വാ​ഹ​നാ​പ​ക​ട​ത്തി​ൽ മ​രി​ച്ച കൊ​ല്ലം സു​ധി​യു​ടെ കു​ടും​ബ​ത്തി​ന് മോ​ട്ടോ​ർ ആ​ക്സി​ഡ​ന്‍റ് ക്ലെ​യിം​സ് ട്രൈ​ബ്യൂ​ണ​ൽ ന​ഷ്ട​പ​രി​ഹാ​ര തു​ക വി​ധി​ച്ച​തി​ന് പി​ന്നാ​ലെ സോ​ഷ്യ​ൽ മീ​ഡി​യ​യി​ൽ ഉ​യ​ർ​ന്ന വ്യാ​ജ പ്ര​ചാ​ര​ണ​ങ്ങ​ൾ​ക്കും സൈ​ബ​ർ ആ​ക്ര​മ​ണ​ങ്ങ​ൾ​ക്കും എ​തി​രെ രൂ​ക്ഷ​മാ​യ പ്ര​തി​ക​ര​ണ​വു​മാ​യി രേ​ണു സു​ധി. സു​ധി​യു​മാ​യു​ള്ള വി​വാ​ഹം ര​ജി​സ്റ്റ​ർ ചെ​യ്തി​ട്ടി​ല്ലെ​ന്നും അ​തി​നാ​ൽ ന​ഷ്ട​പ​രി​ഹാ​രം ല​ഭി​ക്കി​ല്ലെ​ന്നു​മു​ള്ള ത​ര​ത്തി​ൽ ചി​ല വ്ലോ​ഗ​ർ​മാ​രും യൂ​ട്യൂ​ബ​ർ​മാ​രും ന​ട​ത്തു​ന്ന വ്യാ​ജ പ്ര​ചാ​ര​ണ​ങ്ങ​ൾ​ക്കാ​ണ് രേ​ണു വീ​ഡി​യോ​യി​ലൂ​ടെ വ്യ​ക്ത​മാ​യ മ​റു​പ​ടി ന​ൽ​കി​യി​രി​ക്കു​ന്ന​ത്.

കോ​ട​തി എ​ല്ലാ ഔ​ദ്യോ​ഗി​ക രേ​ഖ​ക​ളും വി​ശ​ദ​മാ​യി പ​രി​ശോ​ധി​ച്ചാ​ണ് ന​ഷ്ട​പ​രി​ഹാ​ര തു​ക വി​ധി​ച്ചി​രി​ക്കു​ന്ന​തെ​ന്നും അ​ല്ലാ​തെ ആ​രും വ്യാ​ജ സ​ർ​ട്ടി​ഫി​ക്ക​റ്റു​ക​ൾ ഉ​ണ്ടാ​ക്കി കോ​ട​തി​യെ ക​ബ​ളി​പ്പി​ച്ചി​ട്ടി​ല്ലെ​ന്നും രേ​ണു വ്യ​ക്ത​മാ​ക്കി. തീ​യ​തി​യു​മാ​യി ബ​ന്ധ​പ്പെ​ട്ട് ത​നി​ക്ക് പ​റ്റി​യ ചെ​റി​യൊ​രു നാ​ക്കി​ന്‍റെ പി​ഴ​യാ​ണ് ചി​ല​ർ വി​വാ​ദ​മാ​ക്കി​യ​തെ​ന്നും രേ​ണു സു​ധി കൂ​ട്ടി​ച്ചേ​ർ​ത്തു.

രേ​ണു സു​ധി​യു​ടെ വാ​ക്കു​ക​ൾ: "കാ​ൻ​സ​ർ വ​ന്ന ശേ​ഷം എ​നി​ക്ക് ചെ​റി​യൊ​രു ഓ​ർ​മ​ക്കു​റ​വു​ണ്ട്. സം​സാ​ര​ത്തി​നി​ടെ വി​വാ​ഹ വ​ർ​ഷം 2018 എ​ന്ന​തി​ന് പ​ക​രം 2017 എ​ന്ന് മാ​റി​പ്പോ​യ​ത് എ​ന്‍റെ നാ​വി​ന്‍റെ പി​ഴ​യാ​ണ്. അ​ത് വ​ച്ച് ചി​ല​ർ മോ​ശ​മാ​യ കാ​ര്യ​ങ്ങ​ൾ പ്ര​ച​രി​പ്പി​ക്കു​ന്നു​ണ്ട്. സം​ശ​യ​മു​ള്ള​വ​ർ​ക്ക് ച​ങ്ങ​നാ​ശേ​രി തെ​ങ്ങ​ണ സ​ബ് ര​ജി​സ്ട്രാ​ർ ഓ​ഫീ​സി​ൽ നേ​രി​ട്ട് പോ​യി രേ​ഖ​ക​ൾ പ​രി​ശോ​ധി​ക്കാ​വു​ന്ന​താ​ണ്. 2018 മെ​യ് ഏ​ഴി​നാ​ണ് സു​ധീ​ര​ദാ​സും രേ​ഷ്മാ പി. ​ത​ങ്ക​ച്ച​നും (രേ​ണു സു​ധി) ത​മ്മി​ലു​ള്ള വി​വാ​ഹം അ​വി​ടെ ര​ജി​സ്റ്റ​ർ ചെ​യ്തി​ട്ടു​ള്ള​ത്. അ​ത് വ​ന്ന് ക​ണ്ട് ബോ​ധ്യ​പ്പെ​ടാ​ൻ ധൈ​ര്യ​മു​ള്ള​വ​ർ​ക്ക് സാ​ധി​ക്കും."

ഒ​രു രോ​ഗി​യാ​യ ത​ന്നെ നി​ര​ന്ത​രം വേ​ട്ട​യാ​ടു​ന്ന ചി​ല വ്ലോ​ഗ​ർ​മാ​രു​ടെ പ്ര​വൃ​ത്തി​യെ​യും രേ​ണു ക​ടു​ത്ത ഭാ​ഷ​യി​ൽ വി​മ​ർ​ശി​ച്ചു. ത​നി​ക്ക് പ​ണ​മോ ന​ഷ്ട​പ​രി​ഹാ​ര​മോ ല​ഭി​ക്കു​ന്ന​തി​നേ​ക്കാ​ൾ വ​ലു​ത് സു​ധി​ച്ചേ​ട്ട​ന്‍റെ സ്നേ​ഹ​മാ​ണെ​ന്നും കി​ട്ടി​യാ​ൽ കി​ട്ടി, ഇ​ല്ലെ​ങ്കി​ൽ ഇ​ല്ല എ​ന്ന നി​ല​പാ​ടി​ലാ​ണ് താ​നെ​ന്നും രേ​ണു സു​ധി വ്യ​ക്ത​മാ​ക്കി. വ്യാ​ജ വാ​ർ​ത്ത​ക​ൾ പ്ര​ച​രി​പ്പി​ച്ച് ഒ​രു മ​നു​ഷ്യ​നെ മാ​ന​സി​ക​മാ​യി ത​ക​ർ​ക്കാ​ൻ നോ​ക്കു​ന്ന​ത് ശ​രി​യ​ല്ലെ​ന്നും രേ​ണു ഓ​ർ​മി​പ്പി​ച്ചു.

Tags : RenuSudhi CyberAttack KollamSudhi