മുള്ളേരിയ: ബെള്ളൂർ പഞ്ചായത്തിലെ കുളദപ്പാറയിൽ കാട്ടുപോത്തുകൾ കൂട്ടത്തോടെ കൃഷിയിടത്തിൽ. വീരമൂലയിലെ സൂര്യനാരായണ ഭട്ടിന്റെ ഉടമസ്ഥതയിലുള്ള കൃഷിയിടത്തിലാണ് പത്തിലേറെ കാട്ടുപോത്തുകൾ ഇറങ്ങിയത്.
നേരത്തേ കാട്ടാനകളും കാട്ടുപോത്തുകളും ഇറങ്ങുന്നത് പതിവായിരുന്നതിനാൽ ഇവിടെ വനാതിർത്തിയിൽ ഒമ്പത് കിലോമീറ്റർ നീളത്തിൽ സൗരോർജവേലി നിർമിച്ചിരുന്നു. എന്നാൽ മതിയായ സംരക്ഷണമോ അറ്റകുറ്റപണികളോ ഇല്ലാത്തതുമൂലം ഇപ്പോൾ വേലിയുടെ പല ഭാഗങ്ങളിലും ചാർജില്ലാതായതാണ് വീണ്ടും കാട്ടുപോത്തുകൾ എത്താൻ കാരണമായതെന്ന് കർഷകർ പറയുന്നു.
വേലി പ്രവർത്തനക്ഷമമാക്കിയില്ലെങ്കിൽ വരുംദിവസങ്ങളിൽ കൃഷിനാശം വർധിക്കുമെന്നാണ് ആശങ്ക.