23

ഇ​രി​ട്ടി: ഇ​രി​ട്ടി പാ​ല​ത്തി​ൽ നി​ന്ന് പു​ഴ​യി​ലേ​ക്ക് ചാ​ടി​യ യു​വ​തി​യെ അ​ന്യ​സം​സ്ഥാ​ന തൊ​ഴി​ലാ​ളി​യും മു​ഴ​ക്കു​ന്ന് സ്വ​ദേ​ശി അ​മേ​ഗും ചേ​ർ​ന്ന് ര​ക്ഷ​പ്പെ​ടു​ത്തി. ഇ​ന്ന​ലെ രാ​വി​ലെ 10.30ന് ​ആ​യി​രു​ന്നു സം​ഭ​വം.

പാ​ല​ത്തി​ലൂ​ടെ വ​രി​ക​യാ​യി​രു​ന്ന ലോ​റി​ക്ക് മു​ന്നി​ലൂ​ടെ ന​ട​ന്നു​വ​ന്ന യു​വ​തി പാ​ല​ത്തി​ന്‍റെ കൈ​വ​രി​യി​ൽ ക​യ​റി പു​ഴ​യി​ലേ​ക്ക് ചാ​ടു​ക​യാ​യി​രു​ന്നു.

ഇ​തി​നി​ടെ അ​സ്വാ​ഭാ​വി​ക​ത തോ​ന്നി​യ ഡ്രൈ​വ​ർ പാ​ല​ത്തി​ൽ ലോ​റി നി​ർ​ത്തി ഇ​റ​ങ്ങി അ​തി​വേ​ഗ​ത്തി​ൽ എ​ത്തി ത​ട​യാ​ൻ ശ്ര​മി​ക്കു​ന്ന​തി​നി​നി​ടെ യു​വ​തി പു​ഴ​യി​ലേ​ക്ക് ചാ​ടു​ക​യാ​യി​രു​ന്നു​വെ​ന്ന് ഡ്രൈ​വ​ർ പ​റ​ഞ്ഞു. ഡ്രൈ​വ​ർ കൂ​വി വി​ളി​ക്കു​ന്ന​തും വെ​ള്ള​ത്തി​ൽ യു​വ​തി വീ​ഴു​ന്ന ശ​ബ്ദ​വും കേ​ട്ട​തോ​ടെ സ​മീ​പ​ത്ത് കെ​ട്ടി​ട നി​ർ​മാ​ണ​ത്തൊ​ഴി​ലി​ൽ ഏ​ർ​പ്പെ​ട്ടി​രു​ന്ന അ​ന്യ സം​സ്ഥാ​ന തൊ​ഴി​ലാ​ളി പു​ഴ​യി​ലേ​ക്ക് എ​ടു​ത്തു​ചാ​ടി.

പി​ന്നീ​ട് അ​ന്യ​സം​സ്ഥാ​ന തൊ​ഴി​ലാ​ളി മു​ഴ​ക്കു​ന്ന് സ്വ​ദേ​ശി അ​മേ​ഗി​ന്‍റെ സ​ഹാ​യ​ത്തോ​ടെ യു​വ​തി​യെ ക​ര​യ്ക്കെ​ത്തി​ക്കു​ക​യാ​യി​രു​ന്നു. യു​വ​തി​യു​മാ​യി നീ​ന്തു​ന്ന​തി​നി​ടെ ത​ള​ർ​ന്നു പോ​യ അ​ന്യ​സം​സ്ഥാ​ന തൊ​ഴി​ലാ​ളി​യെ സ​ഹാ​യി​ക്കാ​നാ​ണ് പി​ന്നീ​ട് അ​മേ​ഗും ഇ​റ​ങ്ങി​യ​ത്. ഇ​രു​വ​രും ചേ​ർ​ന്നാ​ണ് യു​വ​തി​യെ ക​ര​യ്ക്ക് എ​ത്തി​ച്ച​ത്.

സ്ഥ​ല​ത്തെ​ത്തി​യ അ​ഗ്നി​ശ​മ​ന​സേ​ന​യും പോ​ലീ​സും ചേ​ർ​ന്ന് യു​വ​തി​യെ ഇ​രി​ട്ടി​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചു. ര​ക്ഷാ​പ്ര​വ​ർ​ത്ത​ന​ത്തി​നി​ടെ അ​വ​ശ നി​ല​യി​ലാ​യ അ​ന്യ​സം​സ്ഥാ​ന തൊ​ഴി​ലാ​ളി​യേ​യും ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

Tags : Woman Nattuvishesham district news