തൊടുപുഴ: ഇടുക്കി പാർലമെന്‍റ് മണ്ഡലം എൽഡിഎഫ് സ്ഥാനാർഥി ജോയ്സ് ജോർജിന് തൊടുപുഴ മണ്ഡലത്തിൽ ആവേശകരമായ സ്വീകരണം. സ്ത്രീകളും കുട്ടികളുമടക്കം നിരവധി പേരാണ് ഓരോ സ്വീകരണ കേന്ദ്രങ്ങളിലും തടിച്ചുകൂടിയത്. രാവിലെ മണക്കാട് കുന്നത്തുപാറയിൽ കേരള കോണ്ഗ്രസ് -എം ഉന്നതാധികാര സമിതിയംഗം പ്രഫ. കെ.ഐ. ആന്‍റണി ഉദ്ഘാടനം ചെയ്തു.
ചിറ്റൂർ, അരിക്കുഴ, വഴിത്തല, പുറപ്പുഴ, കരിങ്കുന്നം, മുട്ടം, ഒളമറ്റം, തുടങ്ങനാട്, കോലാനി, കാഞ്ഞിരമറ്റം, കാരിക്കോട്, തെക്കുംഭാഗം, ഇടവെട്ടി, പട്ടയംകവല, മുതലക്കോടം, പെരുന്പിള്ളിച്ചിറ, പാറ, വെങ്ങല്ലൂർ, ജ്യോതി സൂപ്പർ ബസാർ, മങ്ങാട്ടുകവല തുടങ്ങിയ കേന്ദ്രങ്ങളിൽ പര്യടനം നടത്തി.
സമാപന സമ്മേളനം സിപിഐ ജില്ലാ സെക്രട്ടറി കെ. സലിംകുമാർ ഉദ്ഘാടനംചെയ്തു. കാഞ്ഞിരമറ്റം ജംഗ്ഷനിലെ സ്വീകരണ കേന്ദ്രത്തിൽ മന്ത്രി രാമചന്ദ്രൻ കടന്നപ്പള്ളി സംസാരിച്ചു. എൻ. ശശിധരൻ നായർ അധ്യക്ഷത വഹിച്ചു. കെ.കെ. ശിവരാമൻ, കെ.പി. മേരി, ടി.ആർ. സോമൻ, മുഹമ്മദ് ഫൈസൽ, പി.സി. ജോസഫ്, ജിമ്മി മറ്റത്തിപ്പാറ, വി.ആർ.പ്രമോദ്, റെജി കുന്നംകോട്ട്, വി.ബി. ദിലീപ്, പി.കെ. വിനോദ്, പി.പി. ജോയി, എം.ജെ. ജോണ്സണ്, ജയകൃഷ്ണൻ പുതിയേടത്ത്, ജോർജ് അഗസ്റ്റിൻ എന്നിവർ പ്രസംഗിച്ചു.