ഇ​ല്ല, ശു​ദ്ധ​സം​ഗീ​തം ത​ല​വേ​ദ​ന​യു​ണ്ടാ​ക്കി​ല്ല!
ശാ​സ്ത്രീ​യ സം​ഗീ​ത​ജ്ഞ​നെ​ക്കു​റി​ച്ചു​ള്ള സി​നി​മ​യാ​ണ്. അ​തി​ലെ പാ​ട്ടു​ക​ൾ അ​ടി​പൊ​ളി ഗ​ണ​ത്തി​ലു​ള്ള​താ​യാ​ൽ ശ​രി​യാ​വി​ല്ലെ​ന്ന​തു പ​ര​മാ​ർ​ഥം. അ​വ ശു​ദ്ധ​സം​ഗീ​ത​മാ​യാ​ലേ പ​റ്റൂ. പ​ക്ഷേ നി​ർ​മാ​താ​ക്ക​ളി​ലൊ​രാ​ൾ​ക്ക് അ​ഭി​പ്രാ​യ​വ്യ​ത്യാ​സം- "ശാ​സ്ത്രീ​യ​സം​ഗീ​തം കേ​ട്ട് ആ​ളു​ക​ൾ​ക്ക് ത​ല​വേ​ദ​നി​ക്കും, അ​വ​ർ തി​യ​റ്റ​റി​ൽ​നി​ന്ന് ഓ​ടി​ര​ക്ഷ​പ്പെ​ടും' എ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ നി​ല​പാ​ട്.

എ​ന്നാ​ൽ സം​ഗീ​ത​സം​വി​ധാ​യ​ക​ൻ ഒ​രു വി​ട്ടു​വീ​ഴ്ച​യ്ക്കും ത​യാ​റ​ല്ലാ​യി​രു​ന്നു. അ​തേ​ക്കു​റി​ച്ച് പി​ന്നീ​ട​ദ്ദേ​ഹം ഇ​ങ്ങ​നെ ഓ​ർ​മി​ച്ചു: എ​ന്തി​നാ​ണ് എ​പ്പോ​ഴും ആ​ളു​ക​ൾ​ക്കി​ഷ്ട​മു​ള്ള​ത് ഇ​താ​ണ് എ​ന്നു ന​മ്മ​ൾ ക​രു​തു​ന്ന​വ മാ​ത്രം വി​ള​ന്പി​ക്കൊ​ടു​ക്കു​ന്ന​ത്!. സി​നി​മ​യെ​യും പാ​ട്ടി​നെ​യും കു​റി​ച്ച് ആ​ളു​ക​ൾ​ക്കു​ള്ള ധാ​ര​ണ മാ​റ്റാ​ൻ എ​നി​ക്ക് ആ​ഗ്ര​ഹ​മു​ണ്ടാ​യി​രു​ന്നു. അ​തു​കൊ​ണ്ടു​ത​ന്നെ ശാ​സ്ത്രീ​യ സം​ഗീ​ത​പാ​ര​ന്പ​ര്യം ഉ​ൾ​ക്കൊ​ള്ളു​ന്ന പാ​ട്ടു​ക​ളാ​ണു​ണ്ടാ​ക്കി​യ​തും. അ​വ ജ​ന​ങ്ങ​ൾ സ്വീ​ക​രി​ക്കു​ക​യും ചെ​യ്തു. നൗ​ഷാ​ദ് ആ​യി​രു​ന്നു ആ ​ധൈ​ര്യ​ശാ​ലി​യാ​യ സം​ഗീ​ത​സം​വി​ധാ​യ​ക​ൻ. സി​നി​മ​യാ​ക​ട്ടെ, പ്ര​ശ​സ്ത​മാ​യ ബൈ​ജു ബാ​വ് ര​യും.

ഇ​ന്നും ഓ​ർ​മി​ക്കു​ന്ന പാ​ട്ടു​ക​ൾ

1952ൽ ​പു​റ​ത്തി​റ​ങ്ങി​യ ബൈ​ജു ബാ​വ്‌ര ​ഇ​ന്ന​ധി​കം​പേ​രും ഓ​ർ​ക്കു​ന്നു​ണ്ടാ​വി​ല്ല. അ​ത്ത​ര​മൊ​രു മെ​ലോ​ഡ്രാ​മ ഇ​ന്ന​ത്തെ ത​ല​മു​റ​യ്ക്ക് ഒ​രു​പ​ക്ഷേ സ​ഹി​ക്കാ​നു​മാ​കി​ല്ല. എ​ന്നാ​ൽ അ​തി​ലെ പാ​ട്ടു​ക​ൾ ച​രി​ത്ര​ത്തി​ന്‍റെ ഭാ​ഗ​മാ​ണ്. ഇ​ന്നും അ​വ ഏ​റ്റു​പാ​ട​പ്പെ​ടു​ന്നു. രാ​ഗാ​ധി​ഷ്ഠി​ത​മാ​യ ഒ​രു ഡ​സ​നി​ലേ​റെ പാ​ട്ടു​ക​ളാ​ണ് ആ ​ചി​ത്ര​ത്തി​ലു​ള്ള​ത്. അ​വ​ത​ന്നെ​യാ​ണ് ചി​ത്ര​ത്തി​ന്‍റെ ആ​ത്മാ​വ്. സി​നി​മ​യു​ടെ പേ​ര​റി​യാ​ത്ത​വ​ർ​ക്കും മു​ഹ​മ്മ​ദ് റ​ഫി​യു​ടെ ഓ ​ദു​നി​യാ കേ ​ര​ഖ് വാ​ലേ കാ​ണാ​പ്പാ​ഠ​മാ​യി​രി​ക്കും. ദ​ർ​ബാ​റി രാ​ഗ​ത്തി​ലു​ള്ള ആ ​പാ​ട്ട് എ​ത്ര ക​ഠി​ന​ഹൃ​ദ​യ​ങ്ങ​ളെ​യും ഉ​രു​ക്കി​ക്ക​ള​യു​ന്നു​ണ്ട​ല്ലോ.
അ​ന്നു​വ​രെ പാ​ശ്ചാ​ത്യ സം​ഗീ​ത​ത്തി​ന്‍റെ സാ​ധ്യ​ത​ക​ളെ പ​ര​മാ​വ​ധി ഉ​പ​യോ​ഗ​പ്പെ​ടു​ത്തി​യി​ട്ടു​ള്ള സം​ഗീ​ത​സം​വി​ധാ​യ​ക​നാ​ണ് നൗ​ഷാ​ദ് എ​ന്നോ​ർ​ക്ക​ണം. എ​ന്നാ​ൽ ബൈ​ജു ബാ​വ്‌രയി​ൽ അ​ദ്ദേ​ഹം മെ​ന​ഞ്ഞെ​ടു​ത്ത രാ​ഗ​ശി​ല്പ​ങ്ങ​ൾ​ക്കു​ശേ​ഷം രാ​ഗാ​ധി​ഷ്ഠി​ത​മാ​യ പാ​ട്ടു​ക​ൾ ഹി​ന്ദി സി​നി​മ​യി​ൽ കൂ​ടു​ത​ലാ​യി പി​റ​ന്നു.

ക്ലാ​സി​ക്കു​ക​ളി​ൽ ഒ​ന്ന്

സാ​ധ്യ​ത​ക​ളു​ടെ സാ​ഗ​രം തു​റ​ന്നി​ടു​ന്ന രാ​ഗ​ങ്ങ​ളി​ൽ പ്ര​ധാ​നമത്രേ ഭൈ​ര​വി. ക്യൂ​ൻ ഓ​ഫ് മെ​ല​ഡി എ​ന്നു വി​ശേ​ഷി​പ്പി​ക്ക​പ്പെ​ടു​ന്നു പു​ല​ർ​കാ​ല രാ​ഗ​മാ​യ അ​ത്. കോ​മ​ള​സ്വ​ര​ങ്ങ​ളും മൃ​ദു​വാ​യ ആ​ലാ​പ​ന​വും ചേ​രു​ന്പോ​ൾ ഭൈ​ര​വി ഹൃ​ദ​യം​തൊ​ടും.

ബൈ​ജു ബാ​വ്‌ര​യി​ലെ സു​ന്ദ​ര​മാ​യ ഒ​രു​പാ​ട്ടി​ന് നൗ​ഷാ​ദ് ആ​ധാ​ര​മാ​ക്കി​യ​തും ഭൈ​ര​വി​ത​ന്നെ. വേ​ർ​പാ​ടി​ന്‍റെ വേ​ദ​ന​യാ​ണ് മോ​ഹേ ഭൂ​ൽ ഗ​യേ സാ​വ​രി​യാ എ​ന്ന ആ ​പാ​ട്ട് അ​നു​ഭ​വി​പ്പി​ക്കു​ന്ന​ത്. എ​ന്നാ​ൽ അ​ന്നു​വ​രെ കേ​ട്ട ദുഃ​ഖ​ഗാ​ന​ങ്ങ​ളി​ൽ​നി​ന്ന് അ​തി​നെ വേ​റൊ​രു ത​ല​ത്തി​ലേ​ക്ക് ഉ​യ​ർ​ത്താ​ൻ നൗ​ഷാ​ദി​ന്‍റെ സം​ഗീ​ത​ത്തി​നും ല​താ മ​ങ്കേ​ഷ്ക​റു​ടെ ആ​ലാ​പ​ന​ത്തി​നും സാ​ധി​ച്ചു. ക​ടു​ത്ത ദുഃ​ഖ​ത്തി​നും ഭൈ​ര​വി ഗാം​ഭീ​ര്യം ന​ൽ​കി. നൗ​ഷാ​ദ് ഉ​ര​ച്ചു​മി​നു​ക്കി​യെ​ടു​ത്ത ര​ത്ന​മാ​ണ് ഈ ​പാ​ട്ട്.
ക​വി പ്ര​ദീ​പി​നെ​ക്കൊ​ണ്ട് ബൈ​ജു ബാ​വ്‌ര​യി​ലെ പാ​ട്ടു​ക​ളെ​ഴു​തി​ക്കാ​നാ​ണ് ആ​ദ്യം തീ​രു​മാ​നി​ച്ചി​രു​ന്ന​ത്. അ​ദ്ദേ​ഹം നൗ​ഷാ​ദി​നെ​ക്കാ​ണാ​ൻ എ​ത്തു​ക​യും ചെ​യ്തു. പ​ക്ഷേ അ​തി​നാ​യി എ​ന്തു​കൊ​ണ്ടോ ഏ​റെ​നേ​രം കാ​ത്തു​നി​ൽ​ക്കേ​ണ്ടി​വ​ന്നു. ക​വി ദേ​ഷ്യ​പ്പെ​ട്ടു മ​ട​ങ്ങു​ക​യും ചെ​യ്തു. അ​ങ്ങ​നെ​യാ​ണ് ഗാ​ന​ര​ച​യി​താ​വാ​യി നൗ​ഷാ​ദി​ന്‍റെ അ​ടു​ത്ത ബ​ന്ധു​കൂ​ടി​യാ​യ ഷ​ക്കീ​ൽ ബ​ദാ​യു​നി എ​ത്തു​ന്ന​ത്. ആ ​തീ​രു​മാ​നം ഉ​ചി​ത​മാ​വു​ക​യും ചെ​യ്തു. ഷ​ക്കീ​ലി​ന്‍റെ വ​രി​ക​ൾ അ​ത്ര​മേ​ൽ ശ​ക്ത​മാ​യി​രു​ന്നു.

പ​നി​ച്ചൂ​ടി​ൽ ല​ത

ക​ടു​ത്ത പ​നി​യു​മാ​യാ​ണ് ല​താ മ​ങ്കേ​ഷ്ക​ർ ഈ ​പാ​ട്ടി​ന്‍റെ റെ​ക്കോ​ർ​ഡിം​ഗി​ന് എ​ത്തി​യ​തെ​ന്ന് ചി​ത്ര​ത്തി​ന്‍റെ സം​വി​ധാ​യ​ക​നാ​യ വി​ജ​യ് ഭ​ട്ടി​ന്‍റെ കൊ​ച്ചു​മ​ക​ൾ പൗ​ര​വി ഭ​ട്ട് ഓ​ർ​മി​ച്ചി​ട്ടു​ണ്ട്. "അ​സു​ഖം വ​ക​വ​യ്ക്കാ​തെ രാ​ത്രി​മു​ഴു​വ​ൻ നീ​ണ്ട റെ​ക്കോ​ർ​ഡിം​ഗ് ല​ത പൂ​ർ​ത്തി​യാ​ക്കി. വേ​ദ​ന​യി​ലൂ​ടെ​യാ​ണ് ഒ​രാ​ളു​ടെ മു​ഴു​വ​ൻ ക​ഴി​വു​ക​ളും പു​റ​ത്തു​വ​രി​ക​യെ​ന്നു പ​റ​യാ​റു​ണ്ട്. ബൈ​ജു ബാ​വ് ര​യു​ടെ കാ​ര്യ​ത്തി​ൽ അ​ത് സ​ത്യ​മാ​ണ്. ഈ ​പാ​ട്ടി​ലും ആ ​വേ​ദ​ന​യു​ണ്ട്'- പൗ​ര​വി പ​റ​യു​ന്നു.

ബൈ​ജു ബാ​വ്‌രയി​ലെ തൂ ​ഗം​ഗാ കീ ​മോ​ജ് എ​ന്ന പാ​ട്ടി​ലൂ​ടെ നൗ​ഷാ​ദി​ന് 1954ലെ ​മി​ക​ച്ച സം​ഗീ​ത​സം​വി​ധാ​യ​ക​നു​ള്ള ഫി​ലിം​ഫെ​യ​ർ പു​ര​സ്കാ​രം ല​ഭി​ച്ചു. ആ ​പാ​ട്ടും ചി​ട്ട​പ്പെ​ടു​ത്തി​യ​ത് ഭൈ​ര​വി രാ​ഗ​ത്തി​ലാ​യി​രു​ന്നു.

ഹരിപ്രസാദ്‌





Copyright @ 2020 , Rashtra Deepika Ltd.