യുഗസഞ്ചാരിയായ അർണോസ് പാതിരി
ഭാ​ര​ത​ത്തി​ലെ ക്രൈ​സ്ത​വ സ​മൂ​ഹ​ത്തെ പ്രോ​ജ്വ​ലി​പ്പി​ച്ച ന​വോ​ത്ഥാ​ന നാ​യ​ക​രി​ൽ എ​ല്ലാ അ​ർ​ഥ​ത്തി​ലും മു​ൻ​നി​ര​യി​ൽ പ്ര​തി​ഷ്ഠി​ക്കേ​ണ്ട നാ​മ​മാ​ണ് ജോ​ണ്‍ ഏ​ണ​സ്റ്റ് ഹാ​ങ്സ്ലേ​ഡ​ൻ എ​ന്ന അ​ർ​ണോ​സ് പാ​തി​രി​യു​ടേ​ത് (1681-1732).

ഭാ​ര​ത​ത്തി​ന്‍റെ ഈ​ടു​വെ​യ്പു​ക​ളാ​യ വേ​ദേ​തി​ഹാ​സ​പു​രാ​ണ​ങ്ങ​ളു​ടെ​യും സം​സ്കൃ​ത​ഭാ​ഷ​യു​ടെ​യും മ​ഹാ​പ്ര​പ​ഞ്ച​ത്തി​ലേ​ക്കു​ള്ള രാ​ജ​വീ​ഥി യൂ​റോ​പ്പി​നു മു​ന്പി​ൽ തു​റ​ന്നി​ട്ട മ​ഹാ​മ​നീ​ഷി​യാ​ണ് അ​ർ​ണോ​സ് പാ​തി​രി. അ​തു​കൊ​ണ്ടാ​ണ് അ​ദ്ദേ​ഹ​ത്തെ ഭാ​ര​ത​സം​സ്കാ​ര​ത്തെ യൂ​റോ​പ്പി​നു പ​ക​ർ​ന്നു ന​ൽ​കി​യ പ്ര​ഥ​മ ഇ​ൻ​ഡോ​ള​ജി​സ്റ്റ് എ​ന്നു വി​ശേ​ഷി​പ്പി​ക്കു​ന്ന​ത്.

അ​ർ​ണോ​സ് പാ​തി​രി​യു​ടെ ഭാ​ര​ത​പ്ര​വേ​ശ​ന​ത്തി​ന്‍റെ 320-ാം വാ​ർ​ഷി​ക​വും അ​ദ്ദേ​ഹ​ത്തി​ന്‍റെ 288-ാം ച​ര​മ​വാ​ർ​ഷി​ക​വു​മാ​ണ് ഇ​പ്പോ​ൾ അ​നു​സ്മ​രി​ക്ക​പ്പെ​ടു​ന്ന​ത്. 1700 ഡി​സം​ബ​ർ 13-നാ​ണ് അ​ദ്ദേ​ഹം ഇ​ന്ത്യ​യി​ൽ എ​ത്തി​ച്ചേ​ർ​ന്ന​ത്. 1732 മാ​ർ​ച്ച് 20-നാ​ണ് അ​ദ്ദേ​ഹ​ത്തി​ന്‍റെ ച​ര​മ​ദി​നം.

ഇ​ന്ത്യ​യി​ലേ​ക്കു ക​ട​ന്നു​വ​ന്ന മി​ഷ​ന​റി​മാ​രി​ൽ ഒ​രു വി​ഭാ​ഗം സ്വ​ന്തം രാ​ജ്യ​ത്തി​ന്‍റെ​യോ മ​ത​ത്തി​ന്‍റെ​യോ വ​ക്താ​ക്ക​ളാ​കു​ന്ന​തി​നു പ​ക​രം ത​ദ്ദേ​ശ​വാ​സി​ക​ളു​ടെ അ​സ്തി​ത്വ​ത്തെ ക​ണ്ട​റി​യു​ന്ന​തി​ൽ ബ​ദ്ധ​ശ്ര​ദ്ധ​രാ​യി​രു​ന്നു. ആ ​നി​ല​യി​ൽ ഏ​റെ മു​ന്പി​ൽ നി​ൽ​ക്കു​ന്ന ജ​ർ​മ​ൻ മി​ഷ​ന​റി​യാ​ണ് ജോ​ണ്‍ ഏ​ണ​സ്റ്റ് ഹാ​ങ്സ്ലേ​ഡ​ൻ. താ​ൻ ഏ​താ​വ​ശ്യ​ത്തി​നു​വേ​ണ്ടി നി​യോ​ഗി​ക്ക​പ്പെ​ട്ടു​വോ ആ ​ല​ക്ഷ്യ​ത്തി​ൽ ഉ​റ​ച്ചു​നി​ന്നു​കൊ​ണ്ടു ത​ന്നെ ത​ദ്ദേ​ശ​വാ​സി​ക​ളു​ടെ സ​ത്ത​യെ തി​രി​ച്ച​റി​യു​ന്ന​തി​നും സ്വാം​ശീ​ക​രി​ക്കു​ന്ന​തി​നും അ​ദ്ദേ​ഹം പ​രി​ശ്ര​മി​ച്ചു. അ​ങ്ങ​നെ ത​ന്‍റേ​താ​യ ഒ​രു ദാ​ർ​ശ​നി​ക ലോ​ക​ക്ര​മ​ത്തെ വാ​ർ​ത്തെ​ടു​ക്കു​ന്ന​തി​ലും അ​ദ്ദേ​ഹം വി​ജ​യി​ച്ചു. അ​തി​നു​ള്ള മു​ന്നൊ​രു​ക്കം എ​ന്ന നി​ല​യി​ലാ​ണ് അ​ദ്ദേ​ഹം ക​ഠി​ന​മാ​യ അ​ഗ്നി​പ​രീ​ക്ഷ​ക​ളി​ലൂ​ടെ സം​സ്കൃ​തം, മ​ല​യാ​ളം എ​ന്നീ ഭാ​ഷ​ക​ളി​ൽ പ്രാ​വീ​ണ്യം നേ​ടി​യ​ത്.

താ​ൻ നേ​ടി​യെ​ടു​ത്ത ഭാ​ഷാ​പാ​ണ്ഡി​ത്യ​ത്തി​ലൂ​ടെ ഭാ​ഷാ​ശാ​സ്ത്ര​ത്തി​നും വൈ​ജ്ഞാ​നി​ക​ശാ​ഖ​യ്ക്കും സാ​ഹി​ത്യ​ത്തി​നും നി​ത്യ​സ്മാ​ര​ക​ങ്ങ​ളാ​കാ​വു​ന്ന നി​ര​വ​ധി കൃ​തി​ക​ൾ ര​ചി​ക്കു​ന്ന​തി​ൽ ബ​ദ്ധ​ശ്ര​ദ്ധ​നാ​യി. പാ​ശ്ചാ​ത്യ വ​രേ​ണ്യ ഭാ​ഷ​ക​ളാ​യി​രു​ന്ന ല​ത്തീ​ൻ, പോ​ർ​ച്ചു​ഗീ​സ്, ജ​ർ​മ​ൻ ഭാ​ഷ​ക​ളി​ൽ ന​ല്ല പ്രാ​വീ​ണ്യ​മു​ണ്ടാ​യി​രു​ന്ന അ​ർ​ണോ​സ് പാ​തി​രി സം​സ്കൃ​ത​ത്തി​ലും മ​ല​യാ​ള​ത്തി​ലു​മാ​ണ് ഗ്ര​ന്ഥ​ങ്ങ​ൾ ര​ചി​ച്ച​ത്. അ​ങ്ങ​നെ ഭാ​ര​ത​സം​സ്കാ​ര​ത്തി​ന്‍റെ ആ​ഴ​ങ്ങ​ളി​ലേ​ക്കു വി​ദേ​ശി​ക​ൾ​ക്കു ക​ട​ന്നു​വ​രാ​നു​ള്ള വ​ഴി​ത്താ​ര​യാ​ണ് അ​ദ്ദേ​ഹം തു​റ​ന്നു​വ​ച്ച​ത്. മ​ല​യാ​ളം- പോ​ർ​ച്ചു​ഗീ​സ് നി​ഘ​ണ്ടു, ഗ്ര​മാ​റ്റി​ക്ക ഗ്ര​ന്ഥോ​ണി​ക്ക, ച​തു​ര​ന്ത്യം, ഉ​മ്മാ​യു​ടെ ദുഃ​ഖം, വ്യാ​കു​ല​പ്ര​ബ​ന്ധം, പു​ത്ത​ൻ​പാ​ന, ജ​നോ​വ​പ​ർ​വം തു​ട​ങ്ങി​യ കൃ​തി​ക​ൾ അ​ർ​ണോ​സി​ന്‍റെ ഭാ​ഷാ​വ്യു​ൽ​പ്പ​ത്തി​ക്കു​ള്ള പ്ര​ത്യ​ക്ഷ ഉ​ദാ​ഹ​ര​ണ​ങ്ങ​ളാ​ണ്.

അ​വ​ർ​ണ​ർ​ക്കു സം​സ്കൃ​ത​വും വേ​ദ​ങ്ങ​ളും പു​രാ​ണ​ങ്ങ​ളും നി​ഷി​ദ്ധ​മാ​യി​രു​ന്ന കാ​ല​ത്താ​ണ് ജോ​ണ്‍ ഏ​ണ​സ്റ്റ് ഹാ​ങ്സ്ലേ​ഡ​ൻ ‘തൃ​ശി​വ​പേ​രൂ​ർ സ​ർ​വ​ക​ലാ​ശാ​ല’ എ​ന്നു വി​ദേ​ശി​ക​ളാ​ൽ പ്ര​കീ​ർ​ത്തി​ക്ക​പ്പെ​ട്ട തൃ​ശൂ​രി​ലെ ബ്ര​ഹ്മ​സ്വം വി​ദ്യാ​പീ​ഠ​ത്തി​ൽ​നി​ന്നു സം​സ്കൃ​ത പാ​ണ്ഡി​ത്യം നേ​ടി​യ​ത്. അ​ന്ന​ത്തെ സാ​മൂ​ഹ്യ​സാ​ഹ​ച​ര്യ​ത്തി​ൽ അ​ർ​ണോ​സ് പാ​തി​രി ഈ ​നേ​ട്ടം കൈ​വ​രി​ക്കു​ന്ന​തി​ൽ കാ​ണി​ച്ച മി​ക​വ് പ​ണ്ഡി​ത​ലോ​ക​ത്തി​നു ഒ​രു സ​മ​സ്യ ത​ന്നെ​യാ​ണ്. പി​ന്നീ​ടു ജ​ർ​മ​നി​യി​ൽ​നി​ന്നു ഭാ​ര​ത​ത്തി​ലേ​ക്കു വ​ന്ന മാ​ക്സ് മു​ള്ള​ർ, ഹെ​ർ​മ​ൻ ഗു​ണ്ട​ർ​ട്ട് തു​ട​ങ്ങി​യ​വ​ർ​ക്ക് ഒ​രു മാ​ർ​ഗ​ദ​ർ​ശി ആ​യി​രു​ന്നു അ​ർ​ണോ​സ് പാ​തി​രി. ജ​ർ​മ​ൻ​കാ​ര​നാ​ണെ​ങ്കി​ലും ക​ർ​മം​കൊ​ണ്ട് മ​ല​യാ​ളി​യാ​യി ത​ന്നെ ജീ​വി​ച്ചു മ​രി​ച്ച വ്യ​ക്തി​യാ​ണ​ദ്ദേ​ഹം.

ഭാ​ര​തീ​യ പു​രാ​ണ ​ഗ്ര​ന്ഥ​ങ്ങ​ളെ​യാ​ണ് അ​ർ​ണോ​സ് പാ​തി​രി സാ​ഹി​ത്യ​ര​ച​ന​യ്ക്കു മാ​തൃ​ക​യാ​യി സ്വീ​ക​രി​ച്ച​ത്. എ​ഴു​ത്ത​ച്ഛ​ന്‍റെ​യും പൂ​ന്താ​ന​ത്തി​ന്‍റെ​യും കൃ​തി​ക​ൾ അ​ദ്ദേ​ഹ​ത്തെ ന​ന്നാ​യി സ്വാ​ധീ​നി​ച്ചി​ട്ടു​ണ്ട്. എ​ന്നാ​ൽ, ക്രൈ​സ്ത​വാ​ധി​ഷ്ഠി​ത​മാ​യ ത​ത്വ​ചി​ന്ത​യും ദ​ർ​ശ​ന​വും ത്രി​ത്വ​ത്തി​ൽ ഉ​റ​പ്പി​ച്ചു​കൊ​ണ്ട് ത​ന​താ​യ ഒ​രു കാ​വ്യ​പാ​ര​ന്പ​ര്യം വി​ക​സി​പ്പി​ക്കു​ന്ന​തി​ൽ മ​ല​യാ​ള സാ​ഹി​ത്യ​ത്തി​ൽ മൂ​ല​ക്ക​ല്ലി​ട്ട പെ​രു​ന്ത​ച്ച​നാ​ണ് അ​ർ​ണോ​സ് പാ​തി​രി. പ​ക്ഷേ, അ​ർ​ണോ​സ് പാ​തി​രി ഒ​രി​ക്ക​ലും താ​ൻ മാ​തൃ​ക​യാ​യി സ്വീ​ക​രി​ച്ച ക​വി​ക​ളു​ടെ പ​ന്ഥാ​വി​ൽ​ത​ന്നെ വ​ട്ടം​ചു​റ്റാ​ന​ല്ല ശ്ര​മി​ച്ച​ത്.


തു​ഞ്ച​ത്താ​ചാ​ര്യ​നും പൂ​ന്താ​ന​വും ചെ​റു​ശേ​രി​യും നി​ര​ണം ക​വി​ക​ളും സൃ​ഷ്ടി​ച്ച പാ​ര​ന്പ​ര്യ വ​ഴി​ക​ളി​ലൂ​ടെ സ​ഞ്ച​രി​ച്ചു ത​ന​താ​യ വ​ഴി​ക​ൾ ഘ​ട​നാ​പ​ര​മാ​യി ക​ണ്ടെ​ത്തു​ന്ന​തി​ൽ അ​ർ​ണോ​സ് പാ​തി​രി വി​ജ​യി​ച്ചു. മ​ല​യാ​ള​ത്തി​ലെ ആ​ദ്യ വി​ലാ​പ​കാ​വ്യ​വും ആ​ദ്യ ഖ​ണ്ഡ​കാ​വ്യ​വും ഭാ​ര​ത-​രാ​മാ​യ​ണേ​ത​ര കാ​വ്യ​സൃ​ഷ്ടി​ക്കും തു​ട​ക്കം കു​റി​ച്ച ക​വി എ​ന്ന നി​ല​യി​ൽ മ​ല​യാ​ള കാ​വ്യ​സാ​ഹി​ത്യ​ച​രി​ത്ര​ത്തി​ൽ ഇ​ടം​പി​ടി​ച്ചി​ട്ടു​ണ്ട്. എ​ന്നാ​ൽ, അ​ർ​ണോ​സ് പാ​തി​രി​യു​ടെ നേ​ട്ട​ങ്ങ​ളെ ത​മ​സ്ക​രി​ക്കാ​നു​ള്ള ബോ​ധ​പൂ​ർ​വ​മാ​യ പ​രി​ശ്ര​മ​ങ്ങ​ളും ധാ​രാ​ള​മാ​യി ന​ട​ന്നി​ട്ടു​ണ്ട്. മ​ല​യാ​ള ക​വി​ത​യു​ടെ ച​രി​ത്രം ര​ചി​ച്ച പ​ല​രും അ​ർ​ണോ​സി​നെ ക​ണ്ടി​ല്ലെ​ന്നു ന​ടി​ച്ചു. എ​ന്നാ​ൽ, വ​ജ്ര​ത്തെ എ​ത്ര​കാ​ലം ചെ​ളി​ക്കു​ഴി​യി​ലോ മു​ൾ​ക്കാ​ട്ടി​ലോ ഒ​ളി​പ്പി​ച്ചു​വ​ച്ചാ​ലും അ​തി​ന്‍റെ തി​ള​ക്ക​ത്തി​നു ഒ​രു മ​ങ്ങ​ലും സം​ഭ​വി​ക്കി​ല്ലെ​ന്ന് ഇ​ക്കൂ​ട്ട​ർ അ​റി​യു​ന്നി​ല്ല.

നി​ഘ​ണ്ടു നി​ർ​മാ​ണ​ത്തി​ലാ​ണ് അ​ദ്ദേ​ഹം ഏ​റെ ശ്ര​ദ്ധ​യും കൃ​ത്യ​ത​യും പു​ല​ർ​ത്തി​യ​ത്. പൂ​ർ​വ​മാ​തൃ​ക​ക​ളൊ​ന്നും ഇ​ല്ലാ​തെ ത​ന്നെ എ​ത്ര ക​ലാ​ത്മ​ക​വും മ​ർ​മ​പ്ര​ധാ​ന​വു​മാ​യി​ട്ടാ​ണ് ത​ന്‍റെ നി​ഘ​ണ്ടു​വി​നെ അ​ദ്ദേ​ഹം രൂ​പ​ക​ല്പ​ന ചെ​യ്ത​ത്. തി​ക​ച്ചും ഭാ​ര​തീ​യ​മാ​യ ഉ​പ​മ​ക​ളും സൂ​ച​ക​ങ്ങ​ളും ക​ഥാ​പാ​ത്ര​ങ്ങ​ളു​മാ​ണ് അ​ദ്ദേ​ഹം സ്വീ​ക​രി​ച്ചി​ട്ടു​ള്ള​ത്. വി​ദേ​ശി​ക​ൾ​ക്കു ഭാ​ര​തീ​യ ഭാ​ഷ​യു​ടെ​യും സാ​ഹി​ത്യ​ത്തി​ന്‍റെ​യും വൈ​ശി​ഷ്ട്യം എ​ന്തെ​ന്നു മ​ന​സി​ലാ​ക്കി​ക്കൊ​ടു​ക്കു​ക ആ​യി​രു​ന്നു അ​ദ്ദേ​ഹ​ത്തി​ന്‍റെ ല​ക്ഷ്യം. പി​ൽ​ക്കാ​ല​ത്ത് ഭാ​ഷാ​പ​ര​മാ​യും സാം​സ്കാ​രി​ക​മാ​യും വി​ദേ​ശ മേ​ൽ​ക്കോ​യ്മ അ​ടി​ച്ചേ​ല്പി​ക്കാ​ൻ ശ്ര​മി​ച്ച വി​ദേ​ശി​ക​ളി​ൽ​നി​ന്നു ജോ​ണ്‍ ഏ​ണ​സ്റ്റ് ഹാ​ങ്സ്ലേ​ഡ​ൻ എ​ത്ര​മാ​ത്രം വ്യ​ത്യ​സ്ത​നാ​കു​ന്നു എ​ന്ന് ഇ​ത് അ​ടി​വ​ര​യി​ട്ടു​റ​പ്പി​ക്കു​ന്നു.

ബൈ​ബി​ളി​ന്‍റെ പു​ന​ർ​വാ​യ​ന​യി​ൽ ത​ന്‍റെ മു​ൻ​ഗാ​മി​ക​ളി​ൽ​നി​ന്നു വ്യ​ത്യ​സ്ത​മാ​യ ഒ​രു വീ​ക്ഷ​ണ​മാ​ണ് അ​ദ്ദേ​ഹം സ്വീ​ക​രി​ച്ച​ത്. ഒ​രു ഹ്യൂ​മ​നി​സ്റ്റ് ദ​ർ​ശ​നം അ​ദ്ദേ​ഹ​ത്തെ ന​യി​ച്ചി​രു​ന്നു. മ​ത​സേ​വ​ന​ത്തി​നു അ​ർ​ണോ​സ് പാ​തി​രി സ്വീ​ക​രി​ച്ച മാ​ർ​ഗം പി​ന്തു​ട​ർ​ന്നി​രു​ന്നു​വെ​ങ്കി​ൽ ക്രൈ​സ്ത​വ സ​മൂ​ഹ​ത്തി​നു ഗ​ണ്യ​മാ​യ പു​രോ​ഗ​തി കൈ​വ​രി​ക്കാ​മാ​യി​രു​ന്നു എ​ന്നു വി​ല​യി​രു​ത്തു​ന്ന​വ​രു​ണ്ട്.

കേ​ര​ള​ത്തി​ലെ ദേ​വാ​ല​യ​നി​ർ​മി​തി​യി​ലും അ​ർ​ണോ​സ് പാ​തി​രി ന​ൽ​കി​യി​ട്ടു​ള്ള സം​ഭാ​വ​ന ഗ​ണ്യ​മാ​ണ്. വേ​ലൂ​രി​ൽ അ​ർ​ണോ​സ് പാ​തി​രി സ്ഥാ​പി​ച്ച ദേ​വാ​ല​യ​ത്തി​ന്‍റെ മാ​തൃ​ക​യി​ൽ നി​ര​വ​ധി ദേ​വാ​ല​യ​ങ്ങ​ൾ കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ർ​മി​ക്ക​പ്പെ​ട്ട​താ​യി ഡോ. ​അ​ല​ക്സാ​ണ്ട​ർ ജേ​ക്ക​ബ് ഐ​പി​എ​സ് രേ​ഖ​പ്പെ​ടു​ത്തി​യി​ട്ടു​ണ്ട്.

പി​ൽ​ക്കാ​ല​ത്ത് വേ​ദ​പു​സ്ത​ക​ത്തി​ന്‍റെ അ​ടി​സ്ഥാ​ന​ത്തി​ൽ ക്രൈ​സ്ത​വ സാ​ഹി​ത്യ​ത്തെ പ​രി​പോ​ഷി​പ്പി​ച്ച ക​വി​ക​ൾ​ക്കെ​ല്ലാം ഉ​ത്തേ​ജ​നം പ​ക​ർ​ന്ന​ത് അ​ർ​ണോ​സ് പാ​തി​രി​യാ​ണ്. മ​ഹാ​ക​വി കെ.​വി. സൈ​മ​ണ്‍, ക​ട്ട​ക്ക​യം ചെ​റി​യാ​ൻ മാ​പ്പി​ള, പി.​സി.​ദേ​വ​സ്യ, സി​സ്റ്റ​ർ മേ​രി ബെ​നീ​ഞ്ഞ, പു​ത്ത​ൻ​കാ​വ് മാ​ത്ത​ൻ ത​ര​ക​ൻ എ​ന്നി​ങ്ങ​നെ എ​ത്ര​യെ​ത്ര ക​വി​ക​ൾ...

ഭാ​ര​ത​ത്തി​ന്‍റെ വൈ​ജ്ഞാ​നി​ക ഖ​നി​ക​ളെ​യും പു​രാ​ണ​ങ്ങ​ളെ​യും സം​സ്കൃ​ത ഭാ​ഷ​യേ​യും സ​മു​ദ്രാ​തി​ർ​ത്തി ക​ട​ത്തി യൂ​റോ​പ്പി​ൽ വ്യാ​പി​പ്പി​ക്കു​ക​യും ന​മ്മു​ടെ ഭാ​ഷ​യ്ക്കും സാ​ഹി​ത്യ​ത്തി​നും സ​മാ​ന​ത​ക​ളി​ല്ലാ​ത്ത സം​ഭാ​വ​ന​ക​ൾ അ​ർ​പ്പി​ച്ച യു​ഗ​സ​ഞ്ചാ​രി​യും ആ​യി​രു​ന്നു അ​ർ​ണോ​സ് പാ​തി​രി എ​ന്നു നി​സം​ശ​യം പ​റ​യാം.


ജോ​ണ്‍ തോ​മ​സ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.