സം​ഗ​മ​പു​രി​ക്ക് ആ​വേ​ശംപ​ക​ര്‍​ന്ന് കൊ​ടി​പ്പു​റ​ത്ത് വി​ള​ക്ക് ഭ​ക്തി​സാ​ന്ദ്ര​മാ​യി
Tuesday, April 23, 2024 1:16 AM IST
ഇ​രി​ങ്ങാ​ല​ക്കു​ട: സം​ഗ​മ​പു​രി​ക്ക് ആ​വേ​ശംപ​ക​ര്‍​ന്ന് കൊ​ടി​പ്പു​റ​ത്ത് വി​ള​ക്ക് ഭ​ക്തി​സാ​ന്ദ്ര​മാ​യി.
കൂ​ട​ല്‍​മാ​ണി​ക്യം ക്ഷേ​ത്ര​ത്തി​ലെ ഉ​ത്സ​വ​ത്തി​ന് തു​ട​ക്കംകു​റി​ച്ചു​കൊ​ണ്ട് ശ്രീ​കോ​വി​ലി​ല്‍​നി​ന്നും ഭ​ഗ​വാ​ന്‍ ആ​ദ്യ​മാ​യി പു​റ​ത്തേ​ക്ക് എ​ഴു​ന്ന​ള്ളു​ന്ന കൊ​ടി​പ്പു​റ​ത്ത് വി​ള​ക്ക് ദ​ര്‍​ശി​ക്കാ​ന്‍ ആ​യി​ര​ങ്ങ​ളാ​ണു എ​ത്തി​ച്ചേ​ര്‍​ന്ന​ത്. വൈ​കീ​ട്ട് വി​ശേ​ഷാ​ല്‍ പൂ​ജ​ക​ള്‍​ക്കു​ശേ​ഷം ദേ​വ​നെ ശ്രീ​കോ​വി​ലി​ല്‍​നി​ന്നും തി​ട​മ്പി​ലേ​ക്ക് ആ​വാ​ഹി​ച്ച് പാ​ണി​കൊ​ട്ടി പു​റ​ത്തേ​ക്ക് എ​ഴു​ന്ന​ള്ളി​ച്ചു. ക്ഷേ​ത്രാ​ങ്ക​ണ​ത്തി​ല്‍ നി​റ​ഞ്ഞു​നി​ന്ന ആ​യി​ര​ക്ക​ണ​ക്കി​നു ഭ​ക്ത​രു​ടെ ക​ണ്ഠ​ങ്ങ​ളി​ല്‍ സം​ഗ​മേ​ശ്വ​ര​മ​ന്ത്ര​ങ്ങ​ളു​യ​ര്‍​ന്നു.

വി​ള​ക്കാ​ചാ​രം, കേ​ളി, പ​റ്റ് തു​ങ്ങി​യ​വ​ക്കു​ശേ​ഷം പ്ര​ദ​ക്ഷി​ണം പൂ​ര്‍​ത്തി​യാ​ക്കി കി​ഴ​ക്കെ ന​ട​പ്പു​ര​യി​ലെ​ത്തി​യ​പ്പോ​ഴേ​ക്കും സ്വ​ര്‍​ണ​ത്തി​ലും വെ​ള്ളി​യി​ലും നെ​റ്റി​പ്പ​ട്ട​ങ്ങ​ള്‍ അ​ണി​ഞ്ഞ് മ​റ്റു ഗ​ജ​വീ​ര​ന്‍​മാ​ര്‍ വി​ള​ക്കെ​ഴു​ന്ന​ള്ളി​പ്പി​ന് സ​ജ്ജ​രാ​യി. 17 ആ​ന​ക​ളാ​ണ് വി​ള​ക്കെ​ഴു​ന്ന​ള്ളി​പ്പി​ല്‍ അ​ണി​നി​ര​ന്ന​ത്.
പ​ഞ്ചാ​രി പ​ടി​ഞ്ഞാ​റെ​ ന​ട​യ്ക്ക​ല്‍ അ​വ​സാ​നി​ച്ച് തു​ട​ര്‍​ന്ന് ചെ​മ്പ​ട​കൊ​ട്ടി കി​ഴ​ക്കേ​ന​ടയ്​ക്ക​ല്‍ ക​ലാ​ശി​ച്ച് മൂ​ന്നു പ്ര​ദ​ക്ഷി​ണം കൂ​ടി പൂ​ര്‍​ത്തി​യാ​ക്കി അ​ക​ത്തേ​ക്കെ​ഴു​ന്ന​ള്ളിച്ച​തോ​ടെ കൊ​ടി​പ്പു​റ​ത്ത് വി​ള​ക്കാ​ഘോ​ഷ​ത്തി​നു സ​മാ​പ്തി​യാ​യി. വി​ള​ക്കെ​ഴു​ന്ന​ള്ളി​പ്പി​ന്‍റെ പ​ഞ്ചാ​രി മേ​ള​ത്തി​ന് ക​ലാ​മ​ണ്ഡ​ലം ശി​വ​ദാ​സ് പ്ര​മാ​ണം വ​ഹി​ച്ചു.

ക്ഷേ​ത്ര​ക​ല​ക​ളു​ടെ സം​ഗ​മ​ഭൂ​മി​യാ​ക്കി​ക്കൊ​ണ്ട് ഇ​രി​ങ്ങാ​ല​ക്കു​ട ഉ​ത്സ​വ​ത്തെ വ​ര്‍​ണ​ശ​ബ​ള​മാ​ക്കാന്‍ വി​വി​ധ ക്ഷേ​ത്ര ക​ലാ​പ​രി​പാ​ടി​ക​ള്‍ അ​ര​ങ്ങേ​റി​ത്തു​ട​ങ്ങി. അ​മ്മ​ന്നൂ​ര്‍ ചാ​ക്യാ​ന്മാ​ര്‍​ക്ക് അ​ടി​യ​ന്ത​രാ​വ​കാ​ശ​മു​ള്ള കൂ​ട​ല്‍​മാ​ണി​ക്യം കൂ​ത്ത​മ്പ​ല​ത്തി​ല്‍ ഉ​ത്സ​വ​ത്തി​നു ഒ​ന്‍​പ​തു ദി​വ​സ​വും കൂ​ത്തും ന​ങ്ങ്യാ​ര്‍​കൂ​ത്തും അ​ര​ങ്ങേ​റും.

ക്ഷേ​ത്ര​ത്തി​നു കി​ഴ​ക്കേ ന​ട​പ്പു​ര​യി​ല്‍ സ​ന്ധ്യ​ക്ക് നാ​ദ​സ്വ​ര പ്ര​ക​ട​ന​വും സ​ന്ധ്യാ​വേ​ല​പ്പ​ന്ത​ലി​ല്‍ മ​ദ്ദ​ള​പ്പ​റ്റ്, കു​ഴ​ല്‍​പ്പ​റ്റ്, കൊ​മ്പു​പ​റ്റ് എ​ന്നി​വ​യും അ​രങ്ങേ​റും.

പ​ടി​ഞ്ഞാ​റേ ന​ട​പ്പു​ര​യി​ല്‍ വൈ​കീ​ട്ട് ആ​റി​ന് പാ​ഠ​കം ആ​രം​ഭി​ക്കും. മാ​തൃ​ക്ക​ല്‍ ബ​ലി​ക്ക് മു​മ്പാ​യി പ​ടി​ഞ്ഞാ​റേ ന​ട​പ്പു​ര​യി​ല്‍ കു​റ​ത്തി​യാ​ട്ടം അ​ര​ങ്ങേ​റും. പാ​ഠ​ക​വും കു​റ​ത്തി​യാ​ട്ട​വും ഒ​ന്‍​പ​തുദി​ന​ങ്ങ​ളി​ലും ഉ​ണ്ടാ​കും. ദി​വ​സ​വും ഉച്ചയ്ക്ക് കി​ഴ​ക്കേന​ട​പ്പു​ര​യി​ല്‍ കേ​ര​ള ഫോ​ക്‌ലോ​ര്‍ അ​ക്കാ​ദ​മി അ​വാ​ര്‍​ഡ് ജേ​താ​വ് രാ​ജീ​വ് വെ​ങ്കി​ട​ങ്ങ് അ​വ​ത​രി​പ്പി​ക്കു​ന്ന ഓ​ട്ടന്‌തുള്ള​ല്‍ അ​ര​ങ്ങേ​റും.

Copyright @ 2022 , Rashtra Deepika Ltd.