4

സ്റ്റാ​ർ​ക്ക് (ഫ്ലോ​റി​ഡ): 2008ൽ ​യു​വ​തി​യെ ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യ കേ​സി​ലെ പ്ര​തി മൈ​ക്ക​ൽ ലീ ​കിം​ഗി​ന്‍റെ (54) വ​ധ​ശി​ക്ഷ ഫ്ലോ​റി​ഡ​യി​ൽ ന​ട​പ്പാ​ക്കി. ചൊ​വ്വാ​ഴ്ച വൈ​കു​ന്നേ​രം 6.13ന് ​ഫ്ലോ​റി​ഡ സ്റ്റേ​റ്റ് പ്രി​സ​ണി​ൽ മാ​ര​ക​മാ​യ വി​ഷ​മി​ശ്രി​തം കു​ത്തി​വ​ച്ചാ​യി​രു​ന്നു ശി​ക്ഷാ​വി​ധി ട​പ്പാ​ക്കി​യ​ത്.

ഈ ​വ​ർ​ഷം അ​മേ​രി​ക്ക​യി​ൽ ന​ട​ക്കു​ന്ന ഏ​ഴാ​മ​ത്തെ വ​ധ​ശി​ക്ഷ​യാ​ണി​ത്. ക​ഴി​ഞ്ഞ വ​ർ​ഷം മാ​ത്രം ഫ്ലോ​റി​ഡ​യി​ൽ 19 പേ​രു​ടെ വ​ധ​ശി​ക്ഷ ന​ട​പ്പാ​ക്കി​യി​രു​ന്നു.

2008 ജ​നു​വ​രി 17ന് ​നോ​ർ​ത്ത് പോ​ർ​ട്ടി​ലെ വീ​ട്ടു​മു​റ്റ​ത്ത് ര​ണ്ട് കു​ഞ്ഞു​ങ്ങ​ളോ​ടൊ​പ്പം നി​ൽ​ക്കു​ക​യാ​യി​രു​ന്ന 21 വ​യ​സു​കാ​രി​യാ​യ യു​വ​തി​യെ മൈ​ക്ക​ൽ കിം​ഗ് ത​ട്ടി​ക്കൊ​ണ്ടു​പോ​യി.

യു​വ​തി​യെ ത​ന്‍റെ വീ​ട്ടി​ലെ​ത്തി​ച്ച് പീ​ഡി​പ്പി​ച്ച ശേ​ഷം പ്ര​തി അ​വ​രെ കാ​റി​ൽ കെ​ട്ടി​യി​ട്ട് ആ​ളൊ​ഴി​ഞ്ഞ സ്ഥ​ല​ത്തേ​ക്ക് കൊ​ണ്ടു​പോ​യി വെ​ടി​വ​ച്ചു കൊ​ല​പെ​ടു​ത്തു​ക​യാ​യി​രു​ന്നു.

കൊ​ല​പാ​ത​ക​ത്തി​ന് തൊ​ട്ടു​മു​മ്പ് പ്ര​തി​യു​ടെ ഫോ​ൺ കൈ​ക്ക​ലാ​ക്കി​യ യു​വ​തി 911ൽ ​വി​ളി​ച്ച് ത​ന്നെ ര​ക്ഷി​ക്ക​ണ​മെ​ന്ന് ക​ര​ഞ്ഞു​പ​റ​ഞ്ഞ​ത് അ​ന്ന് വ​ലി​യ വാ​ർ​ത്ത​യാ​യി​രു​ന്നു. സ്വ​ന്തം ജീ​വ​നു​വേ​ണ്ടി​യും കു​ഞ്ഞു​ങ്ങ​ളെ കാ​ണു​ന്ന​തി​നു​വേ​ണ്ടി​യും അ​വ​ർ അ​പേ​ക്ഷി​ക്കു​ന്ന ശ​ബ്ദം റെ​ക്കോ​ർ​ഡിംഗി​ലു​ണ്ടാ​യി​രു​ന്നു.

കൊ​ല്ല​പ്പെ​ട്ട യു​വ​തി​യു​ടെ ഭ​ർ​ത്താ​വും മ​ക​നും ഉ​ൾ​പ്പെ​ടെ​യു​ള്ള​വ​ർ ശി​ക്ഷാ​വി​ധി​ക്ക് സാ​ക്ഷി​ക​ളാ​യി. യു​വ​തി​ക്ക് പ്രി​യ​പ്പെ​ട്ട പി​ങ്ക് നി​റ​ത്തി​ലു​ള്ള വ​സ്ത്ര​ങ്ങ​ൾ ധ​രി​ച്ചാ​ണ് അ​വ​ർ എ​ത്തി​യ​ത്.

Tags : Woman kidnapped man executed