പിടിയിലായ പ്രതികൾ
പത്തനംതിട്ട: റാന്നിയിൽ കവർച്ച ലക്ഷ്യമിട്ടെത്തിയ തമിഴ്നാട് സ്വദേശിനികളായ മോഷ്ടാക്കൾ പിടിയിൽ. കോയമ്പത്തൂർ സ്വദേശി പാർവതി, തൂത്തുക്കുടി അണ്ണാനഗർ സ്വദേശി ഗീത എന്നിവരാണ് പിടിയിലായത്. ഇന്ന് ഉച്ചയ്ക്ക് 12:30 ഓടെയാണ് സംഭവം.
കോഴഞ്ചേരിയിൽ നിന്ന് റാന്നിയിലേക്ക് സർവീസ് നടത്തിയിരുന്ന സ്വകാര്യ ബസിൽ കയറിയ രണ്ടു യുവതികൾ ബസിൽ വച്ച് വസ്ത്രം മാറുന്നത് ജീവനക്കാരുടെ ശ്രദ്ധയിൽപ്പെട്ടു. സംശയം തോന്നിയ ജീവനക്കാർ റാന്നി സ്പെഷ്യൽ ബ്രാഞ്ച് ഉദ്യോഗസ്ഥൻ ഷിന്റോയെ വിവരം അറിയിച്ചു.
ഇതേതുടർന്ന് റാന്നി പൊലിസ് സ്റ്റേഷന് മുന്നിലെത്തിയ ബസ് ഉദ്യോഗസ്ഥർ തടഞ്ഞുനിർത്തി ഇരുവരെയും കസ്റ്റഡിയിലെടുത്തു. വനിതാ പൊലിസ് നടത്തിയ പരിശോധനയിൽ ഒരാളുടെ അടിവസ്ത്രത്തിനുള്ളിൽ ഒളിപ്പിച്ച നിലയിൽ 21,000 രൂപ കണ്ടെത്തി.
ശബരിമല തീർഥാടകരെ ലക്ഷ്യമിട്ടാണ് ഇരുവരും മോഷണത്തിനെത്തിയതെന്നാണ് പൊലിസ് സംശയിക്കുന്നത്. വിവിധ മോഷണക്കേസുകളിൽ പ്രതികളാണ് ഇരുവരുമെന്ന് പൊലിസ് വ്യക്തമാക്കി. ഇരുവരും വിവിധ സ്ഥലങ്ങളിലായി പത്തോളം മോഷണക്കേസുകളിൽ പ്രതികളാണ്. അറസ്റ്റ് രേഖപ്പെടുത്തി റിമാൻഡ് അപേക്ഷ സഹിതം കോടതിയിൽ ഹാജരാക്കുമെന്ന് പൊലിസ് അറിയിച്ചു.
Tags : Ranni Crime Police Investigation CaseFile FIR