30

കൊച്ചി: കരുമാല്ലൂരില്‍ നിന്നും കാണാതായ 12കാരിയെ തട്ടിക്കൊണ്ടു പോയ അഭിജിത്ത് ലഹരിക്കേസിലെ പ്രതി. 2023ല്‍ കൊല്ലം ഓച്ചിറ സ്റ്റേഷനില്‍ രജിസ്റ്റര്‍ ചെയ്ത കേസിലെ പ്രതിയാണ് അഭിജിത്ത്. പെണ്‍കുട്ടിയെയും കൊണ്ടു ഡല്‍ഹിയിലേക്ക് വരാന്‍ പറഞ്ഞ സുഹൃത്തിനെയും പോലീസ് ചോദ്യം ചെയ്യും.

പൂനെയില്‍ നിന്നും കണ്ടെത്തിയ പെണ്‍കുട്ടിയെയും പ്രതിയെയും പോലീസ് ആലുവ വെസ്റ്റ് പോലീസ് സ്‌റ്റേഷനില്‍ എത്തിച്ചു. ആറു മാസമായി ചെറായില്‍ ഐസ്‌ക്രീം വില്‍പ്പന നടത്തുകയായിരുന്നു പ്രതി. പെണ്‍കുട്ടിയുടെ വൈദ്യ പരിശോധന നടത്തി കോടതിയില്‍ ഹാജരാക്കിയ ശേഷമാകും കുട്ടിയെ ബന്ധുകള്‍ക്ക് വിട്ടു നല്‍കുക.

മംഗലാപുരം, ഗോവ, ധാരാവി എന്നിവിടങ്ങളില്‍ അടക്കം സഞ്ചരിച്ച ശേഷമാണ് പൂനെ വഴി നിസാമുദീന്‍ എക്‌സ്പ്രസില്‍ ഡല്‍ഹിയിലേക്ക് പോകാന്‍ ശ്രമിച്ചത്. ഡല്‍ഹിയിലുള്ള സുഹൃത്താണ് പെണ്‍കുട്ടിയെ അങ്ങോട്ട് കൊണ്ടുവരാനായി പറഞ്ഞത്.

Tags : Girl Arrest Police POCSOcase