ക​ണി​ക്കൊ​ന്ന പ്ര​ഭ​യി​ൽ വി​പ​ണി
Sunday, April 14, 2024 3:30 AM IST
തൊ​ടു​പു​ഴ: ക​ണി ക​ണ്ടു​ണ​രാ​ൻ ഒ​രു വി​ഷുദി​നം കൂ​ടി വ​ന്നെ​ത്തി​യ​തോ​ടെ ആ​ഘോ​ഷ​ത്തി​നു പൊ​ലി​മ പ​ക​രാ​ൻ ജ​ന​ങ്ങ​ൾ കൂ​ട്ട​ത്തോ​ടെ​യെ​ത്തി​യ​തി​നാ​ൽ നി​ര​ത്തു​ക​ളി​ലും വ്യാ​പാ​രകേ​ന്ദ്ര​ങ്ങ​ളി​ലും അ​നു​ഭ​വ​പ്പെ​ട്ട​ത് വ​ൻ തി​ര​ക്ക്. ആ​ഘോ​ഷം ഉ​ഷാ​റാ​ക്കാ​നു​ള്ള വി​ഭ​വ​ങ്ങ​ൾ ശേ​ഖ​രി​ക്കു​ന്ന തി​ര​ക്കി​ലാ​യി​രു​ന്നു ഇ​ന്ന​ലെ നാ​ടും ന​ഗ​ര​വും.

പ​ഴം, പ​ച്ച​ക്ക​റി ക​ട​ക​ളി​ലും ബേ​ക്ക​റി​ക​ളി​ലും വ​സ്ത്രവ്യാ​പാ​ര സ്ഥാ​പ​ന​ങ്ങ​ളി​ലും വ​ലി​യ തി​ര​ക്കാ​ണ് അ​നു​ഭ​വ​പ്പെ​ട്ട​ത്. പ​ട​ക്കക്ക​ട​ക​ളി​ലും വ​ൻ​തി​ര​ക്കാ​യി​രു​ന്നു. വി​ഷു​ക്ക​ണി​ക്കു​ള്ള വി​ഭ​വ​ങ്ങ​ളു​ടെ വി​ൽ​പ്പ​ന​യും സ​ജീ​വ​മാ​യി​രു​ന്നു.

ക​ണി​വെ​ള്ള​രി ര​ണ്ടു ദി​വ​സം മു​ന്പ് മു​ത​ൽ മാ​ർ​ക്ക​റ്റി​ൽ വ​ലി​യ തോ​തി​ൽ ഇ​ടം​പി​ടി​ച്ചി​രു​ന്നു. ക​ണി​ക്കൊ​ന്ന പൂ​ക്ക​ൾ ഇ​ന്ന​ലെ മു​ത​ൽ വ​ഴി​യോ​ര​ങ്ങ​ളി​ലെ​ല്ലാം വി​ൽ​പ്പ​ന​യ്ക്കു​ണ്ടാ​യി​രു​ന്നു. തി​ര​ക്കേ​റി​യ​തോ​ടെ ടൗ​ണു​ക​ളി​ൽ ഗ​താ​ഗ​ത​ക്കു​രു​ക്കും രൂ​ക്ഷ​മാ​യി.

പി​ടി​ച്ചാ​ൽ കി​ട്ടി​ല്ല പ​ച്ച​ക്ക​റി വി​ല

വി​ഷു ക​ണ​ക്കി​ലെ​ടു​ത്ത് പ​ച്ച​ക്ക​റി വി​ല​യി​ൽ വ​ലി​യ തോ​തി​ൽ വ​ർ​ധ​ന​യു​ണ്ടാ​യി. ക​ഴി​ഞ്ഞ​യാ​ഴ്ച​യെ അ​പേ​ക്ഷി​ച്ച് ബീ​ൻ​സ്, പ​യ​ർ, വെ​ണ്ട​യ്ക്ക, പാ​വ​യ്ക്ക, ത​ക്കാ​ളി, മു​രി​ങ്ങ​യ്ക്ക തു​ട​ങ്ങി​യ​വ​യ്ക്ക് വി​ല ഉ​യ​ർ​ന്നു. പ​യ​റി​നും വ​ള്ളി​പ്പ​യ​റി​നും 40 രൂ​പ​യോ​ളം വ​ർ​ധി​ച്ചു.

ബീ​ൻ​സ്, പാ​വ​യ്ക്ക, വെ​ണ്ട​യ്ക്ക, മു​രി​ങ്ങ​യ്ക്ക എ​ന്നി​വ​യ്ക്ക് 20 രൂ​പ​യോ​ള​മാ​ണ് കൂ​ടി​യ​ത്. മ​റ്റി​ന​ങ്ങ​ളു​ടെ വി​ല നേ​രി​യ തോ​തി​ലാ​ണ് ഉ​യ​ർ​ന്ന​ത്. ത​മി​ഴ്നാ​ട്ടി​ൽനി​ന്നാ​ണ് ഭൂ​രി​ഭാ​ഗം പ​ച്ച​ക്ക​റി​ക​ളും വി​പ​ണി​യി​ലെ​ത്തു​ന്ന​ത്. വി​ഷു​വി​നോ​ട​നു​ബ​ന്ധി​ച്ച് ക​ണ്‍​സ്യൂ​മ​ർ ഫെ​ഡ് വി​ഷു​ച്ച​ന്ത​യും തു​ട​ങ്ങി​യി​രു​ന്നു.

ക​ണി കാ​ണാം... പോ​ക്ക​റ്റു കാ​ലി​യാ​കും

കൊ​ന്ന​പ്പൂ​ക്ക​ളി​ല്ലാ​തെ ക​ണി ഒ​രു​ക്കു​ന്ന​ത് ചി​ന്തി​ക്കാ​നാ​വാ​ത്തതിനാ​ൽ അ​വ​സ​രം മു​ത​ലെ​ടു​ത്ത് വ​ലി​യ വി​ല​യാ​ണ് വി​ൽ​പ്പ​ന​ക്കാ​ർ ഈ​ടാ​ക്കി​യ​ത്. തൊ​ടി​യി​ലും പു​ര​യി​ട​ത്തി​ലും മു​ൻ​കാ​ല​ങ്ങ​ളി​ലെപ്പോ​ലെ ക​ണി​ക്കൊ​ന്ന ഇ​പ്പോ​ൾ കാ​ണാ​നി​ല്ല. അ​തി​നാ​ലാ​ണ് വി​പ​ണി​യി​ൽ കൊ​ന്ന​പ്പൂ​ക്ക​ൾ​ക്ക് ആ​വ​ശ്യ​ക്കാ​രേ​റി​യ​ത്. ഒ​രു ചെ​റു​പി​ടി കൊ​ന്ന​പ്പൂ​വി​ന് 40 മു​ത​ൽ 50 രൂ​പ വ​രെ​യാ​ണ് വ​ഴി​യോ​ര​ക്ക​ച്ച​വ​ട​ക്കാ​ർ വാ​ങ്ങി​യ​ത്.

ക​ണി വെ​ള്ള​രി

വി​ഷു​ക്ക​ണി കാ​ണാ​ൻ സ്വ​ർ​ണ​വ​ർ​ണ​മാ​ർ​ന്ന വെ​ള്ള​രി​യാ​ണ് വേ​ണ്ട​ത്. ന​ല്ല ക​ണി​വെ​ള്ള​രി​ക്ക് 45 -55 രൂ​പ വ​രെ​യാ​ണ് വി​ല. അ​ര​ക്കി​ലോ മു​ത​ൽ ര​ണ്ടു​കി​ലോവ​രെ വ​ലിപ്പ​മു​ള്ള ക​ണി​വെ​ള്ള​രി​ക​ളു​ണ്ട്. മൂ​ന്നു മാ​സ​മാ​ണ് ക​ണി​വെ​ള്ള​രി പാ​ക​മാ​കാ​ൻ എ​ടു​ക്കു​ന്ന സ​മ​യം.

വേ​ന​ൽ മ​ഴ മ​റ്റു വി​ള​ക​ൾ​ക്ക് ഗു​ണം ചെ​യ്യു​മെ​ങ്കി​ലും വെ​ള്ള​രി​ക്ക് തി​രി​ച്ച​ടി​യാ​കും. മ​ഴ കൊ​ണ്ടാ​ൽ മൂ​ത്ത വെ​ള്ള​രി​യ​ട​ക്കം പൊ​ട്ടി ന​ശി​ച്ചുപോ​കു​മെ​ന്ന് ക​ർ​ഷ​ക​ർ പ​റ​ഞ്ഞു. മു​ൻ വ​ർ​ഷ​ത്തെ അ​പേ​ക്ഷി​ച്ച് സ​മ​യം തെ​റ്റി പെ​യ്ത മ​ഴ​യും ക​ടു​ത്ത വേ​ന​ലും കൃ​ഷി​യെ സാ​ര​മാ​യി ബാ​ധി​ച്ചി​രു​ന്നു.

പ​ട​ക്കം

വി​ഷു​വി​ന് കു​ട്ടി​ക​ളു​ടെ പ്ര​ധാ​ന ആ​ഘോ​ഷ​ത്തി​ൽനി​ന്ന് പ​ട​ക്ക​ത്തെ മാ​റ്റി നി​ർ​ത്താ​നാ​വി​ല്ല. പൂ​ത്തി​രി​യും ക​ന്പി​ത്തി​രി​യും ച​ക്ര​ങ്ങ​ളും വി​വി​ധ ത​ര​ത്തി​ലു​ള്ള പ​ട​ക്ക​ങ്ങ​ളു​മാ​ണ് വി​പ​ണി​യി​ൽ എ​ത്തി​യ​ത്. അ​പ​ക​ടര​ഹി​ത​മാ​യ ചൈ​നീ​സ് ഇ​ന​ങ്ങ​ൾ​ക്കാ​യി​രു​ന്നു ഡി​മാ​ൻ​ഡ് കൂ​ടു​ത​ൽ.

ക്രി​സ്മ​സി​നും ന്യൂ​ഇ​യ​റി​നുംശേ​ഷം പ​ട​ക്കവി​പ​ണി സ​ജീ​വ​മാ​കു​ന്ന​ത് വി​ഷു​വി​നും ദീ​പാ​വ​ലി​ക്കു​മാ​ണ്. ത​മി​ഴ്നാ​ട്ടി​ലെ ശി​വ​കാ​ശി​യി​ൽനി​ന്നാ​ണ് കേ​ര​ള​ത്തി​ലെ പ​ട​ക്ക മൊ​ത്ത വ്യാ​പാ​രി​ക​ൾ ലോ​ഡ് എ​ത്തി​ക്കു​ന്ന​ത്.

വി​ഷു എ​ത്തി​യ​തോ​ടെ ഒ​രോ ഇ​ന​ത്തിനും 10 രൂ​പ മു​ത​ൽ 100 രൂ​പവ​രെ വി​ല ഉ​യ​ർ​ത്തി​യ​താ​യി ചെ​റു​കി​ട വ്യാ​പാ​രി​ക​ൾ പ​റ​യു​ന്നു. വ​ഴി​യോ​ര പ​ട​ക്ക​ക്ക​ച്ച​വ​ട​വും ഇ​ന്ന​ലെ ത​കൃ​തി​യാ​യി ന​ട​ന്നു.

Copyright @ 2022 , Rashtra Deepika Ltd.