കാ​നം മു​ത​ൽ ത​ല​സ്ഥാ​നം വ​രെ; മ​ൺ​മ​റ​ഞ്ഞ​ത് ഇ​ട​ത് രാ​ഷ്ട്രീ​യ​ത്തി​ലെ അ​തി​കാ​യ​ൻ
കാ​നം മു​ത​ൽ ത​ല​സ്ഥാ​നം വ​രെ; മ​ൺ​മ​റ​ഞ്ഞ​ത് ഇ​ട​ത് രാ​ഷ്ട്രീ​യ​ത്തി​ലെ അ​തി​കാ​യ​ൻ
Friday, December 8, 2023 11:25 PM IST
കോ​ട്ട​യം: ക​റ​തീ​ർ​ന്ന ക​മ്മ്യൂ​ണി​സ്റ്റ്, കാ​ർ​ക്ക​ശ്യ​ക്കാ​ര​നാ​യ ട്രേ​ഡ് യൂ​ണി​യ​നി​സ്റ്റ്, സ​ഖാ​ക്ക​ൾ​ക്ക് പ്രി​യ​ങ്ക​ര​നാ​യ നേ​താ​വ് ... കാ​നം എ​ന്ന കൊ​ച്ചു​ഗ്രാ​മ​ത്തി​ൽ നി​ന്നും സം​സ്ഥാ​ന രാ​ഷ്ട്രീ​യ​ത്തി​ലെ പ്ര​ബ​ല നി​ര​യി​ലേ​ക്ക് കാ​നം രാ​ജേ​ന്ദ്ര​ൻ ന​ട​ന്നു ക​യ​റു​ക​യാ​യി​രു​ന്നു.

രാ​ഷ്ട്രീ​യം താ​ത്പ​ര്യം കൗ​മാ​ര​ത്തി​ലെ തു​ട​ങ്ങി​യെ​ങ്കി​ലും എ​ഐ​എ​സ്എ​ഫി​ലൂ​ടെ​യാ​ണ് പൊ​തു​രം​ഗ​ത്ത് എ​ത്തി​യ​ത്. 21-ാം വ​യ​സി​ൽ എ​ൻ.​ഇ.​ബ​ൽ​റാം, ടി.​വി.​തോ​മ​സ്, സി.​അ​ച്യു​ത​മേ​നോ​ൻ, എം.​എ​ൻ.​ഗോ​വി​ന്ദ​ൻ​നാ​യ​ർ, വെ​ളി​യം ഭാ​ർ​ഗ​വ​ൻ എ​ന്നി​വ​രു​ടെ പേ​രി​നൊ​പ്പം സി​പി​ഐ സം​സ്ഥാ​ന കൗ​ൺ​സി​ലി​ൽ കാ​നം രാ​ജേ​ന്ദ്ര​ൻ എ​ന്ന പേ​രും എ​ഴു​തി​ച്ചേ​ർ​ത്തു. യു​വാ​ക്ക​ളു​ടെ ഹ​ര​മാ​യി മാ​റി​യ കാ​നം 23-ാം വ​യ​സി​ൽ എ​ഐവൈഎഫ് സം​സ്ഥാ​ന സെ​ക്ര​ട്ട​റി പ​ദ​ത്തി​ലെ​ത്തി.

യു​വ​ജ​ന പ്ര​സ്ഥാ​ന​ങ്ങ​ൾ​ക്കി​ട​യി​ൽ തീ​പ്പ​ന്ത​മാ​യി മാ​റി​യ കാ​നം 28-ാം വ​യ​സി​ൽ സി​പി​ഐ സം​സ്ഥാ​ന സെ​ക്ര​ട്ട​റി​യേ​റ്റ് അം​ഗ​മാ​യി. ത​ഴ​ക്കം വ​ന്ന സം​സ്ഥാ​ന രാ​ഷ്ട്രീ​യ​ത്തി​ലെ അ​തി​കാ​യ​ർ​ക്കൊ​പ്പ​മു​ള്ള പ്ര​വ​ർ​ത്ത​നം കാ​ന​ത്തെ ചി​ട്ട​യു​ള്ള ക​മ്മ്യൂ​ണി​സ്റ്റു​കാ​ര​നാ​ക്കി.

1982-ൽ ​ഏ​ഴാം കേ​ര​ള നി​യ​മ​സ​ഭ​യി​ലേ​ക്ക് ന​ട​ന്ന തെ​ര​ഞ്ഞെ​ടു​പ്പി​ൽ കാ​നം ജ​ന​വി​ധി തേ​ടാ​നും ഇ​റ​ങ്ങി. സ്വ​ന്തം വീ​ടി​രി​ക്കു​ന്ന കോ​ട്ട​യം ജി​ല്ല​യി​ലെ വാ​ഴൂ​ർ (ഇ​ന്ന് കാ​ഞ്ഞി​ര​പ്പ​ള്ളി) മ​ണ്ഡ​ല​ത്തി​ലാ​ണ് ആ​ദ്യ​മാ​യി മ​ത്സ​രി​ച്ച​ത്. കേ​ര​ള കോ​ൺ​ഗ്ര​സ്-​എ​മ്മി​ലെ എം.​കെ.​ജോ​സ​ഫി​നെ വീ​ഴ്ത്തി കാ​നം നി​യ​മ​സ​ഭ​യു​ടെ പ​ട​വു​ക​ൾ ക​യ​റി.

തൊ​ട്ടു​പി​ന്നാ​ലെ 1987-ലെ ​തെ​ര​ഞ്ഞെ​ടു​പ്പി​ൽ വീ​ണ്ടും അ​ങ്ക​ത്തി​നി​റ​ങ്ങി​യ കാ​ന​ത്തി​ന് പി​ഴ​ച്ചി​ല്ല. യു​വ​നേ​താ​വാ​യി​രു​ന്ന പി.​സി.​തോ​മ​സി​നെ വീ​ഴ്ത്തി ര​ണ്ടാ​മ​തും കാ​നം നി​യ​മ​സ​ഭ​യി​ൽ എ​ത്തി. എ​ന്നാ​ൽ 1991-ൽ ​രാ​ജീ​വ് ഗാ​ന്ധി​യു​ടെ മ​ര​ണ​ശേ​ഷ​മു​ണ്ടാ​യ തെ​ര​ഞ്ഞെ​ടു​പ്പി​ൽ കാ​ന​ത്തി​ന് അ​ടി​തെ​റ്റി.

മു​ൻ​മ​ന്ത്രി​യാ​യി​രു​ന്ന പ്ര​ഫ.​കെ.​നാ​രാ​യ​ണ​ക്കു​റു​പ്പി​നോ​ട് ആ​ദ്യ​മാ​യി തോ​ൽ​വി ഏ​റ്റു​വാ​ങ്ങി. പി​ന്നീ​ട് പാ​ർ​ല​മെ​ന്‍റ​റി രാ​ഷ്ട്രീ​യ​ത്തി​ൽ നി​ന്നും ദീ​ർ​ഘ​കാ​ലം വി​ട്ടു​നി​ന്ന കാ​നം 2006-ൽ ​വീ​ണ്ടും മ​ത്സ​രി​ച്ചെ​ങ്കി​ലും നാ​രാ​യ​ണ​ക്കു​റി​പ്പി​ന്‍റെ മ​ക​ൻ പ്ര​ഫ.​എ​ൻ.​ജ​യ​രാ​ജി​നോ​ടും തോ​ൽ​വി ഏ​റ്റു​വാ​ങ്ങി. ഈ ​തോ​ൽ​വി​ക്ക് ശേ​ഷം കാ​നം തെ​ര​ഞ്ഞെ​ടു​പ്പി​ൽ മ​ത്സ​രി​ച്ചി​ട്ടി​ല്ല.


അ​ഞ്ച് പ​തി​റ്റാ​ണ്ട് പാ​ർ​ട്ടി സം​സ്ഥാ​ന കൗ​ൺ​സി​ലി​ൽ അം​ഗ​മാ​യ കാ​നം 2015-ൽ ​സ്വ​ന്തം ജി​ല്ല​യി​ൽ ന​ട​ന്ന സം​സ്ഥാ​ന സ​മ്മേ​ള​ന​ത്തി​ലാ​ണ് സം​സ്ഥാ​ന സെ​ക്ര​ട്ട​റി പ​ദ​ത്തി​ലെ​ത്തി​യ​ത്. പി​ന്നീ​ട് സി​പി​ഐ രാ​ഷ്ട്രീ​യ​ത്തി​ൽ കാ​നം എ​ന്ന അ​തി​കാ​യ​ന്‍റെ തേ​രോ​ട്ട​മാ​യി​രു​ന്നു. പാ​ർ​ട്ടി​യി​ലെ എ​തി​രാ​ളി​ക​ളെ നി​ഷ്ക​രു​ണം ഒ​തു​ക്കി​യ കാ​നം തു​ട​ർ​ന്ന് വ​ന്ന ര​ണ്ട് സ​മ്മേ​ള​ന​ങ്ങ​ളി​ലും സം​സ്ഥാ​ന സെ​ക്ര​ട്ട​റി പ​ദം നി​ല​നി​ർ​ത്തി.

ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ര​ണ്ട് ത​വ​ണ വി​ജ​യി​ച്ച​വ​രെ മാ​റ്റി പു​തു​മു​ഖ​ങ്ങ​ളെ രം​ഗ​ത്തി​റ​ക്ക​ണ​മെ​ന്ന​ത് കാ​ന​ത്തി​ന്‍റെ വാ​ശി​യാ​യി​രു​ന്നു. ഇ​തോ​ടെ സി.​ദി​വാ​ക​ര​ൻ, മു​ല്ല​ക്ക​ര ര​ത്നാ​ക​ര​ൻ, വി.​എ​സ്.​സു​നി​ൽ​കു​മാ​ർ, പി.​തി​ലോ​ത്ത​മ​ൻ, ഇ.​എ​സ്.​ബി​ജി​മോ​ൾ, ഗീ​താ ഗോ​പി തു​ട​ങ്ങി​യ​വ​രൊ​ക്കെ ക​ളം​വി​ടേ​ണ്ടി വ​ന്നു.

കാ​ന​ത്തി​ന്‍റെ ഈ ​നീ​ക്കം സി​പി​എ​മ്മി​നെ പോ​ലും സ്വാ​ധീ​നി​ച്ചു. ത​ല​മു​തി​ർ​ന്ന നേ​താ​ക്ക​ളെ മാ​റ്റി പു​തു​മു​ഖ​ങ്ങ​ളെ രം​ഗ​ത്തി​റ​ക്കാ​ൻ സി​പി​എ​മ്മും തീ​രു​മാ​നി​ച്ച​ത് കാ​നം ഇ​ഫ്ക്ടി​ലൂ​ടെ ആ​ണെ​ന്നു​വേ​ണം പ​റ​യാ​ൻ. പ​തി​വു​കാ​രെ ഒ​ഴി​വാ​ക്കി​യ​തോ​ടെ മ​ന്ത്രി​സ​ഭ​യി​ലും പു​തു​മു​ഖ​ങ്ങ​ൾ​ക്ക് അ​വ​സ​രം ല​ഭി​ക്കു​ക​യാ​യി​രു​ന്നു.

ഇ​ത്ത​ര​ത്തി​ൽ സി​പി​ഐ​യി​ലെ അ​വ​സാ​ന വാ​ക്കാ​യി നി​ല​കൊ​ള്ളു​മ്പോ​ഴാ​ണ് അ​ദ്ദേ​ഹ​ത്തെ മ​ര​ണം കൊ​ണ്ടു​പോ​കു​ന്ന​ത്. കാ​ന​ത്തി​ന്‍റെ അ​പ്ര​തീ​ക്ഷി​ത വേ​ർ​പാ​ട് സി​പി​ഐ​ക്ക് മാ​ത്ര​മ​ല്ല സം​സ്ഥാ​ന​ത്തെ ഇ​ട​ത് നേ​തൃ​നി​ര​യി​ലും ശൂ​ന്യ​ത സൃ​ഷ്ടി​ക്കു​മെ​ന്ന് ഉ​റ​പ്പാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<