16

സീ​റ്റി​ൽ: പ​ക​ര​ക്കാ​ര​നാ​യി ഇ​റ​ങ്ങി സെ​ക്ക​ൻ​ഡു​ക​ൾ​ക്ക​കം മാ​ന്ത്രി​ക സ്പ​ർ​ശ​വു​മാ​യി റോ​മേ​ലു ലു​കാ​കു തി​ള​ങ്ങി​യ​പ്പോ​ൾ, ഫി​ഫ ലോ​ക​ക​പ്പി​ലെ ഗ്രൂ​പ്പ് ജി ​പോ​രാ​ട്ട​ത്തി​ൽ ഈ​ജി​പ്തി​നെ 1-1 ന് ​സ​മ​നി​ല​യി​ൽ ത​ള​ച്ച് ബെ​ൽ​ജി​യം. ആ​ദ്യ പ​കു​തി​യി​ൽ ത​ക​ർ​പ്പ​ൻ ഗോ​ളു​മാ​യി മു​ന്നി​ലെ​ത്തി​യ ഈ​ജി​പ്തി​ന്, ര​ണ്ടാം പ​കു​തി​യി​ൽ വ​ഴ​ങ്ങേ​ണ്ടി വ​ന്ന സെ​ൽ​ഫ് ഗോ​ളാ​ണ് തി​രി​ച്ച​ടി​യാ​യ​ത്. ഇ​തോ​ടെ ലോ​ക​ക​പ്പ് ച​രി​ത്ര​ത്തി​ലെ ത​ങ്ങ​ളു​ടെ ആ​ദ്യ വി​ജ​യ​മെ​ന്ന ഈ​ജി​പ്തി​ന്റെ കാ​ത്തി​രി​പ്പ് വീ​ണ്ടും നീ​ളും.

സീ​റ്റി​ൽ സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ന്‍റെ 19-ാം മി​നി​റ്റി​ൽ സൂ​പ്പ​ർ താ​രം മു​ഹ​മ്മ​ദ് സ​ലാ​യു​ടെ അ​സി​സ്റ്റി​ൽ നി​ന്ന് ഇ​മാം അ​ഷോ​റാ​ണ് ഈ​ജി​പ്തി​നെ മു​ന്നി​ലെ​ത്തി​ച്ച​ത്. ബോ​ക്സി​ന് പു​റ​ത്തു​നി​ന്ന് അ​ഷൂ​ർ തൊ​ടു​ത്ത ലോം​ഗ് റേ​ഞ്ച​ർ ബെ​ൽ​ജി​യം ഗോ​ളി തി​ബോ കോ​ർ​ട്ടോ​യെ കാ​ഴ്ച​ക്കാ​ര​നാ​ക്കി വ​ല​യി​ൽ പ​തി​ക്കു​ക​യാ​യി​രു​ന്നു. ആ​ദ്യ പ​കു​തി​യി​ൽ ഈ​ജി​പ്ഷ്യ​ൻ പ്ര​തി​രോ​ധ​ത്തി​ന് മു​ന്നി​ൽ കെ​വി​ൻ ഡി ​ബ്രൂ​യ്‌​നെ ന​യി​ച്ച ബെ​ൽ​ജി​യം നി​ര​യ്ക്ക് കാ​ര്യ​മാ​യ ച​ല​ന​ങ്ങ​ൾ ഉ​ണ്ടാ​ക്കാ​ൻ സാ​ധി​ച്ചി​ല്ല.

എ​ന്നാ​ൽ ര​ണ്ടാം പ​കു​തി​യി​ൽ ക​ളി മാ​റി. 65-ാം മി​നി​റ്റി​ൽ ചാ​ൾ​സ് ഡി ​കെ​റ്റെ​ലെ​യ​റി​ന് പ​ക​രം കോ​ച്ച് റോ​മേ​ലു ലു​കാ​കു​വി​നെ മൈ​താ​ന​ത്തി​റ​ക്കി. താ​രം ക​ള​ത്തി​ൽ ഇ​റ​ങ്ങി വെ​റും 22 സെ​ക്ക​ൻ​ഡു​ക​ൾ​ക്ക​കം ബെ​ൽ​ജി​യം സ​മ​നി​ല ഗോ​ൾ ക​ണ്ടെ​ത്തി. തോ​മ​സ് മ്യൂ​നി​യ​ർ ബോ​ക്സി​ലേ​ക്ക് ന​ൽ​കി​യ മ​നോ​ഹ​ര​മാ​യ ക്രോ​സ് സ്വീ​ക​രി​ക്കാ​ൻ ലു​കാ​കു ന​ട​ത്തി​യ മു​ന്നേ​റ്റം ഈ​ജി​പ്ത് പ്ര​തി​രോ​ധ​ത്തെ സ​മ്മ​ർ​ദ്ദ​ത്തി​ലാ​ക്കി. ലു​കാ​കു​വി​നെ ത​ട​യാ​നു​ള്ള ശ്ര​മ​ത്തി​നി​ട​യി​ൽ ഈ​ജി​പ്ഷ്യ​ൻ ഡി​ഫെ​ൻ​ഡ​ർ മു​ഹ​മ്മ​ദ് ഹാ​നി​യു​ടെ കാ​ലി​ൽ ത​ട്ടി പ​ന്ത് സ്വ​ന്തം വ​ല​യി​ലേ​ക്ക് ത​ന്നെ ക​യ​റു​ക​യാ​യി​രു​ന്നു. ‌

അ​വ​സാ​ന മി​നി​റ്റു​ക​ളി​ൽ ഇ​രു​ടീ​മു​ക​ൾ​ക്കും വി​ജ​യ​ഗോ​ൾ നേ​ടാ​ൻ അ​വ​സ​ര​ങ്ങ​ൾ ല​ഭി​ച്ചെ​ങ്കി​ലും ഗോ​ളി​മാ​രു​ടെ മി​ക​ച്ച പ്ര​ക​ട​നം സ്കോ​ർ ബോ​ർ​ഡ് 1-1 ൽ ​ഒ​തു​ക്കി.

Tags : Romelu Lukaku FIFA World Cup Latest News Sports