ഇൻഡിവുഡ് മീഡിയ എക്സലൻസ് അവാർഡ് ദാസ് മാട്ടുമന്തയ്ക്ക്
Saturday, June 10, 2017 11:32 AM IST
പാലക്കാട്: മികച്ച സിനിമ പത്രപ്രവർത്തകനുള്ള ഈ വർഷത്തെ ഇൻഡിവുഡ് മീഡിയ എക്സലൻസ് അവാർഡ് ദാസ് മാട്ടുമന്തയ്ക്ക്. സിനിമാതാരങ്ങളുമായുള്ള അഭിമുഖങ്ങൾ, ചിത്രീകരണം നടക്കുന്ന സിനിമകളെക്കുറിച്ചുള്ള ഷൂട്ടിംഗ് റിപ്പോർട്ടുകൾ, നിരൂപണങ്ങൾ എന്നിവ കണക്കിലെടുത്തായിരുന്നു അവാർഡ് തെരഞ്ഞെടുപ്പ്. പ്രശസ്തിപത്രവും ഫലകവും അടങ്ങുന്നതാണ് അവാർഡ്.

യുഎഇ ആസ്‌ഥാനമായുള്ള ഏരീസ് ഗ്രൂപ്പിന്റെ ചെയർമാനും ഹോളിവുഡിൽ ശ്രദ്ധേയമായ ഡാം 999 സിനിമയുടെ സംവിധായകനുമായ സോഹൻദാസ് സാരഥിയായ ഇൻഡിവുഡ് സംസ്‌ഥാനത്തെ പത്രദൃശ്യ മാധ്യമ ചലച്ചിത്ര മാധ്യമ മേഖലകളിൽ പ്രവർത്തിക്കുന്ന പത്രപ്രവർത്തകർക്ക് നല്കുന്ന മൂന്നാമത്തെ അവാർഡാണിത്.

ജില്ലയിലെ നാടകപ്രവർത്തകരുടെ കൂട്ടായ്മയായ ടാപ് നാടകവേദി സെക്രട്ടറി കൂടിയാണ് ഇരുപതുവർഷമായി ഫിലിം ജേർണലിസ്റ്റായി പ്രവർത്തിക്കുന്ന ദാസ്. ആദ്യകാല നാടകനടനായ ശ്യാമളന്റെയും സരോജിനിയുടെയും മകനാണ്. ഭാര്യ: ബിന്ദു. മകൻ: ശ്യാം ചെഗുവേരദാസ്. എറണാകുളം കാക്കനാട് ബിസിജി റസിഡൻസി ടവറിൽ നടന്ന ചടങ്ങിൽ ഹൈബി ഈഡൻ എംഎൽഎയിൽനിന്നും അവാർഡ് ഏറ്റുവാങ്ങി.
Loading...