മുഖ്യമന്ത്രി വിശ്രമത്തിൽ; ഇന്നത്തെ മന്ത്രിസഭാ യോഗം മാറ്റി
Wednesday, July 16, 2025 4:27 AM IST
തിരുവനന്തപുരം: അമേരിക്കയിലെ ചികിത്സയ്ക്കു ശേഷം മടങ്ങിയെത്തിയ മുഖ്യമന്ത്രി പിണറായി വിജയൻ വിശ്രമത്തിലായതിനാൽ മന്ത്രിസഭാ യോഗം വ്യാഴാഴ്ച ചേരും. ഇന്നു ചേരേണ്ടിയിരുന്ന മന്ത്രിസഭാ യോഗമാണ് നാളെ ചേരുക.
ഇന്നലെ തലസ്ഥാനത്തെത്തിയ മുഖ്യമന്ത്രി ക്ലിഫ് ഹൗസിൽ വിശ്രമത്തിലായിരുന്നതിനാൽ സെക്രട്ടേറിയറ്റിലെ ഓഫീസിലേക്ക് എത്തിയില്ല. 18നു ചേരുന്ന സിപിഎം പോളിറ്റ് ബ്യൂറോ യോഗത്തിൽ പങ്കെടുക്കാനായി മുഖ്യമന്ത്രി 17നു വൈകുന്നേരത്തോടെ ഡൽഹിക്കു പോകും.
വ്യാഴാഴ്ച രാവിലെ ചേരുന്ന മന്ത്രിസഭയ്ക്കു ശേഷമാകും അദ്ദേഹം ഡൽഹിക്കു പോകുക.