ഇരിങ്ങാലക്കുട: കൂടല്‍മാണിക്യ ക്ഷേത്രോത്സവത്തിന്റെ ഭാഗമായി സ്പെഷല്‍ പന്തലില്‍ ഏഴുദിവസത്തെ കഥകളിക്ക് ഇന്നു തുടക്കമാവും സംഗമപുരിയിലെത്തുന്ന കഥകളി പ്രേമികള്‍ക്ക് ഇനി ഉറക്കമില്ലാരാവുകളാണ്. ദേവയാനി ചരിതം, അംബരീക്ഷ ചരിതം, കാലകേയ വധം, ബാലി വധം, പൂതനാമോക്ഷം, ദുര്യോധന വധം, മേളപ്പദം നളചരിതം നാലാം ദിവസം, സന്താനഗോപാലം, കിരാതം, ശ്രീരാമ പട്ടാഭിഷേകം എന്നിവയാണ് അവതരിപ്പിക്കുന്ന കഥകള്‍.
കലാനിലയം രാഘവന്‍, ഡോ. സദനം കൃഷ്ണന്‍കുട്ടി, കോട്ടയ്ക്കല്‍ നന്ദകുമാര്‍, കലാമണ്ഡലം ബാലസുബ്രഹ്മണ്യം, കലാനിലയം ബാലകൃഷ്ണന്‍, കലാനിലയം ഗോപി, സദനം മണികണ്ഠന്‍, സദനം ഭാസി, കലാനിലയം രാജശേഖര പണിക്കര്‍, കലാനിലയം മധുമോഹന്‍, കോട്ടയ്ക്കല്‍ കേശവന്‍ കുണ്ടലായര്‍, പീശാപ്പിള്ളി രാജീവ്, തൃപ്പയ്യ പീതാംബരന്‍, കലാമണ്ഡലം ഷണ്‍മുഖദാസ്, ഡോ. കെ.ആര്‍. രാജീവ്, പാടൂര്‍ ദാമോദരന്‍, കലാനിലയം വിനോദ്, കലാനിലയം അനില്‍കുമാര്‍, കലാമണ്ഡലം ഹരി ആര്‍. നായര്‍, ഇ.കെ. വിനോദ് വരിയര്‍, കലാനിയം അരവിന്ദന്‍, കലാനിലയം മനോജ്, കലാനിലയം സുന്ദരന്‍, വെള്ളിനേഴി ഹരിദാസ്, കലാമണ്ഡലം മനോജ്, ജയന്തി ദേവരാജ്, കരുണാകര കുറുപ്പ്, ഹരികൃഷ്ണന്‍ എന്നിവരാണു വേഷമിടുന്നത്.