മും​​ബൈ: തു​​ട​​ർ​​ച്ച​​യാ​​യ മൂ​​ന്നു ദി​​വ​​സ​​ത്തെ ഇ​​ടി​​വി​​നു​​ശേ​​ഷം ഇ​​ന്ത്യ​​ൻ ഓ​​ഹ​​രി​​വി​​പ​​ണി നാ​​ഷ​​ണ​​ൽ സ്റ്റോ​​ക് എ​​ക്സ്ചേ​​ഞ്ച് നി​​ഫ്റ്റി​​യും ബോം​​ബെ സ്റ്റോ​​ക് എ​​ക്സ്ചേ​​ഞ്ച് സെ​​ൻ​​സെ​​ക്സും നേ​​ട്ട​​ത്തി​​ലെ​​ത്തി. ഓ​​ട്ടോ, ഐ​​ടി, ഫാ​​ർ​​മ ഓ​​ഹ​​രി​​ക​​ളി​​ലു​​ണ്ടാ​​യ വാ​​ങ്ങ​​ലു​​ക​​ളാ​​ണ് മു​​ന്നേ​​റ്റ​​ത്തി​​നു കാ​​ര​​ണ​​മാ​​യ​​ത്. എ​​ന്നാ​​ൽ വ്യാ​​പാ​​ര​​ത്തി​​ന്‍റെ തു​​ട​​ക്ക​​ത്തി​​ലു​​ണ്ടാ​​യി​​രു​​ന്ന കു​​തി​​പ്പ് ഉ​​ച്ച​​ക​​ഴി​​ഞ്ഞു​​ള്ള സെ​​ഷ​​നി​​ൽ തു​​ട​​രാ​​നാ​​യി​​ല്ല. വി​​ശാ​​ല വി​​പ​​ണി​​ക​​ളും നേ​​ട്ട​​ത്തി​​ലാ​​ണ് ക്ലോ​​സ് ചെ​​യ്ത​​ത്.

സെ​​ൻ​​സെ​​ക്സ് 410.19 പോ​​യി​​ന്‍റ് (0.51%) ഉ​​യ​​ർ​​ന്ന് 81,596.63ലും ​​നി​​ഫ്റ്റി 129.55 പോ​​യി​​ന്‍റ് (0.52) നേ​​ട്ട​​ത്തി​​ൽ 24,813.45ലും ​​ക്ലോ​​സ് ചെ​​യ്തു. 2214 ഓ​​ഹ​​രി​​ക​​ൾ ഉ​​യ​​ർ​​ന്ന​​പ്പോ​​ൾ 1615 എ​​ണ്ണം താ​​ഴ്ന്നു. 126 ഓ​​ഹ​​രി​​ക​​ൾ മാ​​റ്റ​​മി​​ല്ലാ​​തെ നി​​ന്നു.

എ​​ൻ​​എ​​സ്ഇ​​യി​​ലെ മേ​​ഖ​​ലാ സൂ​​ചി​​ക​​ക​​ൾ കൂ​​ടു​​ത​​ലും ഉ​​യ​​ർ​​ന്നു. റി​​യ​​ൽ​​റ്റി ഓ​​ഹ​​രി​​ക​​ളാ​​ണ് നേ​​ട്ട​​ങ്ങ​​ൾ​​ക്ക് നേ​​തൃ​​ത്വം ന​​ൽ​​കി​​യ​​ത്. നി​​ഫ്റ്റി റി​​യ​​ൽ​​റ്റി സൂ​​ചി​​ക 1.72 ശ​​ത​​മാ​​നം ഉ​​യ​​ർ​​ന്നു, പി​​ന്നാ​​ലെ നി​​ഫ്റ്റി ഫാ​​ർ​​മ 1.25 ശ​​ത​​മാ​​ന​​വും നി​​ഫ്റ്റി ഓ​​ട്ടോ, ഐ​​ടി തു​​ട​​ങ്ങി​​യ​​വ യ​​ഥാ​​ക്ര​​മം 0.72 ശ​​ത​​മാ​​നം, 0.69 ശ​​ത​​മാ​​നം മു​​ന്നേ​​റി.

മ​​റ്റ് മേ​​ഖ​​ലാ സൂ​​ചി​​ക​​ക​​ളി​​ൽ എ​​ഫ്എം​​സി​​ജി, ഇ​​ൻ​​ഫ്രാ​​സ്ട്ര​​ക്ച​​ക​​ർ, ഉൗ​​ർ​​ജം, പൊ​​തു​​മേ​​ഖ​​ലാ ബാ​​ങ്കു​​ക​​ൾ എ​​ന്നി​​വ​​യും ഭേ​​ദ​​പ്പെ​​ട്ട പ്ര​​ക​​ട​​ന​​മാ​​ണ് കാ​​ഴ്ച​​വ​​ച്ച​​ത്. 0.49 ശ​​ത​​മാ​​നം താ​​ഴ്ന്ന ക​​ണ്‍​സ്യൂ​​മ​​ർ ഡ്യൂ​​റ​​ബി​​ൾ​​സ് സൂ​​ചി​​ക​​യാ​​ണ് ഇ​​ന്ന​​ലെ ഏ​​റ്റ​​വും മോ​​ശം പ്ര​​ക​​ട​​നം ന​​ട​​ത്തി​​യ​​ത്. നി​​ഫ്റ്റി ബാ​​ങ്ക്, നി​​ഫ്റ്റി പ്രൈ​​വ​​റ്റ് ബാ​​ങ്ക് സൂ​​ചി​​ക​​ക​​ൾ നേ​​രി​​യ ഉ​​യ​​ർ​​ച്ച​​യോ​​ടെ മാ​​റ്റ​​മി​​ല്ലാ​​തെ​​യി​​രു​​ന്നു.

വി​​ശാ​​ല വി​​പ​​ണി​​യെ ഉ​​ൾ​​ക്കൊ​​ള്ളു​​ന്ന നി​​ഫ്റ്റി മി​​ഡ്കാ​​പ് 100, നി​​ഫ്റ്റി സ്മോ​​ൾ​​കാ​​പ് 100 സൂ​​ചി​​ക​​ക​​ൾ യ​​ഥാ​​ക്ര​​മം 0.78 ശ​​ത​​മാ​​നം, 0.38 ശ​​ത​​മാ​​നം മു​​ന്നേ​​റി.


പിൻവലിക്കൽ തുടരാതെ എ​​ഫ്ഐ​​ഐ​​ക​​ൾ

ഫോ​​റി​​ൻ ഇ​​ൻ​​സ്റ്റി​​റ്റ്യൂ​​ഷ​​ണ​​ൽ ഇ​​ൻ​​വെ​​സ്റ്റേ​​ഴ്സ് (എ​​ഫ്ഐ​​ഐ​​ക​​ൾ) തു​​ട​​ർ​​ച്ച​​യാ​​യ ര​ണ്ടു ദി​വ​സ​ത്തെ വി​ല്പ​ന​യ്ക്കു​ശേ​ഷം ഇ​ന്ന​ലെ ഓ​ഹ​രി വി​പ​ണി​യി​ലേ​ക്ക് നി​ക്ഷേ​പം ന​ട​ത്തി. 2201.79 കോ​ടി​യുടെ വാ​ങ്ങ​ലു​ക​ളാ​ണ് ന​ട​ത്തി​യ​ത്. എ​ഫ്ഐ​ഐ​ക​ൾ ഇ​ന്ന​ലെ 13,355.91 കോ​ടി രൂ​പ​യു​ടെ ഓ​ഹ​രി​ക​ൾ വാ​ങ്ങു​ക​യും 11,154.12 കോ​ടി രൂ​പ​യു​ടെ ഓ​ഹ​രി​ക​ൾ വി​ല്ക്കു​ക​യും ചെ​യ്തു.

ക​​ഴി​​ഞ്ഞ​​യാ​​ഴ്ച എ​​ഫ്ഐ​​ഐ​​ക​​ൾ അ​​ഞ്ചി​​ൽ നാ​​ലു ദി​​വ​​സ​​വും ഇ​​ന്ത്യ​​ൻ വി​​പ​​ണി​​യി​​ലെ നി​​ക്ഷേ​​പ​​ക്കാ​​രാ​​യി​​രു​​ന്നു. എ​​ന്നാ​​ൽ ഈ ​​ആ​​ഴ്ചയുടെ ആദ്യ രണ്ടു ദിവസം നി​​ക്ഷേ​​പം പി​​ൻ​​വ​​ലി​​ക്കു​​ക​​യാ​​ണ് ചെയ്തത്. തി​​ങ്ക​​ളാ​​ഴ്ച 525.95 കോ​​ടി മൂ​​ല്യ​​മു​​ള്ള ഓ​​ഹ​​രി​​ക​​ൾ വി​​റ്റു. ചൊ​​വ്വാ​​ഴ്ച 10,016 കോ​​ടി രൂ​​പ​​യു​​ടെ ഓ​​ഹ​​രി​​ക​​ളാ​​ണ് വി​​റ്റ​​ഴി​​ച്ച​​ത്.

ര​​ണ്ടു മാ​​സ​​ത്തി​​നി​​ട​​യി​​ലെ ഒ​​രു ദി​​വ​​സ​​ത്തെ ഏ​​റ്റ​​വും വ​​ലി​​യ വി​​ല്പന​​യാ​​ണിതെ​​ന്ന് എ​​ൻ​​എ​​സ്ഇ​​യു​​ടെ ക​​ണ​​ക്കു​​ക​​ൾ വ്യ​​ക്ത​​മാ​​ക്കു​​ന്നു. എ​​ന്നാ​​ൽ, ഡൊ​​മ​​സ്റ്റി​​ക് ഇ​​ൻ​​സ്റ്റി​​റ്റ്യൂ​​ഷ​​ണ​​ൽ ഇ​​ൻ​​വെ​​സ്റ്റേ​​ഴ്സ് (ഡി​​ഐ​​ഐ​​ക​​ൾ) 6,738 കോ​​ടി​​യു​​ടെ ഓ​​ഹ​​രി​​ക​​ൾ വാ​​ങ്ങി വി​​പ​​ണി​​യെ താ​​ങ്ങി​​നി​​ർ​​ത്തി. തി​​ങ്ക​​ളാ​​ഴ്ച ആ​​ഭ്യ​​ന്ത​​ര നി​​ക്ഷേ​​പ​​ക​​ർ വി​​ൽ​​പ്പ​​ന​​ക്കാ​​രാ​​യി​​രു​​ന്നു.

മേ​​യ് 20ലെ ​​വ്യാ​​പാ​​ര സെ​​ഷ​​നി​​ൽ വി​​ദേ​​ശ നി​​ക്ഷേ​​പ​​ക​​ർ 14,789 കോ​​ടി രൂ​​പ​​യു​​ടെ ഓ​​ഹ​​രി​​ക​​ൾ വാ​​ങ്ങു​​ക​​യും 24,804 കോ​​ടി രൂ​​പ​​യു​​ടെ ഓ​​ഹ​​രി​​ക​​ൾ വി​​ൽ​​ക്കു​​ക​​യും ചെ​​യ്തു. ഡി​​ഐ​​ഐ​​ക​​ൾ 15,376 കോ​​ടി രൂ​​പ​​യു​​ടെ ഓ​​ഹ​​രി​​ക​​ൾ വാ​​ങ്ങു​​ക​​യും 8,638 കോ​​ടി രൂ​​പ​​യു​​ടെ ഓ​​ഹ​​രി​​ക​​ൾ വി​​ൽ​​ക്കു​​ക​​യും ചെ​​യ്തു.