ഡൽഹി കത്തി ; തെളിഞ്ഞത് അപായം
രാ​ജ്യ​ത​ല​സ്ഥാ​ന​ത്തു മൂ​ന്നു ദി​വ​സം തു​ട​ർ​ച്ച​യാ​യി ന​ട​ന്ന വ​ലി​യ ആ​ക്ര​മ​ണം ത​ട​യാ​നോ നി​യ​ന്ത്രി​ക്കാ​നോ ശ്ര​മി​ക്കാ​തെ ഡ​ൽ​ഹി പോ​ലീ​സ് കാ​ഴ്ച​ക്കാ​രാ​യി നി​ന്ന​ത് എ​ന്തു​കൊ​ണ്ട്? മൂ​ന്നാം ദി​വ​സ​ത്തെ അ​തി​രു​വി​ട്ട അ​ക്ര​മ​ങ്ങ​ൾ​ക്കു ശേ​ഷം വ​ലി​യ തോ​തി​ലു​ള്ള അ​ക്ര​മം പെ​ട്ടെ​ന്ന് അ​വ​സാ​നി​ച്ച​ത് എ​ങ്ങ​നെ? പ്ര​ധാ​ന​മ​ന്ത്രി​യു​ടെ​യും ആ​ഭ്യ​ന്ത​ര​മ​ന്ത്രി​യു​ടെ​യും ഡ​ൽ​ഹി മു​ഖ്യ​മ​ന്ത്രി​യു​ടെ​യും മൂ​ക്കി​നു താ​ഴെ അ​ക്ര​മം ന​ട​ന്ന മേ​ഖ​ല​ക​ളി​ൽ മൂ​ന്നു ദി​വ​സം സ​മാ​ധാ​ന​ത്തി​നു ശ്ര​മി​ക്കു​ക പോ​ലും ചെ​യ്യാ​തി​രു​ന്ന​ത് എ​ന്തു​കൊ​ണ്ട്?

എ​ല്ലാ മാ​ധ്യ​മ​ങ്ങ​ളി​ലും വ്യാ​പ​ക​മാ​യി പ്ര​ച​രി​ച്ച ശേ​ഷ​വും ഡ​ൽ​ഹി പോ​ലീ​സ് ഓ​ഫീ​സ​റു​ടെ മു​ന്നി​ൽ ബി​ജെ​പി നേ​താ​വ് ക​പി​ൽ മി​ശ്ര ന​ട​ത്തി​യ ക​ലാ​പ ആ​ഹ്വാ​ന​ത്തി​ന്‍റെ വീ​ഡി​യോ ക​ണ്ടി​ട്ടി​ല്ലെ​ന്നു ഹൈ​ക്കോ​ട​തി​യി​ൽ ഡ​ൽ​ഹി പോ​ലീ​സ് പ​റ​ഞ്ഞ​ത് എ​ന്തു കൊ​ണ്ട്? അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ഡ​ൽ​ഹി​യി​ൽ ഉ​ള്ള​പ്പോ​ൾ ബി​ജെ​പി അ​നു​കൂ​ലി​ക​ൾ അ​ക്ര​മം ന​ട​ത്തു​മോ?

രാ​ജ്യ​ത്തെ​യാ​കെ ന​ടു​ക്കി​യ വ​ട​ക്കു കി​ഴ​ക്ക​ൻ ഡ​ൽ​ഹി​യി​ലെ ക​ലാ​പ​ത്തെ​ക്കു​റി​ച്ചു വ്യ​ക്ത​മാ​യ ഉ​ത്ത​ര​മി​ല്ലാ​ത്ത ചോ​ദ്യ​ങ്ങ​ൾ നി​ര​വ​ധി​യാ​ണ്. ത​ല​സ്ഥാ​ന ന​ഗ​രി​യി​ൽ ചു​രു​ങ്ങി​യ​ത് 24 പേ​ർ മ​രി​ക്കു​ക​യും 189 പേ​ർ​ക്കു പ​രി​ക്കേ​ൽ​ക്കു​ക​യും നൂ​റു​ക​ണ​ക്കി​നു വാ​ഹ​ന​ങ്ങ​ളും വ്യാ​പാ​ര​ശാ​ല​ക​ളും വീ​ടു​ക​ളും അ​ഗ്നി​ക്കി​ര​യാ​ക്കു​ക​യും ചെ​യ്ത സം​ഭ​വം അ​തീ​വ ഗൗ​ര​വ​മു​ള്ള​താ​ണ്. നേ​ര​ത്തെ ഒ​രു പോ​ലീ​സു​കാ​ര​ൻ കൊ​ല്ല​പ്പെ​ട്ട​തി​നു പി​ന്നാ​ലെ ര​ഹ​സ്യാ​ന്വേ​ഷ​ണ ബ്യൂ​റോ ഉ​ദ്യോ​ഗ​സ്ഥ​നാ​യ അ​ങ്കി​ത് ശ​ർ​മ​യു​ടെ മൃ​ത​ദേ​ഹം ഇ​ന്ന​ലെ സം​ഘ​ർ​ഷ​മേ​ഖ​ല​യാ​യ ചാ​ന്ദ്ബാ​ഗി​ലെ അ​ഴു​ക്കു​ചാ​ലി​ൽനി​ന്നു ക​ണ്ടത്തി. ​ഒ​ന്പ​തു പേ​രു​ടെ മ​ര​ണം വെ​ടി​യേ​റ്റി​ട്ടാ​ണെ​ന്നു വ്യ​ക്ത​മാ​യി​ട്ടു​ണ്ട്. ജി​ടി​ബി ആ​ശു​പ​ത്രി​യി​ൽ മാ​ത്രം 70 പേ​രാ​ണു വെ​ടി​യേ​റ്റു ചി​കി​ൽ​സ​യി​ലു​ള്ള​ത്.

വൈ​കി​യു​ണ​ർ​ന്ന കേ​ന്ദ്രം

അ​ക്ര​മം ഉ​ണ്ടാ​യ​പ്പോ​ൾ മു​സ‌്‌ലിം​ക​ൾ തു​ട​ക്ക​ത്തി​ലെ​ങ്കി​ലും നോ​ക്കി​നി​ന്നി​ല്ല. ക​ഴി​യു​ന്ന​പോ​ലെ അ​വ​ർ തി​രി​ച്ച​ടി​ച്ചു. തോ​ക്കു​മേ​ന്തി വെ​ടി​വ​യ്ക്കു​ന്ന മു​സ‌്‌ലി​മി​ന്‍റെ ചി​ത്ര​ത്തി​നു ബി​ജെ​പി​ക്കാ​ർ വ​ലി​യ പ്ര​ധാ​ന്യം ന​ൽ​കി​യ​തും വെ​റു​തെ​യ​ല്ല. തു​ട​ർ​ന്ന​ങ്ങോ​ട്ടു ന​ട​ന്ന​തു കൂ​ടു​ത​ലും ഏ​ക​പ​ക്ഷീ​യ​മാ​യ അ​ക്ര​മ​മാ​യി​രു​ന്നു.

പ​ക്ഷേ അ​ക്ര​മ​ങ്ങ​ളെ അ​പ​ല​പി​ക്കാ​നോ ര​ണ്ടാം ദി​വ​സ​മെ​ങ്കി​ലും സം​ഘ​ർ​ഷ മേ​ഖ​ല​ക​ളി​ൽ ചെ​ന്നു സ​മാ​ധാ​ന​ത്തി​നു ശ്ര​മി​ക്കാനോ തയാറാകാതിരുന്ന കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ, ​ഡ​ൽ​ഹി ല​ഫ്. ഗ​വ​ർ​ണ​ർ അ​നി​ൽ ബൈ​ജാ​ൽ, മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ൾ, ഡ​ൽ​ഹി​യി​ലെ 70 എം​എ​ൽ​എ​മാ​ർ, ഏ​ഴ് എം​പി​മാ​ർ എ​ന്നി​വ​രു​ടെ ക​ണ്ണ​ട​യ്ക്ക​ലി​നെ​തി​രേ​ രൂ​ക്ഷ​മാ​യ പ്ര​തി​ക​ര​ണ​മാ​ണു സം​ഘ​ർ​ഷ​മേ​ഖ​ല​ക​ളി​ലെ ജ​ന​ങ്ങ​ൾ ന​ട​ത്തു​ന്ന​ത്. ബി​ജെ​പി പ്ര​സി​ഡ​ന്‍റ് ജെ.​പി. ന​ഡ്ഡ, കോ​ണ്‍ഗ്ര​സ് നേ​താ​വ് രാ​ഹു​ൽ ഗാ​ന്ധി അ​ട​ക്ക​മു​ള്ള നേ​താ​ക്ക​ളു​ടെ മൗ​ന​വും വി​മ​ർ​ശ​ന​വി​ധേ​യ​മാ​യി.

എ​ന്നാ​ൽ, ഡ​ൽ​ഹി​യി​ലെ സം​ഘ​ടി​ത അ​ക്ര​മം പോ​ലീ​സ് നോ​ക്കി​നി​ന്ന​തു ഞെ​ട്ടി​ക്കു​ന്ന​താ​ണ്. ചി​ല​യി​ട​ങ്ങ​ളി​ലെ​ങ്കി​ലും പോ​ലീ​സി​ന്‍റെ സ​ഹാ​യം അ​ക്ര​മി​ക​ൾ​ക്കു കി​ട്ടി​യെ​ന്നു ചൊ​വ്വാ​ഴ്ച പ​ക​ൽ ചാ​ന്ദ്ബാ​ഗി​ൽ നേ​രി​ട്ടെ​ത്തി​യ ലേ​ഖ​ക​നു ബോ​ധ്യ​മാ​യി. സം​ഘ​ർ​ഷ മേ​ഖ​ല​ക​ളി​ലു​ണ്ടാ​യി​രു​ന്ന മ​റ്റു മാ​ധ്യ​മ​സു​ഹൃ​ത്തു​ക്ക​ളും ഇ​ക്കാ​ര്യം സ്ഥി​രീ​ക​രി​ക്കു​ന്നു. ബി​ജെ​പി​യെ അ​നു​കൂ​ലി​ക്കു​ന്ന മാ​ധ്യ​മ​ങ്ങ​ളി​ലെ റി​പ്പോ​ർ​ട്ട​ർ​മാ​ർ പോ​ലും പോ​ലീ​സി​ന്‍റെ അ​നാ​സ്ഥ​യെ ത​ള്ളി​പ്പ​റ​ഞ്ഞു.

പൂ​ർ​ണ​മാ​യി ക​ത്തി​ക്ക​രി​ഞ്ഞ വീ​ടു​ക​ളും ക​ട​ക​ളും വാ​ഹ​ന​ങ്ങ​ളും നി​ര​വ​ധി. ഇ​വ​യെ​ല്ലാം മു​സ്ലിം​ക​ളു​ടേ​തു മാ​ത്ര​മാ​യ​തു യാ​ദൃ​ച്ഛി​ക​മ​ല്ല. മ​രി​ച്ച​വ​രി​ലും പ​രി​ക്കേ​റ്റ​വ​രി​ലും മ​ഹാ​ഭൂ​രി​പ​ക്ഷം പേ​രും ഇ​തേ മ​ത​വി​ഭാ​ഗ​ക്കാ​രാ​ണ്. മു​സ്ലിം​ക​ളു​ടെ ക​ട​ക​ൾ മാ​ത്ര​മ​ല്ല, മൃ​ത​ദേ​ഹ​ങ്ങ​ൾ ക​ബ​റ​ട​ക്കു​ന്ന സെ​മി​ത്തേ​രി വ​രെ അ​ക്ര​മി​ക്ക​പ്പെ​ട്ടു. ഒ​രു മോ​സ്കി​ലും അ​ക്ര​മി​ക​ൾ കൈ​യേ​റ്റം ന​ട​ത്തി.

മൂ​ന്നു ദി​വ​സ​ത്തെ അ​ഴി​ഞ്ഞാ​ട്ട​ത്തി​നു ശേ​ഷം ഇ​ന്ന​ലെ ഡ​ൽ​ഹി​യി​ലെ സം​ഘ​ർ​ഷ​ത്തി​ന് അ​യ​വു വ​ന്നു. രാ​ഷ്‌​ട്രീ​യ നേ​തൃ​ത്വം നേ​ര​ത്തേ തീ​രു​മാ​നി​ച്ചാ​ൽ ഇ​തു വൈ​കി​ല്ലാ​യി​രു​ന്നു. ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് അ​ജി​ത് ഡോ​വ​ലും കേ​ന്ദ്ര​സേ​ന​യും പോ​ലീ​സും കൃ​ത്യ​മാ​യി രം​ഗ​ത്തി​റ​ങ്ങി​യ​തോ​ടെ​യാ​ണി​ത്. എ​ങ്കി​ലും ഭീ​തി മാ​റാ​ത്ത വ​ല്ലാ​ത്തൊ​രു ശാ​ന്ത​ത​യാ​ണു കൈ​വ​ന്ന​ത്. അ​ക്ര​മ​കാ​രി​ക​ൾ പെ​ട്ടെ​ന്നു പി​ൻ​വാ​ങ്ങി​യ​തും ശ്ര​ദ്ധേ​യ​മാ​ണ്.

ക​ണ്ടി​ട്ടും കാ​ണാ​ത്ത പോ​ലീ​സ്

അ​ക്ര​മം ഉ​ണ്ടാ​കു​മെ​ന്നു ഭീ​ഷ​ണി​പ്പെ​ടു​ത്തി​യ ബി​ജെ​പി നേ​താ​വ് ക​പി​ൽ മി​ശ്ര​യു​ടെ പ്ര​സം​ഗ​ത്തി​ന്‍റെ വീ​ഡി​യോ ക​ണ്ടി​ല്ലെ​ന്നു ഡ​ൽ​ഹി പോ​ലീ​സ് ഡെ​പ്യൂ​ട്ടി ക​മ്മീ​ഷ​ണ​ർ രാ​ജേ​ഷ് ദി​യോ ഡ​ൽ​ഹി ഹൈ​ക്കോ​ട​തി​യി​ൽ പ​റ​ഞ്ഞു. ഡ​ൽ​ഹി ക​ലാ​പ​ത്തി​ന്‍റെ യ​ഥാ​ർ​ഥ ചി​ത്രം ഈ ​ഒ​രൊ​റ്റ പ്ര​സ്താ​വ​ന​യി​ൽ ഉ​ണ്ട്. ബി​ജെ​പി നേ​താ​വി​ന്‍റെ വി​വാ​ദ പ്ര​സം​ഗ​ത്തി​ന്‍റെ വീ​ഡി​യോ ദൃ​ശ്യ​ങ്ങ​ൾ ഒ​ടു​വി​ൽ പോ​ലീ​സ് ഉ​ദ്യോ​ഗ​സ്ഥ​നെ​യും സോ​ളി​സി​റ്റ​ർ ജ​ന​റ​ലി​നെ​യും ഹൈ​ക്കോ​ട​തി ത​ന്നെ കാ​ണി​ച്ചു​കൊ​ടു​ത്തു.

ഡ​ൽ​ഹി പോ​ലീ​സി​ലെ മു​തി​ർ​ന്ന ഉ​ദ്യോ​ഗ​സ്ഥ​നാ​യ എ​സ്ഐ ആ​ണ് ക​പി​ൽ മി​ശ്ര പ്ര​സം​ഗി​ക്കു​ന്പോ​ൾ അ​ടു​ത്തു കാ​ണു​ന്ന​തെ​ന്ന് പോ​ലീ​സി​നു കോ​ട​തി​യി​ൽ സ​മ്മ​തി​ക്കേ​ണ്ടി​യും വ​ന്നു. ദേ​ശീ​യ, പ്രാ​ദേ​ശി​ക വാ​ർ​ത്താ ചാ​ന​ലു​ക​ളി​ലും പ​ത്ര​ങ്ങ​ളി​ലുമെ​ല്ലാം പ​ല​ത​വ​ണ വ​ന്ന പ്ര​സം​ഗ​മാ​ണു പോ​ലീ​സ് ക​ണ്ടി​ട്ടേ​യി​ല്ലെ​ന്നു കോ​ട​തി​യി​ൽ പ​റ​ഞ്ഞ​ത്!

കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ നേ​രി​ട്ടു​ള്ള നി​യ​ന്ത്ര​ണ​ത്തി​ലാ​ണ് ഡ​ൽ​ഹി പോ​ലീ​സ്. ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ മ​ൽ​സ​രി​ച്ച ഡ​ൽ​ഹി​യി​ലെ പ്ര​മു​ഖ ബി​ജെ​പി നേ​താ​വാ​ണ് ക​പി​ൽ മി​ശ്ര. ക​പി​ൽ മി​ശ്ര​യ​ട​ക്കം വി​ദ്വേ​ഷ പ്ര​സം​ഗം ന​ട​ത്തി​യ​വ​ർ​ക്കെ​തി​രേ കേ​സെ​ടു​ക്കാ​ൻ കോ​ട​തി നി​ർ​ദേ​ശി​ക്കേ​ണ്ടി​വ​ന്നു. ഹൈ​ക്കോ​ട​തി പ​രി​ഗ​ണി​ക്കു​ന്ന​തി​നാ​ൽ ഇ​ട​പെ​ടു​ന്നി​ല്ലെ​ങ്കി​ലും പോ​ലീ​സി​നെ​തി​രേ രൂ​ക്ഷ​മാ​യ വി​മ​ർ​ശ​ന​മാ​ണ് സു​പ്രീം​കോ​ട​തി​യും ഇ​ന്ന​ലെ ന​ട​ത്തി​യ​ത്.


പി​ന്നി​ൽ മോ​ദി​യും ഷാ​യു​മ​ല്ല

ര​ണ്ടു മ​ത​വി​ഭാ​ഗ​ങ്ങ​ൾ ത​മ്മി​ലു​ള്ള ഏ​റ്റു​മു​ട്ട​ലാ​യി ഡ​ൽ​ഹി സം​ഘ​ർ​ഷ​ത്തെ പ​ല​രും ചി​ത്രീ​ക​രി​ക്കു​ന്നു​ണ്ട്. കു​റ​ച്ചു ശ​രി​യും അ​തി​ലേ​റെ അ​സ​ത്യ​വും അ​തി​ലു​ണ്ട്. ഡ​ൽ​ഹി​യി​ൽ മ​രി​ച്ച​വ​രി​ൽ മു​സ്ലിം​ക​ളും ഹി​ന്ദു​ക്ക​ളും പോ​ലീ​സു​കാ​രു​മു​ണ്ട്. പ​ക്ഷേ അ​തു​കൊ​ണ്ടു മാ​ത്രം സം​ഭ​വം ഹി​ന്ദു- മു​സ്‌ലിം ക​ലാ​പ​മാ​ണെ​ന്നു വി​ധി​യെ​ഴു​താ​നാ​കി​ല്ല. സം​ഭ​വം നേ​രി​ട്ടു പ​രി​ശോ​ധി​ച്ചാ​ൽ അ​ക്ര​മി​ക​ളെ​യും ഇ​ര​ക​ളെ​യും തി​രി​ച്ച​റി​യാ​നാ​കും.

അ​ക്ര​മ​കാ​രി​ക​ൾ​ക്കു കൃ​ത്യ​മാ​യ ആ​സൂ​ത്ര​ണം ഉ​ണ്ടാ​യി​രു​ന്നു. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ​യും അ​ദ്ദേ​ഹ​ത്തി​ന്‍റെ വ​ലം​കൈ​യും ആ​ഭ്യ​ന്ത​ര​മ​ന്ത്രി​യു​മാ​യ അ​മി​ത് ഷാ​യു​ടെ​യും പ​ദ്ധ​തി​യാ​ണെ​ന്നാ​ണ് ഇ​വ​രു​ടെ രാ​ഷ്‌​ട്രീ​യ എ​തി​രാ​ളി​ക​ളു​ടെ ആ​രോ​പ​ണം. അ​ത​ല്ല, ഇ​സ്ലാ​മി​ക ഭീ​ക​ര​വാ​ദി​ക​ളാ​ണെ​ന്നാ​ണു സം​ഘ​പ​രി​വാ​ർ ശ​ക്തി​ക​ളു​ടെ ആ​രോ​പ​ണം. ഇ​തു ര​ണ്ടും അ​തേ​പ​ടി ശ​രി​യാ​കി​ല്ല.
അ​മേ​രി​ക്ക​ൻ പ്ര​സി​ഡ​ന്‍റ് ഡ​ൽ​ഹി​യി​ലു​ള്ള​പ്പോ​ൾ ഇ​ത്ത​ര​മൊ​രു അ​ക്ര​മ​ത്തി​നു മോ​ദി​യും അ​മി​ത് ഷാ​യും പ​ച്ച​ക്കൊ​ടി കാ​ണി​ക്കു​മെ​ന്നു ക​രു​താ​നാ​കി​ല്ല. ഡ​ൽ​ഹി തെ​ര​ഞ്ഞെ​ടു​പ്പു ക​ഴി​ഞ്ഞ​തി​നാ​ൽ പെ​ട്ടെ​ന്നു​ള്ള രാ​ഷ്‌​ട്രീ​യ​നേ​ട്ട​ത്തി​നും സാ​ധ്യ​ത​യി​ല്ല. അ​ക്ര​മ​ബാ​ധി​ത​ർ​ക്കു ശ​രി​യാ​യി ചെ​റു​ത്തു​നി​ൽ​ക്കാ​ൻ പോ​ലും ക​ഴി​യാ​തെ പോ​യ​തി​നാ​ൽ ഇ​സ്ലാ​മി​ക തീ​വ്ര​വാ​ദി​ക​ളു​ടെ ആ​സൂ​ത്ര​ണ​ത്തി​നും സാ​ധ്യ​ത കു​റ​വാ​ണ്. എ​ങ്കി​ലും യാ​ദൃ​ച്ഛി​ക​മാ​യി സം​ഭ​വി​ച്ച​ത​ല്ല ഡ​ൽ​ഹി​യി​ലെ സം​ഘ​ർ​ഷ​മെ​ന്നു വ്യ​ക്തം. അ​താ​ണു കൂ​ടു​ത​ൽ ഭ​യാ​ന​കം.

വി​ത്തു​പാ​കി​യ വി​ദ്വേ​ഷം

ബി​ജെ​പി​യു​ടെ ഒ​ന്നാം​നി​ര നേ​താ​ക്ക​ൾ ആ​സൂ​ത്ര​ണം ചെ​യ്യാ​തെ ത​ന്നെ ഡ​ൽ​ഹി​യി​ൽ ഇ​ത്ര രൂ​ക്ഷ​മാ​യ ക​ലാ​പം ഉ​ണ്ടാ​യ​തി​നു പി​ന്നി​ൽ താ​ഴെ​ക്കി​ട​യി​ലെ പ്ര​വ​ർ​ത്ത​ക​രി​ൽ വ​ള​രു​ന്ന വി​ദ്വേ​ഷം ആ​ണെ​ന്നു ക​ണ്ടത്താ​നാ​കും. എ​ൽ.​കെ. അ​ഡ്വാ​നി​യു​ടെ 1990ലെ ​വി​വാ​ദ ര​ഥ​യാ​ത്ര മു​ത​ൽ രാ​ജ്യ​ത്തു വ​ള​ർ​ന്നു വ​രു​ന്ന വി​ദ്വേ​ഷ അ​ന്ത​രീ​ക്ഷം കൂ​ടി​വ​രു​ന്ന​താ​ണു രാ​ജ്യം കാ​ണു​ന്ന​ത്. 1992ൽ ​ബാ​ബ​റി മ​സ്ജി​ദ് ത​ക​ർ​ത്ത​തോ​ടെ ഹി​ന്ദു​ത്വ വാ​ദ​ത്തി​നു ക​രു​ത്തേ​റു​ക​യും ഇ​സ്ലാം വി​രു​ദ്ധ​ത​യ്ക്കു ക​ടു​പ്പം കൂ​ടു​ക​യും ചെ​യ്തു. 2002 ഫെ​ബ്രു​വ​രി 27ന് ​സ​ബ​ർ​മ​തി എ​ക്സ്പ്ര​സ് ട്രെ​യി​ൻ ക​ത്തി​ച്ച​തും തു​ട​ർ​ന്നു ന​ട​ന്ന ഗോ​ദ്ര ക​ലാ​പ​വും മു​സ‌്‌ലിം വി​രു​ദ്ധ വി​കാ​രം ആ​ളി​ക്ക​ത്തി​ച്ച​തി​ന്‍റെ പ്ര​തി​ഫ​ല​ന​മാ​യി.

തു​ട​ർ​ന്നു ന​ട​ന്ന ഗു​ജ​റാ​ത്ത് തെ​ര​ഞ്ഞെ​ടു​പ്പി​ലെ വി​ജ​യ​വും 2014, 2019 ലോ​ക്സ​ഭാ തെ​ര​ഞ്ഞെ​ടു​പ്പുകളി​ലെ വ​ൻ​വി​ജ​യ​ങ്ങ​ളും ബി​ജെ​പി​ക്കും സം​ഘ​പ​രി​വാ​റി​നും വീ​ര്യ​വും ആ​വേ​ശ​വും കൂ​ടു​ത​ൽ കൂ​ട്ടാ​ൻ സ​ഹാ​യ​ക​മാ​യി. ക​ഴി​ഞ്ഞ യു​പി തെ​ര​ഞ്ഞെ​ടു​പ്പി​ലെ ബി​ജെ​പി​യു​ടെ മി​ന്നു​ന്ന ജ​യ​വും ആ​വേ​ശം പ​ക​ർ​ന്നു. അ​യോ​ധ്യ​യി​ലെ ത​ർ​ക്ക​ഭൂ​മി മു​ഴു​വ​നാ​യി രാ​മ​ക്ഷേ​ത്ര നി​ർ​മാ​ണ​ത്തി​നു വി​ട്ടു​കൊ​ടു​ത്ത സു​പ്രീം​കോ​ട​തി വി​ധി​ക്കെ​തി​രേ മു​സ്​ലിം​ക​ൾ പ്ര​തി​ക​രി​ക്കാ​തി​രു​ന്ന​തും പ​രോ​ക്ഷ​മാ​യെ​ങ്കി​ലും ഇ​ക്കൂ​ട്ട​ർ​ക്കു വീ​ണ്ടും ക​രു​ത്തു​പ​ക​ർ​ന്നു.

എ​ന്നാ​ൽ, പി​ന്നീ​ട് ന​ട​ന്ന സം​സ്ഥാ​ന നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ലേ​റ്റ തി​രി​ച്ച​ടി​ക​ൾ മി​ക്ക ബി​ജെ​പി നേ​താ​ക്ക​ളു​ടെ​യും അ​ണി​ക​ളി​ൽ പ​ല​രു​ടെ​യും ഉ​റ​ക്കം കെ​ടു​ത്തി. 11ൽ ​ഒ​ന്പ​തു സം​സ്ഥാ​ന​ത്തും ബി​ജെ​പി​ക്കു ഭ​ര​ണം കി​ട്ടി​യി​ല്ല. മ​ധ്യ​പ്ര​ദേ​ശ്, മ​ഹാ​രാ​ഷ്ട്ര, രാ​ജ​സ്ഥാ​ൻ, ഛത്തീ​സ്ഗ​ഡ്, ഉ​ത്ത​രാ​ഖ​ണ്ഡ്, ആ​ന്ധ്ര​പ്ര​ദേ​ശ്, തെ​ലു​ങ്കാ​ന, പ​ഞ്ചാ​ബ് തു​ട​ങ്ങി​യ സം​സ്ഥാ​ന​ങ്ങ​ളി​ലെ പ​രാ​ജ​യം പ്ര​തീ​ക്ഷി​ച്ചി​രു​ന്നി​ല്ല.

ഏ​റ്റ​വു​മൊ​ടു​വി​ൽ മോ​ദി​യും അ​മി​ത് ഷാ​യും കേ​ന്ദ്ര​മ​ന്ത്രി​മാ​രും എം​പി​മാ​രും മ​റ്റു നേ​താ​ക്ക​ളും ആ​ർ​എ​സ്എ​സു​മെ​ല്ലാം സ​ർ​വ​ശ​ക്തി​യു​മെ​ടു​ത്തു പ്ര​ചാ​ര​ണം ന​ട​ത്തി​യി​ട്ടും ഡ​ൽ​ഹി​യി​ൽ ര​ണ്ട ക്കം ​പോ​ലും തി​ക​യ്ക്കാ​നാ​യി​ല്ല. എ​ഴു​പ​തി​ൽ 62 സീ​റ്റു​ക​ളോ​ടെ ആം ​ആ​ദ്മി പാ​ർ​ട്ടി വീ​ണ്ടും ഡ​ൽ​ഹി തൂ​ത്തു​വാ​രി​യ​തു ബി​ജെ​പി അ​ണി​ക​ളി​ൽ രോ​ഷം ഉ​ണ​ർ​ത്തി.

വ​ള​ര​ണം മ​ത​മൈ​ത്രി, സൗ​ഹാ​ർ​ദം

പൗ​ര​ത്വ നി​യ​മ ഭേ​ദ​ഗ​തി​ക്കെ​തി​രാ​യ ഷ​ഹീ​ൻ​ബാ​ഗി​ലെ റോ​ഡ് ഉ​പ​രോ​ധ സ​മ​രം ജ​ന​വി​കാ​രം ത​ങ്ങ​ൾ​ക്ക​നു​കൂ​ല​മാ​ക്കു​മെ​ന്ന ബി​ജെ​പി​യു​ടെ ക​ണ​ക്കു​കൂ​ട്ട​ൽ പോ​ലും പാ​ളി. പൗ​ര​ത്വ നി​യ​മ​ങ്ങ​ൾ​ക്കെ​തി​രേ രാ​ജ്യ​മാ​കെ ഉ​യ​ർ​ന്ന വ​ൻ പ്ര​തി​ഷേ​ധ സ​മ​ര​ങ്ങ​ളും ഇ​തി​നെ​തി​രേ ക​പി​ൽ മി​ശ്ര​യും അ​നു​രാ​ഗ് ഠാ​ക്കൂ​ർ, പ​ർ​വേ​ശ് വ​ർ​മ തു​ട​ങ്ങി​യ ബി​ജെ​പി​യു​ടെ നേ​താ​ക്ക​ൾ ന​ട​ത്തി​യ പ്ര​കോ​പ​ന​പ​ര​മാ​യ പ്ര​സം​ഗ​ങ്ങ​ളും അ​ന്ത​രീ​ക്ഷം വ​ഷ​ളാ​ക്കി. ബി​ജെ​പി​യു​ടെ സൈ​ബ​ർ പോ​രാ​ളി​ക​ൾ​ക്കി​ട​യി​ലും താ​ഴെ​ത്ത​ട്ടി​ലെ പ്ര​വ​ർ​ത്ത​ക​ർ​ക്കി​ട​യി​ലും മു​സ്ലിം​വി​രു​ദ്ധ​ത ക​ത്തി​ക്ക​യ​റി. ഈ ​വി​ദ്വേ​ഷ​ത്തി​ന്‍റെ​യെ​ല്ലാം പ്ര​തി​ക​ര​ണ​മാ​ണു ഡ​ൽ​ഹി​യി​ലെ ക​ലാ​പ​ത്തി​ലേ​ക്കു വ​ഴി​തെ​ളി​ച്ച​തെ​ന്നു വ്യ​ക്തം.

ഡ​ൽ​ഹി​യു​ടെ സൂ​ച​ന​ക​ൾ വ​ലി​യ അ​പാ​യ മു​ന്ന​റി​യി​പ്പാ​ണ് ന​ൽ​കു​ന്ന​ത്. രാ​ജ്യ​ത്താ​കെ പ​ര​സ്പ​ര വി​ദ്വേ​ഷം പ​ട​രാ​തെ നോ​ക്കാ​നും സ​മു​ദാ​യ മൈ​ത്രി​യും സൗ​ഹാ​ർ​ദ​വും വ​ള​ർ​ത്താ​ൻ രാ​ജ്യ​ത്തെ രാ​ഷ്‌​ട്രീ​യ, മ​ത സാ​മു​ദാ​യി​ക, സാ​മൂ​ഹ്യ മേ​ഖ​ല​ക​ളി​ലെ നേ​തൃ​ത്വ​ങ്ങ​ൾ വ​ലി​യ​തോ​തി​ലു​ള്ള പ്ര​വ​ർ​ത്ത​ന​ങ്ങ​ൾ ന​ട​ത്തു​ക​യാ​ണ് വേ​ണ്ട ത്. ​പാ​വ​ങ്ങ​ളെ ത​മ്മി​ല​ടി​പ്പി​ച്ചു ചോ​ര കു​ടി​ക്കു​ന്ന ചെ​ന്നാ​യ്ക്ക​ളി​ൽ നി​ന്നു രാ​ജ്യ​ത്തെ ര​ക്ഷി​ക്കാ​ൻ എ​ല്ലാ​വ​രു​ടെ​യും കൂ​ട്ടാ​യ ശ്ര​മ​ങ്ങ​ളാ​ണ് ഉ​ണ്ടാ​കേ​ണ്ടത്.

ജോ​ർ​ജ് ക​ള്ളി​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.