മനുഷ്യരുടെ ശാസ്ത്രമുന്നേറ്റത്തിന്‍റെ അഭിമാനം, വോയേജർ ചരിത്രത്തിലേക്ക്! ഒരു പക്ഷേ തിരുത്താനാകാത്ത നേട്ടം! മനുഷ്യനിർമിതകളിൽ ഭൂ​മി​യി​ൽനി​ന്ന് ഏ​റ്റ​വും അകലെയുള്ള ബഹിരാകാശ പേടകം, 'വോ​യേ​ജ​ർ 1' ​ റിക്കാർഡ് കുറിക്കുകയാണ്! സൗ​രൂ​ഥ​ത്തി​ന്‍റെ അ​തിരുകൾ ക​ട​ന്നു സ​ഞ്ച​രി​ക്കു​ന്ന വോയേജർ ഭൂ​മി​യി​ൽനി​ന്ന് 'വൺ ലൈറ്റ് ഡേ' അ​ക​ലെ​യെ​ന്ന നി​ർ​ണാ​യ​ക ദൂ​ര​പ​രി​ധി​യി​യിൽ എത്തും, ദിവസങ്ങൾക്കുള്ളിൽ,

ന​വം​ബ​ർ 18-ന് ​പു​ല​ർ​ച്ചെ അഞ്ചുകഴിയുന്നതോടെ, 'വോ​യേ​ജ​ർ 1' ഭൂ​മി​യി​ൽനി​ന്ന് ഏ​ക​ദേ​ശം 2,590 കോ​ടിയിലേറെ കി​ലോ​മീ​റ്റ​ർ അകലെയായിരിക്കും! അ​താ​യ​ത് പ്ര​കാ​ശം ഇരുപത്തിനാല് മ​ണി​ക്കൂ​ർ കൊ​ണ്ടു സ​ഞ്ച​രി​ക്കു​ന്ന ദൂ​രം (സൂ​ര്യ​നി​ൽനി​ന്നു​ള്ള പ്ര​കാ​ശം ഭൂ​മി​യി​ലെ​ത്താ​ൻ വെ​റും എ​ട്ടു മി​നി​റ്റി​ൽ താ​ഴെ മാ​ത്ര​മാ​ണെടുക്കുന്നതെന്ന് ഓർക്കുക).

1977-ൽ ​ഫ്ളോ​റി​ഡ​യിൽനിന്നായിരുന്നു വോ​യേ​ജ​ർ 1, വോ​യേ​ജ​ർ 2 പേ​ട​ക​ങ്ങ​ളുടെ വി​ക്ഷേ​പണം. സൗ​രയൂഥ​ത്തി​ലെ ഗ്ര​ഹ​ങ്ങ​ളെ നിരീക്ഷിക്കുകയായിരുന്നു ലക്ഷ്യം. പ്രാ​രം​ഭദൗ​ത്യ​ങ്ങ​ൾ വി​ജ​യ​ക​ര​മാ​യി പൂ​ർ​ത്തി​യാ​ക്കി ദ​ശാ​ബ്ദ​ങ്ങ​ൾ ക​ഴി​ഞ്ഞി​ട്ടും ബ​ഹി​രാ​കാ​ശ​ത്തി​ന്‍റെ അ​ന​ന്ത​ത​യി​ലേ​ക്കു കു​തി​പ്പുതു​ട​ർന്നുകൊണ്ടേ‍യിരിക്കു​ക​യാ​ണു പേടകം.

വോയേജർ ​ദൂ​ര​പ​രി​ധി മറിക​ട​ക്കു​മ്പോ​ൾ പ്ര​ത്യേ​കിച്ചൊന്നും സംഭവിക്കില്ലെന്നു ബഹിരാകാശ ഗവേഷകർ പറഞ്ഞു. ശാ​സ്ത്രലോ​ക​ത്തെ സം​ബ​ന്ധി​ച്ചി​ട​ത്തോ​ളം ഇ​തൊ​രു വ​ലി​യ നേ​ട്ട​മാ​ണെന്നു മാത്രം. വോയേജർ വി​ക്ഷേ​പി​ക്കുന്പോൾ, പ​ത്തോ​ളം ഉ​പ​ക​ര​ണ​ങ്ങ​ൾ ഘടിപ്പിച്ചിരുന്നു. ഇപ്പോൾ മാ​ഗ്‌ന​റ്റോ​മീ​റ്റ​ർ, പ്ലാ​സ്മാ വേ​വ് സ​ബ്സി​സ്റ്റം എ​ന്നീ ര​ണ്ടു ഉ​പ​ക​ര​ണ​ങ്ങ​ൾ മാ​ത്ര​മാ​ണു പ്ര​വ​ർ​ത്തസജ്ജമായിട്ടുള്ളത്. ​നാസ​യു​ടെ ഡീ​പ് സ്പേ​സ് നെ​റ്റ്‌​വ​ർ​ക്ക് മുഖേന‍യാണ് ഗവേഷകർ വോയേജ​റു​മാ​യി ബന്ധപ്പെടുന്നത്. പ്രകാശവേഗതയിലാണ് റേ​ഡി​യോ ത​രം​ഗ​ങ്ങ​ളുടെ സഞ്ചാരം. 'വൺ ലൈറ്റ് ഡേ' അകലെയുള്ള വോയേജറിലേക്ക് സന്ദേശം അയച്ചാൽ അവിടെയെത്താൻ ഇരുപത്തിനാലു മ​ണി​ക്കൂ​റെടുക്കും. വോയേജറിൽനിന്നുള്ള സന്ദേശം ഭൂമിയിലെത്താനും അത്രതന്നെ സമയം വേണ്ടിവരും. അതായത്, ആശയവിനിമയത്തിനു രണ്ടു ദിവസം വേണ്ടിവരും!

ലഘുവായ സാ​ങ്കേ​തി​ക പ്രശ്നങ്ങൾ സംഭവിക്കാറുണ്ടെങ്കിലും ശാ​സ്ത്ര​ജ്ഞ​രു​ടെ നി​ര​ന്ത​ര​ പരിശ്രമം പേടകത്തെ ഇപ്പോഴും സജീവമായി നിലനിർത്തുന്നു. ഭൂ​മി​യി​ലെ ജീ​വ​ന്‍റെ ശ​ബ്ദ​ങ്ങ​ളും ദൃ​ശ്യ​ങ്ങ​ളും അ​ട​ങ്ങി​യ 'ഗോ​ൾ​ഡ​ൻ ​റിക്കോ​ർ​ഡും' പേ​റി ബ​ഹി​രാ​കാ​ശനി​ഗൂ​ഢ​ത​ക​ളി​ലേ​ക്കു സഞ്ചാരം തുടരുകയാണ് വോയേജർ! മ​നു​ഷ്യരുടെ ശാ​സ്ത്രീ​യമു​ന്നേ​റ്റ​ങ്ങ​ളു​ടെ എ​ക്കാ​ല​ത്തെ​യും പ്രോജ്വലമായ സഞ്ചരിക്കുന്നസ്മാ​ര​കം!

Tags : Voyager1 International Nasa SpaceScience InterstellarSpace Onelightday DeepSpaceNetwork