തൊടുപുഴ: യുഡിഎഫ് സ്ഥാനാർഥി ഡീൻ കുര്യാക്കോസ് മൂവാറ്റുപുഴ മേഖലയിൽ പര്യടനം നടത്തി. രാവിലെ പുളിക്കായത്ത് കടവിൽനിന്നായിരുന്നു തുടക്കം. തുടർന്നു നടുക്കര ഗ്രോട്ടോ, ആവോലി, ആനിക്കാട് ചിറപ്പടി, സ്വപ്ന ഭൂമി, കോട്ടപ്പുറം കവല, അടൂപറന്പ്, ഉല്ലാപ്പിള്ളി, പള്ളിക്കവല, മഞ്ചേരിപ്പടി, മണ്ണത്തൂർ കവല, ഈസ്റ്റ് മാറാടി,
പാറതട്ടാൽ പള്ളിത്താഴം, കായനാട്, വാളകം കവല, പാലനാട്ടിൽ കവല, സി.ടി.സി കവല, മേക്കടന്പ്, കാടതി പള്ളിത്താഴം എന്നിവിടങ്ങളിലും പര്യടനം നടത്തി. പൂക്കളും പഴങ്ങളും നൽകി സ്ത്രീകളും കുട്ടികളുമടക്കമുള്ളവർ ചേർന്ന് സ്ഥാനാർഥിയെ സ്വീകരിച്ചു.
ഉച്ചയ്ക്കുശേഷം പെരുമറ്റം, തച്ചേത്ത് പടി, പള്ളിപ്പടി, ചിറപ്പടി, പൊന്നിരിക്കപ്പറന്പ്, മുളവൂർ, തട്ടുപ്പറന്പ്, ഇലാഹിയ കോളേജ്, പായിപ്ര സ്കൂൾ പടി, തൃക്കളത്തൂർ കാവുംപടി, മുടവൂർ തവള കവല, എള്ളുമല ജംഗ്ഷൻ, പായിപ്ര കവല, പുളിഞ്ചുവട്, കുര്യൻമല, തോട്ടുങ്ങൽ പീടിക, പ്രൈവറ്റ് ബസ് സ്റ്റാൻഡ്, കീച്ചേരിപ്പടി എന്നിവിടങ്ങളിലെ പര്യടനത്തിനു ശേഷം റോയൽ ജംഗ്ഷനിൽ സമാപിച്ചു.
പ്രചാരണത്തിന്‍റെ ഭാഗമായി ആവോലിയിൽ നടന്ന പൊതുയോഗം മു‌‌സ‌‌്‌ലിംലീഗ് ജില്ലാ ജനറൽ സെക്രട്ടറി വി.ഇ. അബ്ദുൾ ഗഫൂർ ഉദ്ഘാടനം ചെയ്തു. പി.എം. അമീർ അലി അധ്യക്ഷത വഹിച്ചു. മാത്യു കുഴൽനാടൻ എംഎൽഎ, കെ.എം. സലിം, കെ.എം. പരീത്, ഉല്ലാസ് തോമസ്, സാബു ജോണ്,
ജോസ് പെരുന്പിള്ളിക്കുന്നേൽ, പി.എ. ബഷീർ, ടോമി പാലമല, റെജി ജോർജ്, രാജു കണിമറ്റം, ഫ്രാൻസിസ് ഇലഞ്ഞേടത്ത്, ജോർജ് തെക്കുംപുറം എന്നിവർ പ്രസംഗിച്ചു. ഇന്ന് ഉടുന്പൻചോല മണ്ഡലത്തിൽ പര്യടനം നടത്തും.