24

ര​വീ​ന്ദ്ര​ൻ... അ​ഥ​വാ ഡി​സ്കോ ര​വീ​ന്ദ്ര​ൻ, ഒ​രു​ കാ​ലഘട്ടത്തെ ഇളക്കിമറിച്ച താരം. ക്യാന്പസിന്‍റെയും യു​വാ​ക്ക​ളു​ടെയും ഹ​ര​മാ​യി​രു​ന്ന സ്വപ്നതാ​രം. നിരവധി ഹിറ്റുകളിലൂടെ തെ​ന്നി​ന്ത്യ​ൻ വാ​ണി​ജ്യ സി​നി​മ​യു​ടെ അ​വി​ഭാ​ജ്യ​ഘ​ട​ക​മാ​യി മാറിയ അഭ്രകാവ്യങ്ങളിലെ നായകൻ. രവീന്ദ്രന്‍റെ സ്റ്റൈലും നൃത്തരംഗങ്ങളും കാണാൻ വേണ്ടിമാത്രം പ്രേക്ഷകർ തിയറ്ററുകളിൽ ഇരച്ചുകയറിയ കാലമുണ്ടായിരുന്നു. അക്കാലത്ത്, യുവാക്കളെ അത്രത്തോളം ആവേശിച്ച താരമായിരുന്നു രവീന്ദ്രൻ. ഒ​രു ത​ലൈ​രാ​ഗ​ത്തി​ൽ തു​ട​ങ്ങി വാ​ഴ 2 വ​രെ എ​ത്തി​നി​ൽ​ക്കു​ന്ന ച​ല​ച്ചി​ത്ര​ജീ​വി​തം. ന​ട​ൻ മാ​ത്ര​മ​ല്ല, തി​ര​ക്ക​ഥാ​കൃ​ത്ത്, ഇ​ന്‍റീ​രി​യ​ര്‍ ഡി​സൈ​ന​ര്‍, അ​വ​താ​ര​ക​ന്‍, ച​ല​ച്ചി​ത്ര ഗ​വേ​ഷ​ക​ന്‍, ആ​ക്ടിം​ഗ് കോ​ച്ച്, സാ​മൂ​ഹി​ക പ്ര​വ​ര്‍​ത്ത​ക​ന്‍ തു​ട​ങ്ങി​ വി​വി​ധ മേ​ഖ​ല​ക​ളി​ലൂ​ടെ സ​ഞ്ച​രി​ച്ച സ​വി​ശേ​ഷ വ്യ​ക്തി​ത്വ​ത്തി​നു​ട​മ​യാ​ണ് ര​വീ​ന്ദ്ര​ൻ.

ഇ​ടു​ക്കി ഗോ​ൾ​ഡ്, കി​ളി​പോ​യി, സ​ലാ​ല മൊ​ബൈ​ൽ​സ് തു​ട​ങ്ങി കുട്ടിക്കൂട്ടങ്ങളുടെ സി​നി​മ​യാ​യ വാ​ഴ 2 വ​രെ​യു​ള്ള ചി​ത്ര​ങ്ങ​ളാ​ൽ തി​രി​ച്ചു​വ​ര​വു ഗം​ഭീ​ര​മാ​ക്കി താ​രം. ത​ന്‍റെ ച​ല​ച്ചി​ത്ര​ജീ​വി​ത​ത്തി​ലെ പാ​ഠ​ങ്ങ​ളെ​ക്കു​റി​ച്ചും സി​നി​മ​യെ​ക്കു​റി​ച്ചു​ള്ള കാ​ഴ്ച​പ്പാ​ടു​ക​ളും പ​ങ്കു​വ​യ്ക്കു​ക​യാ​ണ് താ​രം. ഒ​രു ദേ​ശീ​മാ​ധ്യ​മ​ത്തി​നു ന​ൽ​കി​യ അ​ഭി​മു​ഖ​ത്തി​ലാ​ണ് ര​വീ​ന്ദ്ര​ൻ ത​ന്‍റെ ച​ല​ച്ചി​ത്ര​ജീ​വി​ത​ത്തി​ലെ അ​നു​ഭ​വ​ങ്ങ​ൾ പ​ങ്കു​വ​ച്ച​ത്.

 ഒരു തലൈ രാഗം
അ​ഡ​യാ​ര്‍ ഫി​ലിം ഇ​ന്‍​സ്റ്റി​റ്റ്യൂ​ട്ടി​ല്‍ പ​ഠി​ക്കു​മ്പോ​ള്‍ പ്ര​ശ​സ്ത നി​ര്‍​മാ​താ​വ് പി. ​ഭാ​നു​മ​തി​യാ​ണ് ത​നി​ക്ക് ആ​ദ്യ​മാ​യി സി​നി​മ​യി​ല്‍ അ​വ​സ​രം ന​ല്‍​കിയതെന്ന് രവീന്ദ്രൻ പറയുന്നു. അ​തിനുശേ​ഷ​മാ​ണ് ഒ​രു ത​ലൈ രാ​ഗം എ​ന്ന ചിത്രത്തിന്‍റെ ഭാഗമാകുന്നത്. പു​തു​മു​ഖ​ങ്ങൾ കേന്ദ്രകഥാപാത്രങ്ങളായ ഒരു തലൈ രാഗത്തിന്‍റെ റിലീസ് ദിവസം താനും സ​ഹ​ന​ട​ന്‍ ശ​ങ്ക​റും വ​ല്ലാ​തെ ഭ​യ​പ്പെ​ട്ടി​രു​ന്നു. എ​ന്നാ​ല്‍ ആദ്യ ഷോ കഴിഞ്ഞതോടെ, ചലച്ചിത്രാസ്വാദകർക്കിടയിൽ വ​ലി​യ ത​രം​ഗ​മായി മാറി ഒരു തലൈ രാഗം.

ഒ​രു വ​ര്‍​ഷ​ത്തോ​ളം തിയ​റ്റ​റു​ക​ളി​ല്‍ ഓ​ടി​യ ഒരു തലൈ രാഗം തി​രു​ത്തി​ക്കു​റി​ച്ച​ത് വ​ലി​യ ച​രി​ത്ര​മാ​ണ്. ഇ​ന്ന​ത്തെ ബ്ലോ​ക്ക്ബ​സ്റ്റ​ര്‍ ചി​ത്ര​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ള്‍ ഒ​രു ത​ലൈ രാ​ഗം ഉ​ണ്ടാ​ക്കി​യ സ്വാ​ധീ​നം നൂ​റു മ​ട​ങ്ങ് വ​ലു​താ​യി​രു​ന്നു. ആ​ളു​ക​ള്‍ സി​നി​മ ക​ണ്ടോ എ​ന്ന​ല്ല, എ​ത്ര ത​വ​ണ ക​ണ്ടു എ​ന്നാ​ണ് ചോ​ദി​ച്ചി​രു​ന്ന​ത്. ആ ​സി​നി​മ 220 ത​വ​ണ ക​ണ്ട ഒ​രാ​ളെ താൻ നേരിട്ടു ക​ണ്ടി​ട്ടു​ണ്ടെന്നും രവീന്ദ്രൻ പറഞ്ഞു. സി​നി​മ വ​ന്‍ വി​ജ​യ​മാ​യ​തോ​ടെ ഒ​റ്റ​രാ​ത്രി​കൊ​ണ്ടാ​ണ് താ​ന്‍ സ്റ്റാ​റാ​യി മാ​റി​യ​ത്. കോ​ള​ജ് വി​ദ്യാ​ര്‍​ഥി​ക​ള്‍​ക്കി​ട​യി​ല്‍ എന്‍റെ നൃ​ത്ത​വും ശൈ​ലി​യും പു​സ്ത​കം പി​ടി​ക്കു​ന്നരീ​തി വ​രെ ട്രെ​ന്‍​ഡാ​യി മാ​റിയതും ഓർക്കുന്നു.

പിന്നീട്, മലയാളത്തിലെത്തിയപ്പോൾ ധാരാളം ചിത്രങ്ങൾ കിട്ടി. ഇ​ന്‍​ഡ​സ്ട്രി​യു​ടെ പ്ര​വ​ര്‍​ത്ത​ന​ങ്ങ​ളെ​ക്കു​റി​ച്ച് വ​ലി​യ ധാ​ര​ണ​യി​ല്ലാ​ത്ത​തി​നാ​ല്‍ പ്ര​തി​ഫ​ലം ചോ​ദി​ച്ചു വാങ്ങുന്നതുൾപ്പെടെ തനിക്കു നിരവധി പിഴവുകൾ സംഭവിച്ചു.

ബിസിനസ് കാര്യം
പ​പ്പ​യു​ടെ സ്വ​ന്തം അ​പ്പൂ​സ് എ​ന്ന ചി​ത്ര​ത്തി​നുശേ​ഷം താന്‍ സി​നി​മ​യി​ല്‍നി​ന്ന് വി​ട്ടു​നിന്നു. സി​മന്‍റ് ബി​സി​ന​സി​ലേ​ക്കു ശ്ര​ദ്ധ തി​രി​ച്ചു. സി​നി​മ​യും സി​മന്‍റും ത​മ്മി​ലു​ള്ള ബ​ന്ധം എ​ന്താ​ണെ​ന്ന് ചോ​ദി​ച്ച​വ​രോ​ട് ര​ണ്ടും "സി' ​എ​ന്ന അ​ക്ഷ​ര​ത്തി​ലാ​ണു തു​ട​ങ്ങു​ന്ന​തെ​ന്നാ​ണ് താ​ന്‍ ത​മാ​ശ​യാ​യി പ​റ​ഞ്ഞ​ത്. ബി​സി​നസും മാ​ര്‍​ക്ക​റ്റിം​ഗും പ​ഠി​ക്കാ​നു​ള്ള കൗ​തു​ക​മാ​ണ് ത​ന്നെ അ​തി​ലേ​ക്ക് ന​യി​ച്ച​ത്. താൻ ഒ​രു മേ​ഖ​ല​യി​ല്‍ മാ​ത്രം ഒ​തു​ങ്ങിനിന്നില്ല.

സിനിമയെ ഗൗരവത്തോടെ കാണുന്നു
സി​നി​മ​യെ ഗൗ​ര​വ​മാ​യി പ​ഠി​ക്കാ​ൻ ശ്രമിച്ചെന്നും താരം പറഞ്ഞു. പു​നെ ഫി​ലിം ഇ​ന്‍​സ്റ്റി​റ്റ്യൂ​ട്ടി​ലെ കോ​ഴ്‌​സും അ​ന്താ​രാ​ഷ്ട്ര ച​ല​ച്ചി​ത്ര മേ​ള​ക​ളും സി​നി​മാ കാ​ഴ്ച​പ്പാ​ടു​ക​ളെ മാ​റ്റി​മ​റി​ച്ചു. കൊ​ച്ചി മെ​ട്രോ ഷോ​ര്‍​ട്ട് ഫി​ലിം ഫെ​സ്റ്റി​വ​ല്‍ ആ​രം​ഭി​ച്ച​തും ച​ല​ച്ചി​ത്ര സാ​ക്ഷ​ര​ത വ​ള​ര്‍​ത്തു​ക എ​ന്ന ല​ക്ഷ്യ​ത്തോ​ടെ​യാ​ണ്.

ബെ​ന്നി ബ്രോ​
ഒ​രു ത​ലൈ രാ​ഗ​ത്തി​ല്‍ ക്യാ​മ്പ​സു​ക​ള്‍ ത​ന്നെ എ​ങ്ങ​നെയാണ് ഏ​റ്റെ​ടു​ത്തത്, അ​തു​പോ​ലെ വാ​ഴ 2 എ​ന്ന ചി​ത്ര​ത്തി​ലെ ബെ​ന്നി ബ്രോ​യെ പുതുതലമുറ സ്വീകരിച്ചതിലും വാചാലനായി രവീന്ദ്രൻ. എ​ല്ലാ ഫ്ര​ണ്ട്‌​സ് ഗ്രൂ​പ്പി​ലും ഒ​രു ബെ​ന്നി ബ്രോ ​കാ​ണും. സ്‌​ക്രീ​ന്‍ ടൈ​മി​നേ​ക്കാ​ള്‍ ഉ​പ​രി പു​തി​യ ത​ല​മു​റ​യു​മാ​യി സം​വ​ദി​ക്കാ​ന്‍ ഇതൊക്കെ തന്നെ സ​ഹാ​യി​ക്കു​ന്നു​ണ്ടെന്നും താരം അഭിപ്രായപ്പെട്ടു. സി​നി​മ​യെ വെ​റും വി​നോ​ദോ​പാ​ധി​യാ​യി മാ​ത്ര​മ​ല്ല, സാ​മൂ​ഹി​ക മാ​റ്റ​ത്തി​നു​ള്ള ആ​യു​ധ​മാ​യി കാ​ണാ​നാ​ണ് ത​നി​ക്കി​ഷ്ടമെന്നും രവീന്ദ്രൻ വ്യക്തമാക്കി.

മമ്മൂട്ടിയും മോഹൻലാലും അമ്മയുടെ തലപ്പത്ത് ഇല്ലാത്തത് നഷ്ടം
അ​മ്മ എ​ന്ന സം​ഘ​ട​ന​യു​മാ​യി ബ​ന്ധ​പ്പെ​ട്ട വി​വാ​ദ​ങ്ങ​ളി​ല്‍ നേ​രി​ട്ട് ഇ​ട​പെ​ടാ​ത്ത​തി​നാ​ല്‍ പ്ര​തി​ക​രി​ക്കാനില്ലെന്ന് രവീന്ദ്രൻ പറഞ്ഞു. മോ​ഹ​ന്‍​ലാ​ലും മ​മ്മൂ​ട്ടി​യും സം​ഘ​ട​ന​യു​ടെ നേ​തൃ​ത്വ​ത്തി​ല്‍ ഇ​ല്ലാ​ത്ത​ത് "അ​മ്മ'​യ്ക്ക് വ​ലി​യ ന​ഷ്ട​മാ​ണ്. അ​വ​രു​ടെ സാ​ന്നി​ധ്യം സം​ഘ​ട​ന​യ്ക്ക് വ​ലി​യ സാ​മ്പ​ത്തി​ക വ​ള​ര്‍​ച്ച​യും ഒ​പ്പം അ​ച്ച​ട​ക്ക​വും ന​ല്‍​കി​യി​രു​ന്നു.

സി​നി​മ​യി​ലെ ല​ഹ​രി ഉ​പ​യോ​ഗ​ത്തെ​ക്കു​റി​ച്ചു​ള്ള ആ​ശ​ങ്ക​ക​ള്‍ നി​ല​നി​ല്‍​ക്കു​ന്നു​ണ്ട്. എ​ന്നാ​ല്‍ ഇ​ത് സി​നി​മ​യി​ല്‍ മാ​ത്ര​മ​ല്ല, സ​മൂ​ഹ​ത്തി​ല്‍ ഉ​ട​നീ​ള​മു​ള്ള പ്ര​ശ്‌​ന​മാ​ണ്. സി​നി​മ​യ്ക്ക് പു​റ​ത്താ​ണ് ഇ​ത് കൂ​ടു​ത​ല്‍ വ്യാ​പ​ക​മെ​ന്ന് വി​ശ്വ​സി​ക്കു​ന്നതായും താരം പറഞ്ഞു. ഇ​ന്ന​ത്തെ മു​ന്‍​നി​ര താ​ര​ങ്ങ​ളാ​യ പൃ​ഥ്വി​രാ​ജ്, ആ​സി​ഫ് അ​ലി, കു​ഞ്ചാ​ക്കോ ബോ​ബ​ന്‍ തു​ട​ങ്ങി​യ​വ​രെ​ല്ലാം ത​ങ്ങ​ളു​ടെ ആ​രോ​ഗ്യ​ത്തി​ലും ക​രി​യ​റി​ലും അ​തീ​വ ശ്ര​ദ്ധാ​ലു​ക്ക​ളാ​ണ്. മോ​ഹ​ന്‍​ലാ​ലും മ​മ്മൂ​ട്ടി​യും പ​തി​റ്റാ​ണ്ടു​ക​ളാ​യി ത​ങ്ങ​ളു​ടെ ഊ​ര്‍​ജ​വും അ​ച്ച​ട​ക്ക​വും നി​ല​നി​ര്‍​ത്തു​ന്നു.

തന്‍റെ ജീവിതയാത്രകളെ സി​നി​മ​ക​ള്‍ കൊ​ണ്ട് മാ​ത്രം അ​ള​ക്ക​രു​തെന്നും താരം അഭിപ്രായപ്പെട്ടു. "ഒരു തലൈ രാഗം' മുതൽ "വാ​ഴ 2' വ​രെ​യു​ള്ള ചി​ത്ര​ങ്ങ​ളി​ലൂ​ടെ വി​വി​ധ ത​ല​മു​റ​ക​ളു​മാ​യി ബ​ന്ധ​പ്പെ​ടാ​ന്‍ ത​നി​ക്ക് ക​ഴി​ഞ്ഞി​ട്ടു​ണ്ടെന്നും ര​വീ​ന്ദ്ര​ന്‍ കൂട്ടിച്ചേർത്തു.

Tags : Raveendran Malayalam Movie Mollywood Oru Thalai Ragam Vaazha 2. Idukki Gold