ഷി​ക്കാ​ഗോ:  വ്യോ​മ​ഗ​താ​ഗ​ത നി​യ​ന്ത്ര​ണ കേ​ന്ദ്ര​ങ്ങ​ളി​ലെ ആ​ശ​യ​വി​നി​മ​യ ത​ക​രാ​റി​നെ തു​ട​ർ​ന്ന് അ​മേ​രി​ക്ക​യി​ലു​ട​നീ​ള​മു​ള്ള വി​മാ​ന​ത്താ​വ​ള​ങ്ങ​ളി​ൽ നി​ന്ന് വി​മാ​ന​ങ്ങ​ൾ പു​റ​പ്പെ​ടു​ന്ന​ത് ഫെ​ഡ​റ​ൽ ഏ​വി​യേ​ഷ​ൻ അ​ഡ്മി​നി​സ്ട്രേ​ഷ​ൻ (FAA) വെ​ള്ളി​യാ​ഴ്ച ഉ​ച്ച​യ്ക്കു​ശേ​ഷം താ​ൽ​ക്കാ​ലി​ക​മാ​യി നി​ർ​ത്തി​വ​ച്ചു.

ഉ​ത്ത​ര​വ് വി​മാ​ന​ങ്ങ​ളു​ടെ പു​റ​പ്പെ​ട​ലി​നാ​ണ് ബാ​ധ​ക​മാ​യ​ത്. ഇ​തി​ന​കം ആ​കാ​ശ​ത്തു​ണ്ടാ​യി​രു​ന്ന വി​മാ​ന​ങ്ങ​ൾ ഇ​റ​ങ്ങു​ന്ന​ത് തു​ട​ർ​ന്നു. അ​മേ​രി​ക്ക​യി​ലേ​ക്ക് വ​ന്നു​കൊ​ണ്ടി​രു​ന്ന അ​ന്താ​രാ​ഷ്ട്ര വി​മാ​ന​ങ്ങ​ളു​ടെ കാ​ര്യ​ത്തി​ൽ ഓ​രോ വി​മാ​ന​ത്തി​നും പ്ര​ത്യേ​കം നി​ർ​ദേ​ശം ന​ൽ​കി.

രാ​ജ്യ​ത്തെ 22 മേ​ഖ​ലാ വ്യോ​മ​ഗ​താ​ഗ​ത നി​യ​ന്ത്ര​ണ കേ​ന്ദ്ര​ങ്ങ​ളെ ആ​ശ​യ​വി​നി​മ​യ പ്ര​ശ്നം ബാ​ധി​ച്ച​താ​യി യു​എ​സ് ഗ​താ​ഗ​ത സെ​ക്ര​ട്ട​റി ഷോ​ൺ ഡ​ഫി അ​റി​യി​ച്ചു. ത​ക​രാ​റി​ന്‍റെ കാ​ര​ണം FAA സാ​ങ്കേ​തി​ക വി​ദ​ഗ്ധ​ർ അ​ന്വേ​ഷി​ക്കു​ക​യാ​ണ്. 2023 ജ​നു​വ​രി​ക്കു​ശേ​ഷം ഇ​താ​ദ്യ​മാ​യാ​ണ് അ​മേ​രി​ക്ക​യി​ൽ രാ​ജ്യ​വ്യാ​പ​ക ഗ്രൗ​ണ്ട് സ്റ്റോ​പ്പ് ഏ​ർ​പ്പെ​ടു​ത്തു​ന്ന​ത്.

പ്രാ​രം​ഭ അ​റി​യി​പ്പ​നു​സ​രി​ച്ച്, വെ​ള്ളി​യാ​ഴ്ച രാ​ത്രി 10  വ​രെ (ഷി​ക്കാ​ഗോ സ​മ​യം) നി​യ​ന്ത്ര​ണം നി​ശ്ച​യി​ച്ചി​രു​ന്നു. അ​ത് നേ​ര​ത്തേ പി​ൻ​വ​ലി​ച്ച​താ​യി സ്ഥി​രീ​ക​ര​ണം ല​ഭി​ച്ചി​ട്ടി​ല്ല. വി​മാ​ന​ത്താ​വ​ള​ത്തി​ലേ​ക്ക് പു​റ​പ്പെ​ടും​മു​മ്പ് യാ​ത്ര​ക്കാ​ർ സ്വ​ന്തം വി​മാ​ന​ത്തി​ന്‍റെ സ്ഥി​തി എ​യ​ർ​ലൈ​നു​മാ​യി പ​രി​ശോ​ധി​ക്കു​ക.

Tags : Communication failure Deepika DeepikaNewspaper BreakingNews Federal Aviation Administration halts aircraft departures in US