പിണറായി വിജയൻ
പാലക്കാട്: യുഡിഎഫ് സർക്കാരിനെതിരെ അതിരൂക്ഷ വിമർശനവുമായി പ്രതിപക്ഷ നേതാവ് പിണറായി വിജയൻ. യുവമോർച്ചക്കാരോടും എബിവിപിക്കാരോടും ചോദിച്ചാൽ കേരളത്തിൽ തങ്ങളുടെ ഭരണമാണെന്ന് പറയുമെന്ന് പിണറായി ആരോപിച്ചു.
വന്ദേമാതരം വിഷയത്തിൽ കോൺഗ്രസിന്റെ നിലപാടല്ല കേരളത്തിലെ സർക്കാരിനെന്നും പിണറായി വിജയൻ പറഞ്ഞു. സംഘപരിവാർ നയമാണ് യുഡിഎഫ് സർക്കാർ കേരളത്തിൽ നടപ്പാക്കുന്നത്. വിദ്യാഭ്യാസ മേഖലയിലും അതിന് ശ്രമിക്കുന്നതിന്റെ ഭാഗമാണ് പിഎംശ്രീയെന്നും അദ്ദേഹം കുറ്റപ്പെടുത്തി.
പിഎംശ്രീ പദ്ധതി എൽഡിഎഫ് സർക്കാർ നടപ്പാക്കേണ്ട എന്ന് തീരുമാനിച്ചതാണ്. എന്നാൽ യുഡിഎഫ് സർക്കാർ പിഎംശ്രീക്ക് അനുകൂല നിലപാടെടുത്തു. സവർക്കറെ പ്രകീർത്തിക്കുന്ന നിലയുണ്ടാവുന്നു. ബാലഗോകുലത്തിന്റെ മയിൽപ്പീലി സ്കോളർഷിപ്പ് വരുന്നു. ഇത് പ്രബുദ്ധകേരളം ചോദ്യം ചെയ്യുമെന്നും പിണറായി വിജയൻ പ്രതികരിച്ചു.
എൽഡിഎഫ് സർക്കാരിന്റെ കാലത്ത് നല്ല രീതിയിൽ മുന്നോട്ട് പോയ പല ആദിവാസി ക്ഷേമപദ്ധതികളും ഇപ്പോൾ അവതാളത്തിലാണ്. മരിച്ച കുഞ്ഞുങ്ങളുടെ കുടുംബങ്ങൾക്ക് സർക്കാർ അഞ്ച് ലക്ഷം രൂപ നഷ്ടപരിഹാരം നൽകണമെന്നും പിണറായി ആവശ്യപ്പെട്ടു.
Tags : UDF PinarayiVijayan CPM LDF VDSatheesan