ക​ട​ലൂ​രി​ൽ ചെ​ന്നി​റ​ങ്ങു​ന്പോ​ൾ നേ​രം പു​ല​രു​ക​യാ​യി​രു​ന്നു. അ​വ​ളെ നാ​ളെ ഈ ​പു​ല​രി​യി​ൽ ഈ ​ഭൂ​മി​യി​ൽ കാ​ണാ​നാ​കി​ല്ല​ല്ലോ എ​ന്ന വേ​ദ​ന​യോ​ടെ ക​ട​ലൂ​രി​നു മു​ക​ളി​ലേ​ക്ക് സൂ​ര്യ​ൻ തി​ള​ച്ചു​യ​ർ​ന്നു. ഇ​ന്ന് അ​വ​ൾ മ​ണ്ണി​ലേ​ക്ക് മ​ട​ങ്ങു​ന്ന ദി​വ​സ​മാ​ണ്. ക​ട​ലൂ​രി​ലെ​ങ്ങും ആ ​വി​ങ്ങ​ലു​ണ്ട്....

പോ​ലീ​സു​കാ​ർ വേ​ണ്ട​ത്ര​യു​ണ്ട് ഓ​രോ വ​ഴി​യി​ലും. എ​പ്പോ​ൾ വേ​ണ​മെ​ങ്കി​ലും പ്ര​ശ്ന​ങ്ങ​ളു​ണ്ടാ​കാം..​അ​താ​ണ് ഇ​ത്ര​യ​ധി​കം പോ​ലീ​സ്..​അ​വ​ൾ ജീ​വ​നൊ​ടു​ക്കി​യ ദി​വ​സം ക​ള്ളാ​ക്കു​റി​ച്ചി ക​ത്തി​യി​ല്ലേ....​അ​തു​കൊ​ണ്ടാ​ണ് ഈ ​മു​ൻ​ക​രു​ത​ൽ - കൂ​ടെ വ​ന്ന ചി​ദം​ബ​ര​ത്തെ സു​ഹൃ​ത്ത് ഒ​ര​ൽ​പം പേ​ടി​യോ​ടെ പ​റ​ഞ്ഞു.

ഒ​രു ന​ഗ​ര​ത്തി​ൽ ഒ​രു അ​നീ​തി ഉ​ണ്ടാ​യാ​ൽ അ​വി​ടെ ക​ലാ​പ​മു​ണ്ടാ​ക​ണം. ഇ​ല്ലെ​ങ്കി​ൽ സ​ന്ധ്യ​ മ​യ​ങ്ങും മു​ൻ​പ് ആ ​ന​ഗ​രം ക​ത്തി​ച്ചാ​ന്പ​ലാ​കു​ന്ന​താ​ണ് ന​ല്ല​ത് എ​ന്ന ബെ​ർ​തോ​ൾ​ഡ് ബ്രെ​ഹ്തി​ന്‍റെ വാ​ക്കു​ക​ളാ​ണ് എ​നി​ക്ക​പ്പോ​ൾ മ​ന​സി​ലോ​ടി​യെ​ത്തി​യ​ത്.

ക​ള്ളാ​ക്കു​റി​ച്ചി​യി​ലെ സാ​ധാ​ര​ണ​ക്കാ​ർ ബ്രെ​ഹ്തി​ന്‍റെ വാ​ക്കു​ക​ൾ കേ​ട്ടി​ട്ടു​ണ്ടോ എ​ന്ന​റി​യി​ല്ല. പ​ക്ഷേ അ​വ​ര​ത് ന​ട​പ്പാ​ക്കി...

അ​വ​ളു​ടെ ജീ​വി​തം ആ​രൊ​ക്കെ​യോ മൂ​ലം, എ​ന്തു​കൊ​ണ്ടൊ​ക്കെ​യോ ഇ​ല്ലാ​താ​യ​പ്പോ​ൾ ആ ​അ​നീ​തി ഉ​ണ്ടാ​യ ന​ഗ​രം അ​വ​ർ ക​ത്തി​ച്ചു....
ക​ള്ളാ​ക്കു​റി​ച്ചി ഗൂ​ഗി​ളി​ൽ ഇ​ടം പി​ടി​ക്കു​ന്ന​ത് ആ ​തീ നാ​ള​ങ്ങ​ളി​ലൂ​ടെ​യാ​ണ്.

റീ ​പോ​സ്റ്റു​മോ​ർ​ട്ടം ക​ഴി​ഞ്ഞ് മോ​ർ​ച്ച​റി​യി​ൽ സൂ​ക്ഷി​ച്ചി​രു​ന്ന അ​വ​ളു​ടെ ബോ​ഡി മാ​താ​പി​താ​ക്ക​ൾ ഏ​റ്റു​വാ​ങ്ങു​ന്നു​വെ​ന്ന് കൂ​ട്ടു​കാ​ര​ന്‍റെ ഫോ​ണി​ലേ​ക്ക് വി​ളി വ​ന്നു. ഏ​തോ ചാ​ന​ലി​ൽ ഫ്ളാ​ഷ് ന്യൂ​സാ​യി അ​ത് അ​പ്പോ​ൾ മി​ന്നി​മ​റ​യു​ന്നു​ണ്ടാ​യി​രു​ന്നു. വ​ഴി​ക​ളി​ൽ അ​ല​സ​രാ​യി നി​ന്നി​രു​ന്ന പോ​ലീ​സു​കാ​ർ പെ​ട്ട​ന്ന് ജാ​ഗ​രൂ​ക​രാ​യ പോ​ലെ. തോ​ക്കേ​ന്തി​യ ഏ​താ​നും പോ​ലീ​സു​കാ​ർ തോ​ക്കി​ൻ​പാ​ത്തി​യി​ൽ പി​ടി​മു​റു​ക്കു​ന്ന​തു ക​ണ്ടു.

ആ​കാ​ശ​ത്തേ​ക്ക് ആ​ദ​ര​പൂ​ർ​വം ആ​ചാ​ര വെ​ടി മു​ഴ​ക്കാ​ന​ല്ല അ​വ​ർ തോ​ക്കി​ൽ മു​റു​കെ പി​ടി​ക്കു​ന്ന​ത് എ​ന്ന് മ​ന​സി​ലാ​യി. ഐ​ഡി കാ​ർ​ഡ് ക​ഴു​ത്തി​ല​ണി​ഞ്ഞ് മു​ന്നോ​ട്ടു നീ​ങ്ങു​ന്പോ​ൾ പോ​ലീ​സു​കാ​ർ ത​ട​ഞ്ഞു. അ​പ​രി​ചി​ത​രെ അ​വ​ർ​ക്ക് സം​ശ​യ​മാ​യി​രു​ന്നു. ഐ​ഡി പ​രി​ശോ​ധി​ച്ച് ഞ​ങ്ങ​ളെ ക​ട​ത്തി വി​ടു​ന്പോ​ൾ പോ​ലീ​സു​കാ​രി​ൽ ഒ​രാ​ൾ പ​തി​യെ പ​റ​യു​ന്ന​ത് കേ​ട്ടു -കേ​ര​ളാ​വി​ലെ​യി​രു​ന്ത് ഇ​ങ്ക വ​ര​റ​ത്ക്ക് ഇ​വ​ള​വും പെ​രി​യ ന്യൂ​സാ ഇ​ത്.......

ശ​രി​യാ​ണ് ആ ​പോ​ലീ​സു​കാ​ര​ന്‍റെ സം​ശ​യം. പ​ത്ര​ങ്ങ​ളു​ടെ ച​ര​മ​ക്കോ​ള​ത്തി​ൽ ഒ​രു മൂ​ല​യി​ൽ ഒ​തു​ങ്ങി​പോ​കു​മാ​യി​രു​ന്ന ആ​ത്മ​ഹ​ത്യ​യാ​ണ് ഇ​ന്ന് ഇ​ന്ത്യ​യി​ൽ കു​റ​ച്ചു​പേ​രെ​ങ്കി​ലും ച​ർ​ച്ച​ചെ​യ്യു​ന്ന​ത്. ഏ​തോ ഒ​രു അ​ച്ഛ​നും അ​മ്മ​യ്ക്കും മാ​ത്രം സം​ഭ​വി​ച്ച ദു​ര​ന്ത​മാ​യി അ​വ​ഗ​ണി​ക്കാ​തെ അ​വ​രു​ടെ ക​ണ്ണു​നീ​രി​ൽ ആ​രൊ​ക്കെ​യോ പ​ങ്കു​ചേ​രു​ന്ന​ത്. അ​വ​ൾ​ക്കാ​യി ശ​ബ്ദ​മു​യ​ർ​ത്തു​ന്ന​ത്. ക​ലാ​പ​ങ്ങ​ൾ എ​ന്ന മു​ദ്ര​ചാ​ർ​ത്തു​ന്ന പ്ര​തി​ഷേ​ധ​ങ്ങ​ളു​യ​ർ​ത്തു​ന്ന​ത്..

വെ​യി​ൽ മൂ​ക്കു​ന്പോ​ഴും ക​ട​ലൂ​രി​ൽ ക​ണ്ണീ​ർ​മ​ഴ പെ​യ്യു​ന്നു​ണ്ടാ​യി​രു​ന്നു. പ​ല​രു​ടേ​യും മ​ന​സി​ൽ.
ക​ട​ലൂ​രി​ലെ പെ​രി​യ​നെ​സ​ലൂ​ർ ഗ്രാ​മ​ത്തി​ലേ​ക്ക് എ​വി​ടെ നി​ന്നൊ​ക്കെ​യോ ആ​ളു​ക​ൾ വ​ന്ന​ണ​ഞ്ഞു​കൊ​ണ്ടേ​യി​രു​ന്നു. കൂ​ട്ട​ത്തി​ൽ ദേ​ശീ​യ മാ​ധ്യ​മ​ങ്ങ​ളു​ടെ​യ​ട​ക്കം പ്ര​തി​നി​ധി​ക​ളും.

സ​മ​യം രാ​വി​ലെ ഏ​ഴു​മ​ണി​യാ​കു​ന്ന​തേ​യു​ള്ളു. ക​ള്ളാ​ക്കു​റി​ച്ചി ജ​ന​റ​ൽ ആ​ശു​പ​ത്രി​യി​ൽ നി​ന്ന് അ​വ​ളു​ടെ മൃ​ത​ദേ​ഹ​വും വ​ഹി​ച്ചു​ള്ള ആം​ബു​ല​ൻ​സ് ക​ട​ലൂ​രി​ലേ​ക്ക് തി​രി​ച്ച​താ​യ വാ​ർ​ത്ത പെ​ട്ട​ന്ന് ഗ്രാ​മ​ത്തി​ൽ പ​ര​ന്നു.

ജ​ന​റ​ൽ ആ​ശു​പ​ത്രി മോ​ർ​ച്ച​റി​യി​ൽ റീ ​പോ​സ്റ്റു​മോ​ർ​ട്ടം ക​ഴി​ഞ്ഞ് സൂ​ക്ഷി​ച്ചി​രു​ന്ന പൊ​ന്നു​മോ​ളു​ടെ മൃ​ത​ദേ​ഹം ഏ​റ്റു​വാ​ങ്ങു​ന്ന​താ​യു​ള്ള രേ​ഖ​യി​ൽ ഒ​പ്പി​ടു​ന്പോ​ൾ ആ ​അ​ച്ഛ​ന്‍റെ കൈ​വി​റ​ച്ചു​കൊ​ണ്ടി​രു​ന്നു.

ചു​റ്റും ഉ​യ​ർ​ന്ന വാ​വി​ട്ട ക​ര​ച്ചി​ലു​ക​ൾ​ക്കി​ടെ ത​ങ്ങ​ളു​ടെ പൊ​ന്നു​മോ​ളു​ടെ തു​ണി​യി​ൽ പൊ​തി​ഞ്ഞ ജീ​വ​നി​ല്ലാ​ത്ത ശ​രീ​രം ഏ​റ്റു​വാ​ങ്ങു​ന്പോ​ൾ ആ ​മാ​താ​പി​താ​ക്ക​ൾ ക​ട​വു​ളേ എ​ന്നാ​ർ​ത്തു നി​ല​വി​ളി​ക്കു​ന്നു​ണ്ടാ​യി​രു​ന്നു. ആ​ദ്യ​ത്തെ പോ​സ്റ്റു​മോ​ർ​ട്ട​ത്തി​നു ശേ​ഷം ര​ണ്ടാ​മ​ത്തെ പോ​സ്റ്റു​മോ​ർ​ട്ട​വും ക​ഴി​ഞ്ഞ് കൈ​ക​ളി​ലേ​ക്ക് കി​ട്ടി​യ പൊ​ന്നു​മോ​ളു​ടെ മൃ​ത​ദേ​ഹം ഇ​രു​വ​രും വാ​രി​പ്പു​ണ​രു​ന്പോ​ൾ അ​വ​രെ പി​ടി​ച്ചു​മാ​റ്റാ​ൻ സാ​ധി​ക്കാ​തെ ബ​ന്ധു​ക്ക​ളും നാ​ട്ടു​കാ​രും വി​ഷ​മി​ച്ച​ത്രെ.


ക​ണ്ണീ​ർ​മ​ഴ​യാ​യി​രു​ന്നു ക​ള്ളാ​ക്കു​റി​ച്ചി ജ​ന​റ​ൽ ആ​ശു​പ​ത്രി പ​രി​സ​ര​ത്ത് ആ ​ന​ശി​ച്ച പ്ര​ഭാ​ത​ത്തി​ൽ പെ​യ്തൊ​ടു​ങ്ങി​യ​ത്. വി​ദ്യാ​ർ​ഥി​നി​യു​ടെ മൃ​ത​ദേ​ഹം മോ​ർ​ച്ച​റി​യി​ൽ നി​ന്ന് മാ​താ​പി​താ​ക്ക​ൾ ഏ​റ്റു​വാ​ങ്ങു​ന്പോ​ൾ അ​നി​ഷ്ട​സം​ഭ​വ​ങ്ങ​ളു​ണ്ടാ​കാ​തി​രി​ക്കാ​ൻ ആ​ശു​പ​ത്രി​യും പ​രി​സ​ര​വും ക​ന​ത്ത പോ​ലീ​സ് വ​ല​യ​ത്തി​ലാ​യി​രു​ന്നു. മോ​ർ​ച്ച​റി​യി​ൽ നി​ന്ന് മൃ​ത​ദേ​ഹം പു​റ​ത്തേ​ക്കെ​ടു​ത്ത​പ്പോ​ഴേ​ക്കും കൂ​ടി നി​ന്ന​വ​ർ വാ​വി​ട്ടു നി​ല​വി​ളി​ച്ചു. അ​തു​വ​രെ പി​ടി​ച്ചു​നി​ന്ന മാ​താ​പി​താ​ക്ക​ൾ​ക്കും സ​ങ്ക​ട​മ​ട​ക്കാ​നാ​യി​ല്ല.

പി​ന്നെ മൃ​ത​ദേ​ഹ​വു​മാ​യി ആം​ബു​ല​ൻ​സി​ൽ അ​വ​ൾ​ക്കൊ​പ്പം മാ​താ​പി​താ​ക്ക​ളു​ടെ അ​വ​സാ​ന യാ​ത്ര..​ക​ട​ലൂ​രി​ലേ​ക്ക്...​വ​ഴി നീ​ളെ അ​വ​ളെ അ​റി​യു​ന്ന​വ​രും അ​റി​യാ​ത്ത​വ​രു​മാ​യ ആ​ൾ​ക്കൂ​ട്ടം അ​വ​സാ​ന​മാ​യി ഒ​രു നോ​ക്കു​കാ​ണാ​ൻ ത​ടി​ച്ചു​കൂ​ടി​യി​രു​ന്നു. വ​ഴി നീ​ളെ പോ​ലീ​സ് നി​ല​യു​റ​പ്പി​ച്ചി​രു​ന്നു. ആ​രൊ​ക്കെ​യോ ആം​ബു​ല​ൻ​സ് ക​ട​ന്നു​പോ​കു​ന്പോ​ൾ പൂ​ക്ക​ൾ വി​ത​റു​ന്നു​ണ്ടാ​യി​രു​ന്നു.

ആം​ബു​ല​ൻ​സി​ന​ക​ത്ത് ചേ​ത​ന​യ​റ്റ് ര​ണ്ടു ത​വ​ണ കീ​റി​മു​റി​ക്ക​പ്പെ​ട്ട പൊ​ന്നു​മോ​ളു​ടെ ശ​രീ​ര​ത്തി​ൽ അ​ച്ഛ​നും അ​മ്മ​യും ത​ലോ​ടി​ക്കൊ​ണ്ടി​രു​ന്നു. പ​ണ്ട​വ​ളെ ലാ​ളി​ക്കു​ന്പോ​ൾ ത​ലോ​ടി​യ​പോ​ലെ...​ഇ​നി അ​ൽ​പ സ​മ​യം കൂ​ടി മാ​ത്ര​മ​ല്ലേ അ​വ​ളെ ഇ​ങ്ങ​നെ ത​ലോ​ടാ​നാ​കു എ​ന്നോ​ർ​ത്ത് ച​ങ്കു പി​ട​ഞ്ഞ്....

പു​റ​ത്ത​വ​ളു​ടെ കൂ​ട്ടു​കാ​രി​ക​ൾ വി​തു​ന്പി​ക്കൊ​ണ്ട് എ​വി​ടെ​യൊ​ക്കെ​യോ ഇ​രി​ക്കു​ന്നു​ണ്ടാ​യി​രു​ന്നു.
സം​സ്കാ​ര​ത്തി​നാ​യി അ​വ​ളു​ടെ മൃ​ത​ദേ​ഹം കൊ​ണ്ടു​വ​രു​ന്പോ​ഴേ​ക്കും വീ​ടും പ​രി​സ​ര​വും ആ​ളു​ക​ളെ കൊ​ണ്ട് നി​റ​ഞ്ഞി​രു​ന്നു. അ​വ​ളു​ടെ സ​ഹ​പാ​ഠി​ക​ള​ട​ക്ക​മു​ള്ള​വ​ർ ക​ര​ച്ചി​ല​ട​ക്കാ​ൻ പാ​ടു​പെ​ടു​ന്നു​ണ്ടാ​യി​രു​ന്നു. വീ​ടി​ന​ക​ത്ത് അ​വ​ളു​ടെ സ്കൂ​ൾ ബാ​ഗും പു​സ്ത​ക​ങ്ങ​ളും യൂ​ണി​ഫോ​മും ഓ​ർ​മ​ക​ൾ ബാ​ക്കി​യാ​ക്കി കി​ട​പ്പു​ണ്ടാ​യി​രു​ന്നു.

ക​ട​ലൂ​രി​ലെ വീ​ട്ടി​ലും പ​രി​സ​ര​ത്തും പോ​ലീ​സ് ആ​ൾ​ക്കൂ​ട്ട​ത്തെ നി​യ​ന്ത്രി​ക്കാ​നാ​യി നി​ല​യു​റ​പ്പി​ച്ചി​രു​ന്നു. എ​പ്പോ​ൾ വേ​ണ​മെ​ങ്കി​ലും സം​ഘ​ർ​ഷ​ത്തി​ന് സാ​ധ്യ​ത​യേ​റെ​യു​ള്ള​തി​നാ​ൽ പോ​ലീ​സ് അ​തീ​വ​ജാ​ഗ്ര​ത​യി​ലാ​യി​രു​ന്നു.

പൂ​മാ​ല​ക​ൾ ചാ​ർ​ത്തി​യ അ​വ​ളു​ടെ ശ​രീ​രം പി​ന്നെ പ​ച്ച​മ​ണ്ണി​ലേ​ക്ക് പ​തി​യെ ചേ​ർ​ന്ന​ലി​ഞ്ഞു. മ​ന്ത്രി​മാ​ര​ട​ക്ക​മു​ള്ള​വ​ർ സാ​ക്ഷി​ക​ളാ​യി.

ഹോ​സ്റ്റ​ൽ കെ​ട്ടി​ട​ത്തി​ന് മു​ക​ളി​ൽ നി​ന്നും ചാ​ടി അ​വ​സാ​നി​പ്പി​ച്ച ഒ​രു ജീ​വി​ത​ത്തി​ന് അ​വ​സാ​ന ഗു​ഡ്ബൈ പ​റ​യാ​ൻ ആ​രൊ​ക്കെ​യോ എ​ത്തി.

ത​മി​ഴ്നാ​ട്ടി​ലെ ക​ള്ളാ​ക്കു​റി​ച്ചി ജി​ല്ല​യി​ലെ ചി​ന്ന​സേ​ല​ത്തു​ള്ള ശ​ക്തി മെ​ട്രി​ക്കു​ലേ​ഷ​ൻ ഹ​യ​ർ സെ​ക്ക​ൻ​റ​റി സ്കൂ​ളി​ൽ പ്ല​സ് ടു ​വി​ദ്യാ​ർ​ത്ഥി​നി ഹോ​സ്റ്റ​ൽ കെ​ട്ടി​ട​ത്തി​ന് മു​ക​ളി​ൽ നി​ന്ന് ചാ​ടി ജീ​വ​നൊ​ടു​ക്കി​യ​ത് ത​മി​ഴ്നാ​ട്ടി​നെ പി​ടി​ച്ചു​കു​ലു​ക്കി​യ സം​ഭ​വ​മാ​യി. അ​ധ്യാ​പ​ക​രു​ടെ മാ​ന​സി​ക പീ​ഡ​ന​ത്തെ തു​ട​ർ​ന്നാ​ണ് ആ​ത്മ​ഹ​ത്യ​യെ​ന്ന് വ്യ​ക്ത​മാ​ക്കു​ന്ന വി​ദ്യാ​ർ​ത്ഥി​നി​യു​ടെ ആ​ത്മ​ഹ​ത്യാ കു​റി​പ്പ് നേ​ര​ത്തെ പു​റ​ത്തു​വ​ന്നി​രു​ന്നു. കെ​മി​സ്ട്രി, ക​ണ​ക്ക് അ​ധ്യാ​പ​ക​ർ ത​ന്നെ വ​ല്ലാ​തെ മാ​ന​സി​ക സം​ഘ​ർ​ഷ​ത്തി​ൽ ആ​ക്കു​ന്നു​വെ​ന്ന് കു​ട്ടി​യു​ടെ ആ​ത്മ​ഹ​ത്യാ​ക്കു​റി​പ്പി​ൽ പ​റ​യു​ന്നു​ണ്ട്.

താ​ൻ പ​ഠി​ക്കാ​ത്ത കു​ട്ടി​യാ​ണെ​ന്ന് അ​ധ്യാ​പ​ക​ർ എ​ല്ലാ​വ​രോ​ടും പ​റ​യു​ന്നു. ര​സ​ത​ന്ത്ര​ത്തി​ലെ സ​മ​വാ​ക്യ​ങ്ങ​ൾ ഓ​ർ​മ​യി​ൽ നി​ൽ​ക്കു​ന്നി​ല്ല. എ​ല്ലാ​വ​രും ക​ളി​യാ​ക്കു​ന്നു. ത​ന്നെ മാ​ത്ര​മ​ല്ല, മ​റ്റ് കു​ട്ടി​ക​ളേ​യും ക​ണ​ക്ക് ടീ​ച്ച​ർ ഈ ​വി​ധം വ​ഴ​ക്കു​പ​റ​യാ​റു​ണ്ട്. എ​ന്നി​ങ്ങ​നെ​യാ​ണ് കു​ട്ടി എ​ഴു​തി​യി​രി​ക്കു​ന്ന​ത്. സ്കൂ​ൾ ഫീ​സ് ത​ൻ​റെ അ​മ്മ​യ്ക്ക് തി​രി​കെ ന​ൽ​ക​ണ​മെ​ന്നും ആ​ത്മ​ഹ​ത്യാ​ക്കു​റി​പ്പി​ൽ പ​റ​ഞ്ഞി​ട്ടു​ണ്ട്.

തി​രി​കെ മ​ട​ങ്ങു​ന്പോ​ൾ അ​വ​ളു​ടെ വീ​ട്ടി​ലേ​ക്കൊ​ന്നു പാ​ളി നോ​ക്കി. അ​വ​ൾ ക​ളി​ച്ചു​വ​ള​ർ​ന്ന വീ​ട്...​അ​വ​ളു​ടെ സ്വ​പ്ന​ങ്ങ​ൾ​ക്ക് നി​റം പ​ക​ർ​ന്ന വീ​ട്...​ക​ളി​വീ​ടു​റ​ങ്ങി​യ​ല്ലോ ക​ളി​വാ​ക്കു​റ​ങ്ങി​യ​ല്ലോ എ​ന്ന ദേ​ശാ​ട​ന​ത്തി​ലെ പാ​ട്ടോ​ർ​ത്തു...
ഇ​നി ആ ​വീ​ട്ടി​ൽ അ​വ​ളി​ല്ല...​അ​വ​ളു​ടെ ക​ളി​ചി​രി​യി​ല്ല...

ര​ണ്ടു ദി​വ​സം ക​ഴി​ഞ്ഞ് ത​മി​ഴ്നാ​ട്ടി​ൽ മ​റ്റൊ​രു വി​ദ്യാ​ർ​ഥി​നി​കൂ​ടി ആ​ത്മ​ഹ​ത്യ​ചെ​യ്ത വാ​ർ​ത്ത വ​ന്നു...
മ​റ്റൊ​രു ക​ള്ളാ​ക്കു​റി​ച്ചി...​
മ​റ്റൊ​രു ക​ണ്ണു​നീ​ർ​ത്തു​ള്ളി....

ഋ​ഷി