ആമുഖം
കഴുത്തിനു മുൻഭാഗത്ത് ശബ്ദനാളത്തിനു തൊട്ടു താഴെയായിട്ടാണ് തൈറോയ്ഡ് ഗ്രന്ഥി സ്ഥിതിചെയ്യുന്നത്. ചിത്രശലഭത്തിന്‍റെ ആകൃതിയാണിതിന്. ശരീരത്തിലെ രാസവിനിമയത്തെ നിയന്ത്രിക്കുന്നതിന് അത്യാവശ്യമായ തൈറോയ്ഡ് ഹോർമോണുകളെ സ്രവിക്കുന്നത് തൈറോയ്ഡ് ഗ്രന്ഥിയാണ്. ഹോർമോണ് പ്രവർത്തനത്തിന്‍റെ കേന്ദ്രം കൂടിയാണ് തൈറോയ്ഡ് ഗ്രന്ഥി.
ഹോർമോണ് ഉത്പാദനം കുറവായിരിക്കുന്പോൾ തൈറോയ്ഡ് ഗ്രന്ഥി വളർന്നു വലുതാകും. കഴുത്തിലെ മുഴ പോലെ പുറമേയ്ക്ക് കാണാവുന്ന തരത്തിൽ ഇത് അനുഭവപ്പെട്ടേക്കാം. തൈറോയ്ഡ് ഗ്രന്ഥിയെ അപൂർവമായി അർബുദരോഗം ബാധിക്കാറുണ്ട്. ഇത് ഏറ്റവും സാധാരണമായ അന്തസ്രാവി ഗ്രന്ഥി കാൻസറാണ്. ഇത് ചികിത്സിക്കാവുന്നതും മികച്ച രോഗനിർണയവുമുള്ളതാണ്. തൈറോയ്ഡ് ഗ്രന്ഥിയുടെ പ്രവർത്തനക്ഷമതയിലെ മാറ്റം പ്രതിരോധശേഷിയിലും മാറ്റം വരുന്നതിനു കാരണമാകാറുണ്ട്.
സാധാരണയായി കഴുത്തിന്‍റെ മുൻവശത്തെ അസാധാരണമായ വീക്കം കുടുംബാംഗങ്ങളോ മറ്റോ വ്യക്തിയുടെ ശ്രദ്ധയിൽ പെടുത്തുകയാണ് പതിവ്. കണ്ണാടിയിൽ നോക്കി വ്യക്തി ഇത് ഉറപ്പു വരുത്തുകയും ചെയ്യും. മറ്റേതെങ്കിലും ആവശ്യങ്ങൾക്കായി നടത്തിയ സ്കാനിംഗിൽ അടുത്തിടെ തൈറോയ്ഡ് വീക്കം ആകസ്മികമായി നിർണയിക്കപ്പെട്ടിരുന്നു.
റേഡിയേഷൻ, തൈറോയ്ഡ് കാൻസറിന്‍റെ കുടുംബ ചരിത്രമുള്ളവർ, 40 വയസിനു മുകളിൽ പ്രായമുള്ളവർ എന്നിവരിലാണ് തൈറോയ്ഡ് കാൻസർ കൂടുതലായി കണ്ടുവരുന്നത്. പക്ഷേ ചില വ്യക്തികളിൽ മാത്രം തൈറോയ്ഡ് വീക്കം കാൻസർ ആയി മാറുന്നത് എന്തുകൊണ്ടണെന്ന് ഇതുവരെയും വ്യക്തമായി തിട്ടപ്പെടുത്താനായിട്ടില്ല.
ഏറ്റവും സാധാരണമായ പാപ്പില്ലറി, ഫോളികുലാർ വിഭാഗത്തിൽപെട്ട തൈറോയ്ഡ് കാൻസർ എളുപ്പത്തിൽ ചികിത്സിക്കാനാകും. എന്നാൽ അനാപ്ലാസ്റ്റിക്, മെഡുല്ലറി വിഭാഗത്തിലുള്ളവയുടെ രോഗനിർണയം പ്രയാസകരമാണ്.
തൈറോയ്ഡ് കാൻസറിനെക്കുറിച്ചുള്ള പതിവുചോദ്യങ്ങളിലൂടെ ഇതിനെ കുറിച്ച് കൂടുതൽ മനസ്‌സിലാക്കാവുന്നതാണ്.
1.എനിക്ക് ഒരു തൈറോയ്ഡ് മുഴയുണ്ടെന്നു കണ്ടെത്തി. എനിക്ക് കാൻസർ ഉണ്ടോ?
തൈറോയ്ഡ് മുഴയിൽ നിന്ന് രണ്ടു കാര്യങ്ങൾ അർത്ഥമാക്കാം. ആദ്യത്തേത് ഗോയിറ്റർ എന്നറിയപ്പെടുന്ന സാധാരണയായി വരുന്ന വീക്കമാണ്. ഇത് അയഡിന്‍റെ കുറവ് മൂലം സംഭവിക്കുന്നതാണ്. രണ്ടാമത്തേത് കഴുത്തിൽ ഉണ്ടാകുന്ന അസാധാരണമായ മുഴയാണ്. ഇത് തൈറോയ്ഡ് ഗ്രന്ഥിയിലെ അസാധാരണമായ വളർച്ച കാരണം ഉണ്ടാകുന്നതാണ്. ഇത് കാൻസറിനു കാരണമാകുകയും അല്ലാതെയുമാകാം.
തൈറോയ്ഡ് മുഴയെക്കുറിച്ചുള്ള വസ്തുതകൾ
1. അവ സാധാരണമാണ്. ഏകദേശം 5% സ്ത്രീകൾക്കും 1% പുരുഷന്മാർക്കും പതിവ് പരിശോധനയിൽ തൈറോയ്ഡ് സംബന്ധിച്ച മുഴകൾ ഉണ്ടാകാം. 65 വയസ് പ്രായമാകുന്പോൾ 50% വരെ തൈറോയ്ഡ് മുഴകൾ വികസിക്കുമെന്ന് കണക്കാക്കപ്പെടുന്നു.
2. ഈ മുഴകളിൽ 90 ശതമാനത്തിലധികവും കാൻസർ അല്ലാത്തവയാണ്. കുട്ടികളിലും കൗമാരക്കാരിലും പ്രത്യേക ശ്രദ്ധ വേണം. ഇവരിൽ 30% വരെ കാൻസർ സാധ്യതയുണ്ട്.
3. ആദ്യഘട്ടത്തിൽ വേദനയില്ലാത്തതും സാധാരണയായി രോഗലക്ഷണങ്ങളില്ലാത്തതുമാണ്.
റെഡ് ഫ്ളാഗ് ലക്ഷണങ്ങൾ
1. പെരുമാറ്റത്തിലുള്ള മാറ്റം, ശബ്ദത്തിന്‍റെ പരുക്കൻ സ്വഭാവം
2. ശ്വസിക്കുന്നതിലും വിഴുങ്ങുന്നതിലും ബുദ്ധിമുട്ട്
3. അസാധാരണമായി വീർത്ത ഗ്രന്ഥി
മേൽപ്പറഞ്ഞ ഏതെങ്കിലും ലക്ഷണങ്ങൾ ഉണ്ടെ ങ്കിൽ നിങ്ങൾക്ക് തോന്നുന്നുവെങ്കിൽ, ഉടൻ തന്നെ ഡോക്ടറുമായി ബന്ധപ്പെടുക.
പരിശോധനകൾക്കു ശേഷം ഇതിൽ അപകടകരമായ ഒന്നുമില്ലെന്നും സാധാരണ വീക്കം മാത്രമാണെന്നും സ്ഥിരീകരിക്കുകയാണെങ്കിൽ കൂടുതൽ ചികിത്സ ആവശ്യമില്ല.
2. എനിക്ക് ഒരു തൈറോയ്ഡ് മുഴ ഉണ്ടെ ന്ന് കണ്ടെ ത്തി. ഞാൻ പൂർണ്ണമായും ക്ഷീണിതനാണ്. ഇനി ഞാൻ എന്തുചെയ്യും?
ശാന്തമായിരിക്കൂ. ഒരു മുഴ കണ്ടെ ത്തുന്നത് ഭയപ്പെടുത്തുന്നതാണ്. എന്നാൽ അതിൽ ഭൂരിപക്ഷവും കാൻസറല്ല എന്ന് മനസ്‌സിലാക്കൂ. ആശങ്ക അകറ്റാനായി ഡോക്ടറെ സമീപിക്കുക. ഡോക്ടർ വിശദമായ രോഗനിർണയവും പരിശോധനയും നടത്തും. കുട്ടിക്കാലത്ത് റേഡിയേഷൻ മൂലമുണ്ടായ അസുഖങ്ങൾ, തൈറോയ്ഡ് കാൻസറിന്‍റെ കുടുംബ ചരിത്രം എന്നിവയെല്ലാം പരിശോധനയ്ക്ക് വിധേയമാക്കും. വീക്കത്തെക്കുറിച്ച് കൂടുതലറിയാൻ തൈറോയ്ഡിന്റെയും കഴുത്തിന്‍റെയും അൾട്രാസൗണ്ട ് ആവശ്യമാണ്. തൈറോയ്ഡിന്റെ നില വിലയിരുത്തുന്നതിന് ഒരേസമയം ഒരു തൈറോയ്ഡ് പ്രവർത്തന പരിശോധനയും നടത്തും.
നിങ്ങളുടെ തൈറോയ്ഡ് അൾട്രാസൗണ്ട ് റിപ്പോർട്ടുകൾ വന്നുകഴിഞ്ഞാൽ, ഒരു സ്റ്റാൻഡേർഡ് സ്കോർ (1 മുതൽ 5 വരെ) അനുസരിച്ച് കൂടുതൽ പരിശോധനയുടെ ആവശ്യകത തീരുമാനിക്കും. മുഴകളിൽ നിന്ന് കുത്തിയെടുത്തുള്ള പരിശോധനയായ ഫൈൻ നീഡിൽ ആസ്പിരേഷൻ സൈറ്റോളജി (എഫ്.എൻ.എ.സി) ആണ് ഇവിടെ ഉപയോഗിക്കുന്നത്. ആവശ്യമെങ്കിൽ ചികിത്സ ആസൂത്രണം ചെയ്യുന്നതിനും തരംതിരിക്കുന്നതിനും സഹായിക്കുന്നതിനും ഒരു സ്കോറിംഗ് സംവിധാനവും (1 മുതൽ 6 വരെ) ഉണ്ട ്.
3. റിപ്പോർട്ട് സംശയാസ്പദമാണെന്നും എനിക്ക് ശസ്ത്രക്രിയ ആവശ്യമാണെന്ന് ഡോക്ടർ പറയുന്നു, ശസ്ത്രക്രിയ ശരിക്കും ആവശ്യമാണോ?
നിങ്ങളുടെ എഫ്എൻസി റിപ്പോർട്ട് 3 നും 6 നും ഇടയിലുള്ള സ്കോറായി പുറത്തുവന്നിരിക്കാം. 3, 4 സ്കോറുകൾക്ക് 15 മുതൽ 20 ശതമാനം വരെ കാൻസർ വരാനുള്ള സാധ്യതയുണ്ട് .അത് 5 ഉം 6 ഉം ആണെങ്കിൽ കാൻസറാകാനുള്ള സാധ്യത 50% ആണ്. മുഴ കാൻസറാണോ അല്ലയോ എന്ന് അറിയാൻ മറ്റു മാർഗങ്ങളൊന്നുമില്ല. അതിനാൽ ശസ്ത്രക്രിയയ്ക്ക് നിർദ്ദേശിക്കപ്പെടാം. ഇത്തരം കേസുകളിൽ ശസ്ത്രക്രിയ ഒഴിവാക്കാൻ വിപുലമായ മോളിക്യുലർ ജീൻ ക്ലാസിഫയറുകൾ സ്കോർ 3, 4 എന്നിവയ്ക്ക് അടുത്തിടെ അംഗീകരിച്ചു. എന്നാൽ അത്തരം പരിശോധനകൾ ചെലവേറിയതും വ്യാപകമായി ലഭ്യമല്ലാത്തതുമാണ്.
4. എനിക്ക് പ്രതീക്ഷിക്കാവുന്ന തരത്തിലുള്ള ശസ്ത്രക്രിയകൾ ഏതാണ്?
ഹെമി-തൈറോഡെക്ടമി (തൈറോയ്ഡ് ഗ്രന്ഥിയുടെ മധ്യഭാഗം) ഉപയോഗിച്ച് രോഗം ബാധിച്ച ഭാഗം നീക്കംചെയ്യൽ
ടോട്ടൽ തൈറോഡെക്ടമി - മുഴയും രോഗം ബാധിച്ച ശരീരകലയും നീക്കംചെയ്യൽ
ഇവ രണ്ടും സ്വീകാര്യമായ നടപടിക്രമങ്ങളാണ്. കൂടാതെ പരിചയസന്പന്നനായ ശസ്ത്രക്രിയാ വിദഗ്ധനിലൂടെ സങ്കീർണതകൾ ഒഴിവാക്കാനുമാകും.
5. ശസ്ത്രക്രിയയ്ക്ക് ശേഷം എന്താണ് ചെയ്യേണ്ടത്? റേഡിയോ ആക്ടീവ് അയഡിൻ ആവശ്യമുണ്ടോ, ഇത് എന്‍റെ ശരീരത്തിന് ദോഷകരമാണോ?
മിക്ക കേസുകളിലും ശസ്ത്രക്രിയ തന്നെ പ്രതിരോധമാണ്. ഉയർന്ന അപകടസാധ്യതയുള്ള ചില രോഗികളിൽ റേഡിയോ അയഡിൻ ആവശ്യമായി വരുന്നു. റേഡിയോ അയഡിന്‍റെ സുരക്ഷ അതിന്‍റെ അളവിനെ ആശ്രയിച്ചിരിക്കുന്നു. കുറഞ്ഞ അളവിൽ ഇത് പൂർണമായും സുരക്ഷിതമാണ്. അളവ് കൂടുന്നതിനനുസരിച്ച്, റേഡിയോ ആക്റ്റിവിറ്റി ദുർബലമായി പുറന്തള്ളാൻ അനുവദിക്കുന്നതിന് ഒരാഴ്ചയോ അതിൽ കൂടുതലോ ഒറ്റപ്പെടൽ ആവശ്യമാണ്.
നിങ്ങൾ റേഡിയോ അയഡിൻ പ്രയോജനപ്പെടുത്തുന്ന ഒരാളാണോയെന്ന് ഡോക്ടറും സംഘവും തീരുമാനിക്കുകയും അതിനനുസരിച്ച് നിർദ്ദേശിക്കുകയും ചെയ്യും. കൂടുതൽ ചികിത്സ ആജീവനാന്ത തൈറോക്സിൻ സപ്ലിമെന്േ‍റഷന്‍റെ രൂപത്തിലാണ്. ഇത് രോഗത്തെ നിയന്ത്രിക്കാനും സഹായിക്കുന്നു.
ഉപസംഹാരം:
കാൻസറിനെക്കുറിച്ചുള്ള അടിസ്ഥാന അറിവ് എല്ലായ്പ്പോഴും തെറ്റായ വിവരങ്ങളെ അകറ്റാനും രോഗികളെ ശാക്തീകരിക്കാൻ സഹായിക്കും. ഈ അറിവ് കൈവരിക്കുന്നതിലൂടെ മാത്രമേ കാൻസറിനെ നേരത്തേ തിരിച്ചറിയുന്നതിനും മികച്ച ചികിത്സ നൽകുന്നതിനും കഴിയൂ. എന്തെങ്കിലും സംശയമുണ്ടെ ങ്കിൽ ഉടൻ തന്നെ ആരോഗ്യ പ്രവർത്തകരുമായി ബന്ധപ്പെടുക. കൂടുതൽ അറിവ് നേടുകയും ആരോഗ്യകരമായ ഭാവി കെട്ടിപ്പടുക്കുകയും ചെയ്യാം.
ഡോ. ഭരത് വി.എം
(കണ്‍സൾട്ടന്‍റ് - സർജിക്കൽ ഓങ്കോളജി, കിംസ് ഹെൽത്ത് കാൻസർ സെന്‍റർ, തിരുവനന്തപുരം)