ക്രൈസ്തവർ എ​ന്തു​കൊ​ണ്ട് ആ​ക്ര​മി​ക്ക​പ്പെ​ടു​ന്നു?
നി​യ​മം​കൊ​ണ്ടു സ​ർ​ക്കാ​രും കൈ​യൂ​ക്കു​കൊ​ണ്ട് ആ​ൾ​ക്കൂ​ട്ട​വും വി​ദ്വേ​ഷ​പ്ര​സം​ഗ​ങ്ങ​ൾ​കൊ​ണ്ടു തീ​വ്ര ഹി​ന്ദു​ത്വ പ്ര​ചാ​ര​ക​രും ക്രൈസ്തവരെ പീ​ഡി​പ്പി​ക്കു​ന്നു. 1998 മു​ത​ൽ ക്രൈ​സ്ത​വ​ർ​ക്കെ​തിരേ സം​ഘ​ടി​ത ആ​ക്ര​മ​ണ​ങ്ങ​ൾ ഉ​ണ്ടാ​കു​ന്ന​താ​യി മ​നു​ഷ്യാ​വ​കാ​ശ സം​ഘ​ട​ന​ക​ൾ റി​പ്പോ​ർ​ട്ടു​ചെ​യ്യു​ന്നു. 2016-ൽ 330, 2017-​ൽ 440, 2018-ൽ 478, 2019-​ൽ 570 എ​ന്നീ ക്ര​മ​ത്തി​ൽ ക്രൈ​സ്ത​വ​ർ​ക്കെ​തി​രേ ആ​ക്ര​മ​ണ​ങ്ങ​ളു​ണ്ടാ​യി.

2021 ഡി​സം​ബ​ർ 23നു ക​ർ​ണാ​ട​ക നി​യ​മ​സ​ഭ​യി​ൽ മ​ത​പ​രി​വ​ർ​ത്ത​നം ത​ട​യാ​ൻ ബി​ൽ പാ​സാ​ക്കി. മ​ത​പ​രി​വ​ർ​ത്ത​നം നി​യ​മ​വി​രു​ദ്ധ​മാ​യി പ്ര​ഖ്യാ​പി​ക്ക​പ്പെ​ട്ടാ​ൽ അ​തി​ന്‍റെ മ​റ​വി​ൽ ക്രൈ​സ്ത​വ​ർ​ക്കെ​തി​രേ കേസെടു​ക്കാ​ൻ സാ​ധി​ക്കും. കേ​സ് തെ​ളി​യി​ക്ക​പ്പെ​ട്ടാ​ൽ അ​ഞ്ചു​വ​ർ​ഷം ത​ട​വും 25,000 രൂ​പ പി​ഴ​യു​മാ​ണു ശി​ക്ഷ. മ​ത​പ​രി​വ​ർ​ത്ത​ന​ത്തി​നു വി​ധേ​യ​രാ​കു​ന്ന​വ​ർ പ്രാ​യ​പൂ​ർ​ത്തി​യാ​കാ​ത്ത​വ​രാ​ണെ​ങ്കി​ൽ ശി​ക്ഷ ഇ​ര​ട്ടി​യാ​കും.

ക്രി​സ്മ​സ് കാ​ല​ത്തു ക​ർ​ണാ​ട​ക സ​ർ​ക്കാ​ർ ഹേ​റോ​ദേ​സി​നെ​പ്പോ​ലെ പെ​രു​മാ​റി​യെ​ന്നു ക​ർ​ണാ​ട​ക​യി​ലെ ക്രൈ​സ്ത​വ നേ​തൃ​ത്വം പ്ര​തി​ക​രി​ച്ചു. യേ​ശു​വി​ന്‍റെ ജ​ന​ന​ത്തി​ൽ അ​സ്വ​സ്ഥ​നാ​യി​ത്തീ​ർ​ന്ന ഹേ​റോ​ദേ​സ് യേ​ശു​വി​നെ വ​ക​വ​രു​ത്താ​ൻ നാ​ട്ടി​ൽ വ്യാ​പ​ക​മാ​യി ശി​ശു​വ​ധം ന​ട​ത്തി​യ​തു​പോ​ലെ ക്രൈ​സ്ത​വ​രെ വേ​ട്ട​യാ​ടാ​ൻ സ​ർ​ക്കാ​ർ നേ​തൃ​ത്വം വ​ഹി​ക്കു​ന്നു​വെ​ന്നാ​ണ് ആ​ക്ഷേ​പം.

രാ​ജ്യ​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക്രി​സ്മ​സ് ആ​ഘോ​ഷം ത​ട​സ​പ്പെ​ടു​ത്താ​ൻ ആ​സൂ​ത്രി​ത ആ​ക്ര​മ​ണ​ങ്ങ​ൾ ന​ട​ന്നു. ഉ​ത്ത​ർ​പ്ര​ദേ​ശി​ലെ ആ​ഗ്ര​യി​ൽ സം​ഘ​പ​രി​വാ​ർ ശ​ക്തി​ക​ൾ സാ​ന്താ​ക്ലോ​സി​ന്‍റെ കോ​ലം ക​ത്തി​ച്ചു. വാ​ര​ണാ​സി​യി​ലെ മ​ത്രി​ധാം ആ​ശ്ര​മ​ത്തി​നു മു​ന്നി​ൽ പ​ള്ളി​ക്കെ​തി​രേ മു​ദ്രാ​വാ​ക്യ​ങ്ങ​ൾ വി​ളി​ച്ചു പ്ര​തി​ഷേ​ധി​ച്ചു. ഹ​രി​യാ​ന​യി​ലെ ക്രൈ​സ്ത​വ സ്കൂ​ളു​ക​ളി​ൽ ക്രി​സ്മ​സ് ആ​ഘോ​ഷ​ത്തി​നെ​തിരേ ജ​യ് ശ്രീ​റാം വി​ളി​ച്ചു പ്ര​ശ്ന​ങ്ങ​ളു​ണ്ടാ​ക്കി. ഹ​രി​യാ​ന​യി​ലെ​ത​ന്നെ കു​രു​ക്ഷേ​ത്ര​യി​ൽ ക്രി​സ്മ​സ് ആ​ഘോ​ഷ​ത്തി​നാ​യി ഒ​രു​ക്കി​യ വേ​ദി​യി​ൽ ക​യ​റി ഹ​നു​മാ​ൻ കീ​ർ​ത്ത​നം ചൊ​ല്ലി. അം​ബാ​ല​യി​ൽ ക്രി​സ്തു​വി​ന്‍റെ പ്ര​തി​മ ത​ക​ർ​ത്തു. ഗു​രു​ഗ്രാ​മി​ൽ ക്രി​സ്മ​സ് ആ​ഘോ​ഷം ന​ട​ന്ന പ​ള്ളി അ​ക്ര​മി​ക​ൾ അ​ടി​ച്ചു​ത​ക​ർ​ത്തു. ആസാമി​ലെ സി​ൽ​ച്ചാ​ർ പ​ള്ളി​യി​ലേ​ക്ക് അ​ക്ര​മി​ക​ൾ ഇ​ര​ച്ചു​ക​യ​റി ച​ട​ങ്ങു​ക​ൾ അ​ല​ങ്കോ​ല​മാ​ക്കി. ക​ർ​ണാ​ട​ക​യി​ലെ മാ​ണ്ഡ്യയി​ലു​ള്ള നി​ർ​മ​ല സ്കൂ​ളി​ൽ ക്രി​സ്മ​സ് ആ​ഘോ​ഷം ത​ട​സ​പ്പെ​ടു​ത്തി.

ക്രൈസ്തവർ വ്യാ​പ​ക​മാ​യി മ​ത​പ​രി​വ​ർ​ത്ത​നം ന​ട​ത്തു​ന്നു​വെ​ന്ന ആ​രോ​പ​ണം വ​സ്തു​താ​വി​രു​ദ്ധ​മാ​ണ്. 1971-ലെ ​ക​ണ​ക്കു​പ്ര​കാ​രം ക്രൈ​സ്ത​വ​രു​ടെ ജ​ന​സം​ഖ്യ 2.53 ശ​ത​മാ​ന​മാ​യി​രു​ന്നു. 1991-ൽ ​അ​ത് 2.43 ശ​ത​മാ​ന​വും 2011-ൽ 2.3 ​ശ​ത​മാ​ന​വു​മാ​ണ്. 16,000ല​ധി​കം വൈ​ദി​ക​രും 50,000ല​ധി​കം സി​സ്റ്റേ​ഴ്സും ആ​യി​ര​ക്ക​ണ​ക്കി​നു കോ​ള​ജു​ക​ളും പ​തി​നാ​യി​ര​ക്ക​ണ​ക്കി​നു സ്കൂ​ളു​ക​ളും ആ​ശു​പ​ത്രി​ക​ളും ആ​തു​രാ​ല​യ​ങ്ങ​ളു​മു​ള്ള ക​ത്തോ​ലി​ക്കാ സ​ഭ വ്യാ​പ​ക​മാ​യി മ​ത​പ​രി​വ​ർ​ത്ത​നം ന​ട​ത്തി​യി​രു​ന്നെ​ങ്കി​ൽ ക്രൈ​സ്ത​വ​രു​ടെ സം​ഖ്യ ഗ​ണ്യ​മാ​യി ഉ​യ​രേ​ണ്ടി​യി​രു​ന്നി​ല്ലേ?

മ​ത​പ​രി​വ​ർ​ത്ത​ന നി​യ​മം ഭ​ര​ണ​ഘ​ട​ന​യു​ടെ 25-ാം അ​നുഛേ​ദ​ത്തി​നു വി​രു​ദ്ധ​മാ​ണ്. വി​ശ്വ​സി​ക്കാ​നും വി​ശ്വാ​സമനുസരിച്ചു ജീവിക്കാനും പ്ര​ച​രി​പ്പി​ക്കാ​നു​മു​ള്ള അ​വ​കാ​ശം ഭ​ര​ണ​ഘ​ട​ന ഉ​റ​പ്പു​വ​രു​ത്തു​ന്നു. വി​ശ്വാ​സം മാ​റാ​നു​ള്ള അ​വ​കാ​ശ​വും വി​ശ്വാ​സം ഉ​പേ​ക്ഷി​ക്കു​ന്ന​തി​നു​ള്ള അ​വ​കാ​ശ​വും ഭ​ര​ണ​ഘ​ട​നാ​ദ​ത്ത​മാ​ണ്. അ​തു​കൊ​ണ്ടു സ്വ​മ​ന​സാ​ലേ മ​തം മാ​റാ​നു​ള്ള ഒ​രു​വ​ന്‍റെ അ​വ​കാ​ശ​ത്തെ നി​യ​മം​മൂ​ലം ത​ട​യാ​നാ​കി​ല്ല.

ക്രൈ​സ്ത​വ മി​ഷ​ന​റി​മാ​ർ പ്ര​വ​ർ​ത്തി​ക്കു​ന്ന​ത് അ​സം​ഘ​ടി​ത​രും ചൂ​ഷി​ത​രും പാ​വ​പ്പെ​ട്ട​വ​രു​മാ​യ ഗ്രാ​മീ​ണ​ർ​ക്കി​ട​യി​ലാ​ണ്. ആ​ദി​വാ​സി​ക​ൾ, പ​ട്ടി​ക​ജാ​തി പ​ട്ടി​ക​വ​ർ​ഗ​ക്കാ​ർ, കീ​ഴ്ജാ​തി​ക്കാ​ർ തു​ട​ങ്ങി​യ​വ​രെ സ​മൂ​ഹ​ത്തി​ന്‍റെ മു​ഖ്യ​ധാ​ര​യി​ലേ​ക്കു കൊ​ണ്ടു​വ​രാ​നാ​ണു മി​ഷ​ന​റി​മാ​രു​ടെ ശ്ര​മം. അ​വ​രെ മ​തം​മാ​റ്റാ​ന​ല്ല മ​നു​ഷ്യ​രാ​ക്കാ​നാ​ണ് മി​ഷ​ന​റി​മാ​ർ യ​ത്നി​ക്കു​ന്ന​ത്. മ​ത​പ​രി​വ​ർ​ത്ത​ന നി​യ​മം വ​ന്നാ​ൽ ഭ​ക്ഷ​ണം കൊ​ടു​ക്കു​ന്ന​തും മ​രു​ന്നു ന​ൽ​കു​ന്ന​തും വി​ദ്യാ​ഭ്യാ​സം ന​ൽ​കു​ന്ന​തും അ​വ​രു​ടെ അ​ടി​സ്ഥാ​ന​സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തു​മെ​ല്ലാം മ​ത​പ​രി​വ​ർ​ത്ത​നം ല​ക്ഷ്യം​വ​ച്ചാ​ണെ​ന്ന് ആ​ക്ഷേ​പി​ച്ചു കേ​സെ​ടു​ക്കു​ന്ന സാ​ഹ​ച​ര്യ​മു​ണ്ടാ​കാം.

ഹൈ​ന്ദ​വ​ർ പൊ​തു​വേ സ​മാ​ധാ​ന​കാം​ക്ഷി​ക​ളും മ​ത​സ​ഹി​ഷ്ണു​ത​യു​ള്ള​വ​രും എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന​വ​രു​മാ​ണ്. ഹി​ന്ദു​ത്വ​വാ​ദി​ക​ളാ​യ സം​ഘ​പ​രി​വാ​ർ ശ​ക്തി​ക​ളാ​ണു രാ​ഷ്‌ട്രീയ നേ​ട്ട​ങ്ങ​ൾ​ക്കു​വേ​ണ്ടി മ​ത​സ്പ​ർ​ധ പ്ര​ച​രി​പ്പി​ക്കു​ന്ന​ത്. സം​ഘ​പ​രി​വാ​ർ പ്ര​ത്യ​യ​ശാ​സ്ത്ര​ത്തി​നു വി​ത്തു​പാ​കി​യ​തു വി.​ഡി. സ​വ​ർ​ക്ക​ർ ആ​ണ്. ആ​ർ​എ​സ്എ​സി​ന്‍റെ മ​ത​മൗ​ലി​കരാഷ്‌ട്ര പ്ര​ത്യ​യ​ശാ​സ്ത്രം രൂ​പീ​ക​രി​ക്ക​പ്പെ​ട്ട​ത് ഇ​തി​ന്‍റെ ചു​വ​ടു​പി​ടി​ച്ചാ​ണ്. ഹി​ന്ദു​ത്വ ആ​ശ​യ​ത്തെ ദേ​ശ​സ്നേ​ഹ​ത്തി​ന്‍റെ വ​ർ​ണ​ക്കു​പ്പാ​യം പു​ത​പ്പി​ച്ച് അ​വ​ത​രി​പ്പി​ക്കു​ന്ന​തി​ൽ സം​ഘ​പ​രി​വാ​ർ ശ​ക്തി​ക​ൾ വി​ജ​യി​ച്ചു. സ​വ​ർ​ക്ക​റെ പി​ന്തു​ട​ർ​ന്ന് ആ​ർ​എ​സ്എ​സി​ന്‍റെ ഹി​ന്ദു​രാ​ഷ്‌ട്രവാ​ദ​ത്തി​ന് അ​ടി​ത്ത​റ വി​ക​സി​പ്പി​ച്ച​ത് ഗോ​ൾ​വാ​ർ​ക്ക​ർ ആ​ണ്. ഇ​ന്ത്യ ഹി​ന്ദു​ക്ക​ൾ​ക്കു മാ​ത്ര​മു​ള്ള​താ​ണ്, മുസ്‌ലിംക​ളും ക്രി​സ്ത്യാ​നി​ക​ളും ക​മ്യൂ​ണി​സ്റ്റു​കാ​രും ആ​ഭ്യ​ന്ത​ര ശ​ത്രു​ക്ക​ളും ഭീ​ഷ​ണി​ക​ളു​മാ​ണ്, ജ​നാ​ധി​പ​ത്യ സം​വി​ധാ​നം പാ​ശ്ചാ​ത്യ ഉ​ത്പ​ന്ന​മാ​ണ് തു​ട​ങ്ങി​യ തെ​റ്റാ​യ ആ​ശ​യ​ങ്ങ​ൾ പ്ര​ച​രി​പ്പി​ച്ചാ​ണ് ഭൂ​രി​പ​ക്ഷ വ​ർ​ഗീ​യ​ത വ​ള​ർ​ത്തു​ന്ന​ത്. ഭ​ര​ണ​ഘ​ട​ന​യു​ടെ കാ​വ​ൽ​ക്കാ​രാ​യ ഭ​ര​ണ​കൂ​ട​ങ്ങ​ൾ ഉ​ണ​ർ​ന്നു പ്ര​വ​ർ​ത്തി​ച്ചി​ല്ലെ​ങ്കി​ൽ ന്യൂ​ന​പ​ക്ഷ​ങ്ങ​ൾ​ക്കു നി​ല​നി​ൽ​പു​ണ്ടാ​വി​ല്ല.

അയലാളൻ / പിന്നുര

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.