പ്രോ​ട്ടോ​കോ​ൾ അവഗണിക്കു​ന്നു, മ​ഹാ​മാ​രി​യെ ക്ഷ​ണി​ക്കു​ന്നു
ഉള്ളതു പറഞ്ഞാൽ / കെ.ഗോപാലകൃഷ്ണൻ

ക​ഴി​ഞ്ഞ ഏ​ഴു മാ​സ​മാ​യി കോ​വി​ഡ് മ​ഹാ​മാ​രി​ക്കെ​തി​രെ​യു​ള്ള പോ​രാ​ട്ട​ത്തി​ലാ​ണ​ല്ലോ ഇ​ന്ത്യ. രോ​ഗ​വ്യാ​പ​ന​ത്തി​ന്‍റെ തീ​വ്ര​ത കു​റ​യ്ക്കു​ക അ​ല്ലെ​ങ്കി​ൽ രോ​ഗ​പ്പ​ക​ർ​ച്ച ത​ട​യു​ക എ​ന്ന​താ​ണ് പ്ര​ഖ്യാ​പി​ത ല​ക്ഷ്യം. ചു​രു​ക്ക​ത്തി​ൽ, ഇ​ന്ത്യ​യെ കോ​വി​ഡ് മു​ക്ത​മാ​ക്കു​ക എ​ന്ന​തു​ത​ന്നെ. ഇ​തി​നാ​യി മി​ക​ച്ച പ​രി​ശ്ര​മ​ങ്ങ​ളാ​ണ് ന​ട​ത്തു​ന്ന​തെ​ങ്കി​ലും പു​രോ​ഗ​തി തൃ​പ്തി​ക​ര​മ​ല്ല.

ഇ​ന്ത്യ​യു​ടെ സു​ഹൃ​ത്താ​യി ക​ണ​ക്കാ​ക്ക​പ്പെ​ടു​ന്ന അ​മേ​രി​ക്ക​ൻ പ്ര​സി​ഡ​ന്‍റ് ഡോണൾഡ് ട്രം​പ് പോ​ലും ചൈ​ന​യ്ക്കും റ​ഷ്യ​ക്കും ഒ​പ്പം ഇ​ന്ത്യ​യെ​യും വി​മ​ർ​ശി​ച്ചു. തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്‍റെ ഭാ​ഗ​മാ​യി അ​ടു​ത്തി​ടെ ന​ട​ന്ന പ്ര​സി​ഡ​ൻ​ഷ്യ​ൽ ഡി​ബേ​റ്റി​ലാ​യി​രു​ന്നു വി​മ​ർ​ശ​നം. ചൈ​ന, റ​ഷ്യ, ഇ​ന്ത്യ എ​ന്നി​വ​യു​ടെ തെ​റ്റാ​യ സ്ഥി​തി​വി​വ​ര​ക്ക​ണ​ക്കു​ക​ളും അ​ദ്ദേ​ഹം പ​രാ​മ​ർ​ശി​ച്ചു.

”…നി​ങ്ങ​ൾ നി​ശ്ചി​ത എ​ണ്ണ​ത്തെ​ക്കു​റി​ച്ച് പ​റ​യു​മ്പോ​ൾ, ഇ​ന്ത്യ​യി​ൽ എ​ത്ര​പേ​ർ മ​രി​ച്ചു​വെ​ന്ന് നി​ങ്ങ​ൾ​ക്ക​റി​യി​ല്ല. അ​വ​ർ നി​ങ്ങ​ൾ​ക്ക് ശ​രി​യാ​യ മ​ര​ണ​സം​ഖ്യ ന​ൽ​കു​ന്നി​ല്ല… ”. അ​ദ്ദേ​ഹ​മാ​ക​ട്ടെ സ്വ​ന്തം രാ​ജ്യ​ത്ത് പ​ക​ർ​ച്ച​വ്യാ​ധി കൈ​കാ​ര്യം ചെ​യ്യു​ന്ന​തി​നെ​ക്കു​റി​ച്ചു​ള്ള ചോ​ദ്യ​ങ്ങ​ൾ​ക്ക് പ​ല​പ്പോ​ഴും വ്യ​ക്ത​മാ​യ ഉ​ത്ത​ര​ങ്ങ​ളും വി​ശ​ദാം​ശ​ങ്ങ​ളും ന​ൽ​കാ​തെ ഒ​ഴി​ഞ്ഞു​മാ​റു​ക​യാ​ണ് ചെ​യ്യു​ന്ന​ത്.

എ​ന്നാ​ൽ, പ​ല​രും ക​രു​തു​ന്ന​തു​പോ​ലെ കോ​വി​ഡ് 19 നെ ​ഇ​ന്ത്യ ഫ​ല​പ്ര​ദ​മാ​യി കൈ​കാ​ര്യം ചെ​യ്തി​ട്ടി​ല്ലെ​ന്ന​തു ശ​രി​യാ​ണ്. ഇ​ന്ത്യ​യി​ൽ ഫ​ല​പ്ര​ദ​മാ​യ ന​ട​പ​ടി​ക​ൾ സ്വീ​ക​രി​ച്ചി​രു​ന്നെ​ങ്കി​ൽ ചി​ല മ​ര​ണ​ങ്ങ​ളെ​ങ്കി​ലും ഒ​ഴി​വാ​ക്കാ​ൻ ക​ഴി​യു​മാ​യി​രു​ന്നു​വെ​ന്നാ​ണ് പ​ല പ്ര​തി​പ​ക്ഷ പാ​ർ​ട്ടി​ക​ളും കു​റ്റ​പ്പെ​ടു​ത്തു​ന്ന​ത്.

വൈ​കി​യ തു​ട​ക്കം

പ്രാ​ഥ​മി​ക ഘ​ട്ട​ത്തി​ൽ മാ​ര​ക​മാ​യ വൈ​റ​സി​ന്‍റെ ഭ​യാ​ന​ക​മാ​യ ക​ട​ന്നു​വ​ര​വു ത​ട​യു​ന്ന​തി​ന് അ​ധി​കൃ​ത​ർ ഉ​ണ​ർ​ന്നു പ്ര​വ​ർ​ത്തി​ച്ചി​ല്ല എ​ന്ന​താ​ണ് വ​സ്തു​ത. ന​ട​പ​ടി​ക​ൾ ആ​രം​ഭി​ച്ച​പ്പോ​ഴേ​ക്കും രാ​ജ്യ​ത്തി​നു വി​ല​യേ​റി​യ നി​ര​വ​ധി ദി​വ​സ​ങ്ങ​ൾ ന​ഷ്ട​പ്പെ​ട്ടു. മ​റ്റൊ​രു വി​ധ​ത്തി​ൽ പ​റ​ഞ്ഞാ​ൽ, രോ​ഗം പ​ട​രു​ന്ന​തു ത​ട​യു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ തു​ട​ങ്ങി​യ​ത് ഏ​താ​നും ആ​ഴ്ച​ക​ൾ വൈ​കി​യാ​ണ്.

കേ​ര​ള​ത്തി​ന്‍റെ കാ​ര്യ​ത്തി​ൽ സ്ഥി​തി വ്യ​ത്യ​സ്ത​മാ​യി​രു​ന്നു. സം​സ്ഥാ​നം ദ്രു​ത​ഗ​തി​യി​ൽ പ്ര​വ​ർ​ത്തി​ച്ചു. ചി​ല വി​ദേ​ശ രാ​ജ്യ​ങ്ങ​ൾ പോ​ലും സം​സ്ഥാ​ന സ​ർ​ക്കാ​രി​നെ പ്ര​ശം​സി​ച്ചു. എ​ന്നാ​ൽ, പി​ന്നീ​ട് അ​മി​ത ആ​ത്മ​വി​ശ്വാ​സം ഉ​ൾ​പ്പെ​ടെ പ​ല കാ​ര​ണ​ങ്ങ​ളാ​ൽ അ​ലം​ഭാ​വം ഉ​ണ്ടാ​യ​തി​നെ​ത്തു​ട​ർ​ന്ന് പ്ര​തി​രോ​ധ​പ്ര​വ​ർ​ത്ത​ന​ങ്ങ​ൾ വ​ഴു​തി​പ്പോ​യി.

ഇ​തി​നു നി​ര​വ​ധി കാ​ര​ണ​ങ്ങ​ളു​ണ്ട്: ആ​ദ്യ ദി​വ​സ​ങ്ങ​ളി​ൽ വേ​ണ്ട​ത്ര പ​രി​ശോ​ധ​ന ന​ട​ത്തി​യി​ല്ല. രോ​ഗ​വ്യാ​പ​നം ചെ​റു​ക്കു​ന്ന​തി​നു​ള്ള ത​ന്ത്ര​ങ്ങ​ളി​ലും മ​രു​ന്നു​ക​ളു​ടെ ല​ഭ്യ​ത​യി​ലും വ്യ​ക്ത​ത​യു​ണ്ടാ​യി​രു​ന്നി​ല്ല. ആ​രോ​ഗ്യ​പ്ര​വ​ർ​ത്ത​ക​ര​ട​ക്കം ഉ​ദ്യോ​ഗ​സ്ഥ​രെ അ​ണി​നി​ര​ത്തു​ന്ന​തി​ൽ കാ​ല​താ​മ​സ​മു​ണ്ടാ​യി. മാ​സ്ക്, കൈ​യു​റ​ക​ൾ, പ്ര​ത്യേ​ക ആ​ശു​പ​ത്രി​ക​ൾ സ്ഥാ​പി​ക്ക​ൽ തു​ട​ങ്ങി​യ പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ​ക്ക് കൂ​ടു​ത​ൽ സ​മ​യ​മെ​ടു​ത്തു.

പ്രോ​ട്ടോ​കോ​ൾ ലം​ഘ​നം

മി​ക്ക​വാ​റും എ​ല്ലാ പാ​ർ​ട്ടി​ക​ളു​ടെ​യും നേ​താ​ക്ക​ൾ ഉ​ൾ​പ്പെ​ടെ ഉ​ത്ത​ര​വാ​ദി​ത്ത​പ്പെ​ട്ട നി​ര​വ​ധി​പ്പേ​ർ നി​ർ​ദി​ഷ്ട പ്രോ​ട്ടോ​കോൾ പാ​ലി​ക്കു​ന്ന​തി​ൽ പ​രാ​ജ​യ​പ്പെ​ട്ടു. ജ​നാ​ധി​പ​ത്യ​ത്തി​ൽ പ്ര​തി​ഷേ​ധി​ക്കാ​നു​ള്ള അ​വ​കാ​ശം നി​ഷേ​ധി​ക്കാ​ൻ ക​ഴി​യി​ല്ല. എ​ന്നാ​ൽ, പ്രോ​ട്ടോ​കോൾ മാ​നി​ക്കാ​തെ​യു​ള്ള പ്ര​തി​ഷേ​ധ​സ​മ​ര​ങ്ങ​ളി​ൽ പ​ല​രും ആ​വ​ശ്യ​മാ​യ അ​ക​ലം പാ​ലി​ക്കാ​തെ ഒ​ത്തു​കൂ​ടി, ചി​ല​ർ അ​ക്ര​മാ​സ​ക്ത​രാ​യി. റോ​ഡു​ക​ളി​ലും പൊ​തു സ്ഥ​ല​ങ്ങ​ളി​ലും മാ​സ്‌​കു​ക​ൾ ഉ​പ​യോ​ഗി​ക്കു​ന്ന​തി​ൽ ജ​ന​ങ്ങ​ളും പ​രാ​ജ​യ​പ്പെ​ട്ടു.

കോ​വി​ഡ് പ്രോ​ട്ടോ​കോ​ൾ ക​ർ​ശ​ന​മാ​യി ന​ട​പ്പാ​ക്കു​ന്ന​തി​ൽ അ​ധി​കൃ​ത​ർ പ​രാ​ജ​യ​പ്പെ​ട്ടു. ല​ളി​ത​മാ​യി പ​റ​ഞ്ഞാ​ൽ, വൈ​റ​സ് വ്യാ​പ​ന​ത്തി​ന് എ​ല്ലാ​വ​രും സം​ഭാ​വ​ന ന​ൽ​കി.

കോ​വി​ഡി​നു മ​രു​ന്നി​ല്ല എ​ന്ന​തു​കൂ​ടി ഓ​ർ​ക്ക​ണം. ലോ​ക​ത്തെ മി​ക്ക​വാ​റും എ​ല്ലാ വീ​ടു​ക​ളി​ലേ​ക്കും വൈ​റ​സ് എ​ത്തി​ത്തു​ട​ങ്ങു​മ്പോ​ഴും ലോ​കാ​രോ​ഗ്യ സം​ഘ​ട​ന​യ്ക്കു പോ​ലും ഈ ​സാ​ഹ​ച​ര്യ​ത്തെ എ​ങ്ങ​നെ നേ​രി​ടാ​മെ​ന്ന​തി​നെ​ക്കു​റി​ച്ച് ഒ​രു സൂ​ച​ന​യും ന​ൽ​കാ​നാ​വു​ന്നി​ല്ല. ശ​രീ​ര​ത്തി​ന്‍റെ പ്ര​തി​രോ​ധം വ​ർ​ധി​പ്പി​ക്കു​ക എ​ന്ന​താ​ണ് രോ​ഗ​ത്തി​ന്‍റെ വ്യാ​പ​നം ത​ട​യു​ന്ന​തി​നു​ള്ള ഏ​ക​മാ​ർ​ഗം.

നാം ​ഇ​ന്നു രാ​ജ്യ​ത്ത് ഭ​യാ​ന​ക​മാ​യ ഒ​രു സാ​ഹ​ച​ര്യ​ത്തെ​യാ​ണ് അ​ഭി​മു​ഖീ​ക​രി​ക്കു​ന്ന​ത്. ക​ട​ക​ളി​ലും മ​റ്റു പൊ​തു സ്ഥ​ല​ങ്ങ​ളി​ലും ആള​ക​ലം പാ​ലി​ക്കു​ന്നി​ല്ല. ചി​ല ആ​രാ​ധ​നാ​ല​യ​ങ്ങ​ളി​ൽ പോ​ലും പ്രോ​ട്ടോ​കോ​ൾ ലം​ഘി​ക്ക​പ്പെ​ടു​ന്നു. സ​മ്പ​ദ്‌​വ്യ​വ​സ്ഥ​യു​ടെ മാ​ന്ദ്യം അ​തി​ന്‍റെ​താ​യ പ്ര​ശ്‌​ന​ങ്ങ​ൾ സൃ​ഷ്ടി​ക്കു​ന്നു. പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ലും ഏ​താ​നും സം​സ്ഥാ​ന നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ലും വെ​ർ​ച്വ​ൽ പ്ര​ചാ​ര​ണം ക​ർ​ശ​ന​മാ​യി ന​ട​പ്പാ​ക്കാ​ത്ത​ത് ഇ​നി​യും രോ​ഗ​വ്യാ​പ​നം വ​ർ​ധി​ക്കു​മെ​ന്ന ഭീ​ഷ​ണി ഉ​യ​ർ​ത്തു​ന്നു.


ഒ​റ്റ​ക്കെ​ട്ടാ​യി നേ​രി​ട​ണം

യു​ദ്ധ​കാ​ലാ​ടി​സ്ഥാ​ന​ത്തി​ൽ ന​ട​പ​ടി​യെ​ടു​ക്കേ​ണ്ട സാ​ഹ​ച​ര്യ​മാ​ണു സം​ജാ​ത​മാ​യി​രി​ക്കു​ന്ന​ത്. അ​ധി​കാ​രി​ക​ളെ കു​റ്റ​പ്പെ​ടു​ത്തു​ന്ന​തി​ൽ അ​ർ​ഥ​മി​ല്ല. നാം ​പ​ല​തും മ​റ​ന്നും ക്ഷ​മി​ച്ചും നി​ശ്ച​യ​ദാ​ർ​ഢ്യ​ത്തോ​ടെ വൈ​റ​സി​നെ ഒ​റ്റ​ക്കെ​ട്ടാ​യി നേ​രി​ടു​ക​യാ​ണു വേ​ണ്ട​ത്. ഒ​ന്നാ​മ​താ​യി, രാ​ഷ്‌​ട്രീ​യ​ക്കാ​ർ അ​ഭി​പ്രാ​യ​വ്യ​ത്യാ​സ​ങ്ങ​ൾ മാ​റ്റി​വ​ച്ച് ഒ​രു​മി​ച്ചു പ്ര​വ​ർ​ത്തി​ക്ക​ണം. എ​ല്ലാ സാ​മൂ​ഹി​ക, ജീ​വ​കാ​രു​ണ്യ സം​ഘ​ട​ന​ക​ളെ​യും അ​ണി​നി​ര​ത്തി അ​വ​രു​ടേ​താ​യ മേ​ഖ​ല​ക​ളി​ൽ പ​ര​മാ​വ​ധി പ്ര​വ​ർ​ത്തി​ക്കാ​ൻ പ്രേ​രി​പ്പി​ക്ക​ണം. യു​വാ​ക്ക​ളെ​യും പ്ര​ഫ​ഷ​ണ​ൽ സം​ഘ​ട​ന​ക​ളെ​യും അ​വ​ർ​ക്കു സ്വാ​ധീ​ന​മു​ള്ള മേ​ഖ​ല​ക​ളി​ലെ ചു​മ​ത​ല​ക​ൾ ഏ​ൽ​പ്പി​ക്ക​ണം. പ്ര​തി​രോ​ധം വ​ർ​ധി​പ്പി​ക്കു​ന്ന​തി​നു​ള്ള ന​ട​പ​ടി​ക​ൾ ദേ​ശീ​യ ത​ല​ത്തി​ലും സം​സ്ഥാ​ന ത​ല​ങ്ങ​ളി​ലും ത​ന്ത്ര​പ​ര​മാ​യി ആ​സൂ​ത്ര​ണം ചെ​യ്യേ​ണ്ട​തു​ണ്ട്. ഇ​തോ​ടൊ​പ്പം ഓ​രോ പ്ര​ദേ​ശ​ത്തി​ന്‍റെ​യും പ്ര​ശ്ന​ങ്ങ​ൾ തി​രി​ച്ച​റി​യു​ന്ന​തി​നും അ​ധി​കാ​രി​ക​ളു​ടെ സ​ഹാ​യ​ത്തോ​ടെ അ​വ പ​രി​ഹ​രി​ക്കു​ന്ന​തി​നു​മു​ള്ള ത​ന്ത്ര​ങ്ങ​ൾ മെ​ന​യു​ക​യും വേ​ണം.

മാ​സ്കും സാ​നി​റ്റൈ​സ​റും

ഇ​വ ചി​ല ചി​ത​റി​യ ചി​ന്ത​ക​ളാ​ണ്, സ​മ​ഗ്ര​മ​ല്ല. കേ​ന്ദ്ര​വും സം​സ്ഥാ​ന​ങ്ങ​ളും മു​ൻ‌​ഗ​ണ​ന ന​ൽ​കി വേ​ഗ​ത്തി​ൽ പ്ര​വ​ർ​ത്തി​ക്ക​ണം. ഓ​രോ ദി​വ​സ​വും രോ​ഗ​ബാ​ധി​ത​രു​ടെ എ​ണ്ണം കൂ​ടു​ന്ന​തി​നാ​ൽ ഒ​രു ദി​വ​സം പോ​ലും പാ​ഴാ​ക്ക​രു​ത്. ജി​ല്ല തി​രി​ച്ചു​ള്ള പ്ര​വ​ർ​ത്ത​ന​ങ്ങി​ളി​ലൂ​ടെ മു​ന്നോ​ട്ടു​പോ​കാ​ൻ സം​സ്ഥാ​ന​ങ്ങ​ൾ​ക്ക് സ്വ​ത​ന്ത്ര​മാ​യി അ​വ​രു​ടെ ത​ന്ത്ര​ങ്ങ​ളും ന​ട​പ്പാ​ക്കാ​ൻ ക​ഴി​യും. ഓ​രോ പൗ​ര​നെ​യും അ​ണി​നി​ര​ത്തു​ന്ന ഒ​രു പ​ദ്ധ​തി​യാ​യി​രി​ക്കും അ​തെ​ന്ന് ഉ​റ​പ്പാ​ക്കേ​ണ്ട​തു​മു​ണ്ട്.

എ​ന്നി​രു​ന്നാ​ലും, ഉ​ട​ന​ടി വേ​ണ്ട​ത് എ​ല്ലാ വീ​ടു​ക​ളി​ലും സാ​നി​റ്റൈ​സ​റു​ക​ളും മാ​സ്കു​ക​ളും ന​ൽ​കു​ക എ​ന്ന​താ​ണ്. ഓ​രോ സം​സ്ഥാ​ന​ത്തി​നും ഇ​ത് ഏ​റ്റെ​ടു​ക്കാ​വു​ന്ന​താ​ണ്. എ​ല്ലാ​വ​രു​ടെ​യും സ​ഹ​ക​ര​ണം തേ​ടി പ്ര​ത്യേ​ക സം​വി​ധാ​ന​ങ്ങ​ളി​ലൂ​ടെ ഇ​വ വി​ത​ര​ണം ചെ​യ്യ​ണം. സാ​നി​റ്റൈ​സ​റു​ക​ളും മാ​സ്കു​ക​ളും വാ​ങ്ങാ​ൻ ക​ഴി​യാ​ത്ത ധാ​രാ​ളം പേ​രു​ണ്ട്. പ​തി​വാ​യി മാ​റ്റേ​ണ്ട മാ​സ്കു​ക​ൾ അ​ട​ക്കം പ​ല സാ​ധ​ന​ങ്ങ​ളും ആ​വ​ശ്യ​മാ​യ​ത്ര​യും ല​ഭ്യ​മാ​കു​ന്നി​ല്ല. പ​ല മാ​സ്കു​ക​ളും ഒ​റ്റ​ത്ത​വ​ണ മാ​ത്ര​മേ ഉ​പ​യോ​ഗി​ക്കാ​ൻ ക​ഴി​യൂ എ​ന്ന​തി​നാ​ൽ കൂ​ടു​ത​ൽ മാ​സ്കു​ക​ൾ ആ​വ​ശ്യ​മാ​ണ്, ചി​ല​ത് വീ​ണ്ടും ഉ​പ​യോ​ഗി​ക്കാ​ൻ ക​ഴി​യു​ന്ന​താ​ണെ​ങ്കി​ലും ക​ഴു​കി വൃ​ത്തി​യാ​ക്കേ​ണ്ട​തു​ണ്ട്. ഇ​തൊ​രു അ​ടി​യ​ന്ത​ര പ്ര​വ​ർ​ത്ത​ന മേ​ഖ​ല​യാ​ണ്.

ക​ർ​ശ​ന ന​ട​പ​ടി

ര​ണ്ടാ​മ​താ​യി, ഓ​രോ വീ​ട്ടു​കാ​ർ​ക്കും മാ​സ്കു​ക​ൾ ന​ൽ​കി​യ ശേ​ഷം, പൊ​തു​സ്ഥ​ല​ങ്ങ​ളി​ൽ മാ​സ്കു​ക​ൾ ഇ​ല്ലാ​തെ പ്ര​ത്യ​ക്ഷ​പ്പെ​ടു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്ക​ണം. ക​ന​ത്ത പി​ഴ​ക​ൾ മാ​ത്ര​മേ ഫ​ല​പ്ര​ദ​മാ​കൂ. വൈ​റ​സി​ന്‍റെ ച​ങ്ങ​ല​ക്ക​ണ്ണി​ക​ൾ ത​ക​ർ​ക്കാ​ൻ ഈ ​ന​ട​പ​ടി​ക​ൾ ആ​വ​ശ്യ​മാ​ണ്.

പ്ര​തി​രോ​ധ ശേ​ഷി മെ​ച്ച​പ്പെ​ടു​ത്തു​ന്ന​തി​നു​ള്ള പോ​ഷ​കാ​ഹാ​ര​ങ്ങ​ൾ ഓ​രോ കു​ടും​ബ​ത്തി​നും സം​സ്ഥാ​ന സ​ർ​ക്കാ​രു​ക​ൾ ന​ൽ​ക​ണം. പ്ര​തി​സ​ന്ധി​ക​ൾ കൂ​ടി​യി​രി​ക്കു​ന്ന​തി​നാ​ൽ ഇ​ത് അ​ടി​യ​ന്ത​ര ആ​വ​ശ്യ​മാ​ണ്. അ​ത്ത​രം പോ​ഷ​കാ​ഹാ​ര​ങ്ങ​ൾ വാ​ങ്ങാ​ൻ ശേ​ഷി​യി​ല്ലാ​ത്ത ധാ​രാ​ളം പേ​രു​ണ്ട്. ഈ ​മാ​ര​ക​മാ​യ വൈ​റ​സി​നെ ത​ട​യു​ന്ന​തു​വ​രെ മു​ഴു​വ​ൻ ജ​ന​ങ്ങ​ൾ​ക്കും ഇ​വ ന​ൽ​കു​ന്ന​തി​ന് വി​ഭ​വ​സ​മാ​ഹ​ര​ണം ന​ട​ക്കേ​ണ്ട​തു​ണ്ട്.

വൈ​റ​സി​നെ​തി​രെ​യു​ള്ള പോ​രാ​ട്ട​ത്തി​ൽ ഒ​ന്നി​ച്ച​ണി​നി​ര​ക്കു​ന്ന​തി​നാ​യി അ​ഭി​പ്രാ​യ വ്യ​ത്യാ​സ​ങ്ങ​ൾ​ക്കും എ​തി​ർ​പ്പു​ക​ൾ​ക്കു​മെ​തി​രെ റോ​ഡു​ക​ളി​ലും പൊ​തു സ്ഥ​ല​ങ്ങ​ളി​ലും പ്ര​ക​ട​ന​ങ്ങ​ൾ ന​ട​ത്തി പോ​രാ​ടു​ന്ന​തി​ന് അ​വ​ധി ന​ൽ​കു​ക എ​ന്ന​താ​ണ് പ്രാ​ഥ​മി​ക​മാ​യി ചെ​യ്യേ​ണ്ട​ത്.

റേ​റ്റിം​ഗ് ഉ​യ​ർ​ത്താ​നു​ള്ള ടി​ആ​ർ​പി പോ​രാ​ട്ട​ങ്ങ​ളി​ൽ​നി​ന്നു വി​ട്ടു​നി​ന്ന് ഓ​രോ ജി​ല്ല​യി​ലെ​യും കോ​വി​ഡ് പ്ര​ശ്ന​ങ്ങ​ൾ വി​ദ​ഗ്ധ​രു​മാ​യി ച​ർ​ച്ച ചെ​യ്യാ​നും പ്രതി​രോ​ധ​മാ​ർ​ഗ​ങ്ങ​ൾ ക​ണ്ടെ​ത്താ​നു​മു​ള്ള പ​രി​ശ്ര​മ​ങ്ങ​ളി​ൽ മു​ഴു​കാ​ൻ മാ​ധ്യ​മ​ങ്ങ​ളെ​യും ഉ​പ​ദേ​ശി​ക്ക​ണം. ര​ണ്ടാ​ഴ്ച​യ്ക്കു​ള്ളി​ൽ ആ​ശു​പ​ത്രി​ക​ളി​ലേ​ക്കു​ള്ള കോ​വി​ഡ് ബാ​ധി​ത​രു​ടെ വ​ര​വ് കു​റ​യ്ക്കാ​ൻ ഈ ​ന​ട​പ​ടി​ക​ൾ​ക്കു ക​ഴി​യും. ആ​ശു​പ​ത്രി​ക​ളു​ടെ​യും ആ​രോ​ഗ്യ​പ്ര​വ​ർ​ത്ത​ക​രു​ടെ​യും മ​റ്റ് ഉ​ദ്യോ​ഗ​സ്ഥ​രു​ടെ​യും സ​മ്മ​ർ​ദം കു​റ​യു​ക​യും ചെ​യ്യും.

എ​ല്ലാ​റ്റി​നു​മു​പ​രി​യാ​യി, എ​ല്ലാ​വ​രും കോ​വി​ഡി​നൊ​പ്പം ജീ​വി​ക്കാ​ൻ പ​ഠി​ക്ക​ണം. ഫ​ല​പ്ര​ദ​മാ​യ മ​രു​ന്ന് ക​ണ്ടെ​ത്തു​ന്ന​തു​വ​രെ ജ​ന​ങ്ങ​ൾ അ​ച്ച​ട​ക്ക​ത്തോ​ടെ ജീ​വി​ക്ക​ണം. സ്ഥി​തി അ​പ​ക​ട​ക​ര​മാ​ണ്. പ്രോ​ട്ടോ​കോ​ൾ അ​വ​ഗ​ണി​ക്കു​ന്ന​ത് സ്വ​ന്തം വീ​ട്ടി​ലേ​ക്ക് വൈ​റ​സി​നെ ക്ഷ​ണി​ച്ചു​വ​രു​ത്ത​ലാ​കും!

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.