന ആ​ശ​യ​വു​മാ​യി പ്ര​ധ്യാ​ന​ാധ്യ​പി​ക സി​ല്‍​ജ മാ​ത്യു​വി​നെ സ​മീ​പി​ക്കു​ന്ന​ത്. പ്ര​ധാ​നാ​ധ്യാ​പി​ക​യും സ​ഹ​പ്ര​വ​ര്‍​ത്ത​ക​രാ​യ മ​റ്റ് അ​ധ്യാ​പ​ക​രു​മെ​ല്ലാം പ​രി​പൂ​ര്‍​ണ പി​ന്തു​ണ​യു​മാ​യി ഒ​പ്പം നി​ന്ന​തോ​ടെ കാ​ര്യ​ങ്ങ​ള്‍ ശ​ര​വേ​ഗ​ത്തി​ലാ​യി. തെ​ങ്ങി​ന്‍​കു​റ്റി​യും കു​പ്പി​ക​ളും പ്ലാ​സ്റ്റി​ക്കും മാ​ലി​ന്യ​ങ്ങ​ളു​മെ​ല്ലാം നീ​ക്കു​ക​യെ​ന്ന​ത് ശ്ര​മ​ക​ര​മാ​യ ജോ​ലി​യാ​യി​രു​ന്നു.
ഇ​തി​നാ​യി ജെ​സി​ബി ഉ​പ​യോ​ഗ​പെ​ടു​ത്തി. ഇ​ടി​ഞ്ഞു പൊ​ളി​ഞ്ഞു കി​ട​ന്ന സ്ഥ​ല​ത്തി​ന്‍റെ വ​ശ​ങ്ങ​ളി​ല്‍ സം​ര​ക്ഷ​ണ​ഭി​ത്തി പു​നഃ​സ്ഥാ​പി​ച്ചു, ഭി​ത്തി കെ​ട്ടി, മ​ണ്ണി​റ​ക്കി സ്ഥ​ലം വൃ​ത്തി​യാ​ക്കി​യെ​ടു​ത്തു. തു​ട​ര്‍​ന്ന് പു​ല്ലു​ക​ളും ഔ​ഷ​ധച്ചെടി​ക​ളും വ​ച്ചുപി​ടി​പ്പി​ച്ചു. ആ​മ്പ​ല്‍​ക്കുളം, ഊ​ഞ്ഞാ​ല്‍ എ​ന്നി​ങ്ങ​നെ ഇ​വി​ടം മ​നോ​ഹ​ര​മാ​ക്കാ​ന്‍ എ​ന്തൊ​ക്കെ ചെ​യ്യാ​നാ​വു​മോ അ​തെ​ല്ലാം പൂ​ര്‍​ത്തി​യാ​ക്കി.

സ്‌​കൂ​ളി​ന്‍റെ മു​റ്റ​ത്താ​യി മ​ണ്ണും ചെ​ളി​യും പി​ടി​ച്ചു​കി​ടന്നിരുന്ന ഉ​രു​ള​ന്‍ക​ല്ലു​ക​ള്‍ വാ​രി​യെ​ടു​ത്ത കു​ട്ടി​ക​ള്‍ ഇ​വ​യെ​ല്ലാം ക​ഴു​കി​യെ​ടു​ത്ത് ഇ​വി​ടെ​യെ​ത്തി​ച്ചു നി​ര​ത്തി.

ഇ​വി​ടം പ​ച്ച​പ്പാ​ക്കു​ക​യെ​ന്ന ആ​ശ​യം അ​ധ്യാ​പ​ക​രു​ടേ​താ​യി​രു​ന്നെ​ങ്കി​ലും അ​ധ്വാ​നം വി​ദ്യാ​ര്‍​ഥി​ക​ളു​ടേ​താ​യി​രു​ന്നു. മൂ​ന്ന് വ​ശ​ങ്ങ​ളി​ലാ​യു​ള്ള സം​ര​ക്ഷ​ണ​ഭി​ത്തി​യി​ല്‍ പ്ര​കൃ​തിസ്‌​നേ​ഹ​ത്തി​ന്‍റെ ആഹ്വാനങ്ങളും കു​ട്ടി​ക​ള്‍ എ​ഴു​തിച്ചേ​ര്‍​ത്തി​ട്ടു​ണ്ട്. ഇ​ത്ത​ര​ത്തി​ല്‍ ഇ​വി​ടെ ഒ​രു​ക്കി​യെ​ടു​ക്കു​ന്ന​തി​നാ​യി പ​ണം ക​ണ്ടെ​ത്തി​യ​തി​ന് പി​ന്നി​ലും കു​ട്ടി​ക​ളു​ടെ ത​ങ്ക​മ​ന​സു​ണ്ട്.

പ​ല​രും ത​ങ്ങ​ളു​ടെ സ്വ​കാ​ര്യ നി​ക്ഷേ​പ​ങ്ങ​ളാ​യ കു​ടു​ക്ക​ക​ള്‍ വീ​ട്ടി​ല്‍ നി​ന്നു​മെ​ടു​ത്ത് കൊ​ണ്ടു​വ​ന്നു അ​ധ്യാ​പ​ക​ര്‍​ക്ക് കൈ​മാ​റി. ഇ​തി​ലൂ​ടെ 12,500 രൂ​പ​യോ​ളം ല​ഭി​ച്ചു. 50,000 ത്തോ​ളം രൂ​പ ചി​ല​വാ​യ പ്ര​വൃ​ത്തി​യു​ടെ ബാ​ക്കി പ​ണം സ​മീ​പ​വാ​സി​ക​ളും സ്ഥ​ല​മു​ട​മ ജോ​ര്‍​ജ് മു​രി​ക്ക​നും അ​ധ്യാ​പ​ക​രു​മെ​ല്ലാം ചേ​ര്‍​ന്നാ​ണ് ക​ണ്ടെ​ത്തി​യ​ത്. പി​ടി​എ പ്ര​സി​ഡ​ന്‍റ് ഷി​നോ​ജ് മാ​ത്യു​വും പി​ന്തു​ണ​യു​മാ​യി ഒ​പ്പം നി​ന്നു.

സ​മീ​പ​വാ​സി​യാ​യ കീ​രി​ക്കു​ന്നേ​ല്‍ ത​മ്പി​യാ​ണ് ഇ​വി​ടെ ചെ​ടി​ക​ള്‍ ന​ന​യ്ക്കു​ന്ന​തി​നു മ​റ്റു​മു​ള്ള ആ​വ​ശ്യ​ങ്ങ​ള്‍​ക്കു​ള്ള വെ​ള്ളം ന​ല്‍​കു​ന്ന​ത്. ഗാ​ന്ധി​ജ​യ​ന്തി​ദി​ന​ത്തി​ല്‍ മ​ന്ത്രി മോ​ന്‍​സ് ജോ​സ​ഫ് വി​ദ്യാ​ര്‍​ഥി​ക​ളൊ​രു​ക്കി​യ പൂ​ന്തോ​ട്ടം ഉ​ദ്ഘാ​ട​നം ചെ​യ്തു നാ​ടി​ന് സ​മ​ര്‍​പ്പിക്കും. തു​ടർന്ന് സ്‌​കൂ​ളിലെ സ്‌​കൗ​ട്ട് ആ​ൻ​ഡ് ഗൈ​ഡ് വി​ദ്യാ​ര്‍​ഥി​ക​ള്‍​ക്ക് പൂ​ന്തോ​ട്ട​ത്തി​ന്‍റെ ചു​മ​ത​ല കൈ​മാ​റും.

പി​ന്നീ​ട് ഇ​വി​ടം പ​രി​പാ​ലി​ക്കേ​ണ്ട​തി​ന്‍റെ യും ചെ​ടി​ക​ള്‍​ക്ക് വെ​ള്ള​മൊ​ഴി​ക്കേ​ണ്ട​തി​ന്‍റെയുമെല്ലാം ഉ​ത്ത​ര​വാ​ദി​ത്വം ഇ​വ​ര്‍​ക്കാ​വും.

Tags : Nattuvishesham DistrictNews DeepikaNews