തൊടുപുഴ: കത്തിനിൽക്കുന്ന ചൂടിലും തൊടുപുഴയുടെ മനം കവർന്ന് യുഡിഎഫ് സ്ഥാനാർഥി ഡീൻ കുര്യാക്കോസിന്റെ പര്യടനം. ഇന്നലെ തൊടുപുഴ നിയോജക മണ്ഡലത്തിന്‍റെ വിവിധ പ്രദേശങ്ങളിൽ എത്തിയ ഡീൻ കുര്യാക്കോസിന് നാൽപ്പതോളം കേന്ദ്രങ്ങളിലാണ് സ്വീകരണം ഒരുക്കിയത്.
പര്യടനത്തിന്‍റെ ഉദ്ഘാടനം പട്ടയം കവലയിൽ യുഡിഎഫ് ജില്ലാ കണ്‍വീനർ പ്രഫ. എം.ജെ. ജേക്കബ് നിർവഹിച്ചു. എ.എം. ഹാരിദ് അധ്യക്ഷത വഹിച്ചു. എസ്. അശോകൻ, എം.എൻ. ഗോപി, കെ.എം.എ. ഷുക്കൂർ, എൻ.ഐ. ബെന്നി, ജോസി ജേക്കബ്, കെ. സുരേഷ് ബാബു, ടി.കെ. നവാസ്, ഇന്ദു സുധാകരൻ, ജാഫർ ഖാൻ മുഹമ്മദ്, ഷിബിലി സാഹിബ്, വി.ഇ. താജുദ്ദീൻ, ജോണ് നെടിയപാല, എം.ഡി. അർജുനൻ, ജോസഫ് ജോണ് എന്നിവർ പ്രസംഗിച്ചു.
രാവിലെ മുതലക്കോടം, പെരുന്പിള്ളിച്ചിറ, ഏഴല്ലൂർ, ഈസ്റ്റ് കലൂർ, പാറപ്പുഴ, കോടിക്കുളം, വെള്ളംചിറ, കാളിയാർ, മുള്ളൻകുത്തി, ഒടിയപ്പാറ, വണ്ണപ്പുറം, മുള്ളരിങ്ങാട്, വെള്ളക്കയം എന്നിവിടങ്ങളിലും ഉച്ചയ്ക്കു ശേഷം പട്ടയക്കുടി,
ബ്ലാത്തിക്കവല, മുണ്ടൻമുടി, തൊമ്മൻകുത്ത്, മുളപ്പുറം, നെയ്യശേരി, കോട്ടക്കവല മേഖലകളിലും പര്യടനം നടത്തി. വൈകുന്നേരം കരിമണ്ണൂർ, പന്നൂർ, തട്ടക്കുഴ, പെരിങ്ങാശേരി, ചീനിക്കുഴി, അമയപ്ര, പാറേക്കവല എന്നി പ്രദേശങ്ങളിൽ സ്വീകരണം ഏറ്റുവാങ്ങി ഉടുന്പന്നൂരിൽ സമാപിച്ചു.
ഇന്നു രാവിലെ അയ്യപ്പൻകോവിൽ, കാഞ്ചിയാർ പഞ്ചായത്തുകളിൽ പര്യടനം നടത്തി വൈകുന്നേരം തൊടുപുഴയിലെ കൊട്ടിക്കലാശത്തിൽ പങ്കുചേരും.