കൊ​ളം​ബോ: മ​ഴ​ഭീ​ഷ​ണി നി​ല​നി​ൽ​ക്കു​ന്ന സാ​ഹ​ച​ര്യം ക​ണ​ക്കി​ലെ​ടു​ത്ത് ഏ​ഷ്യാ ക​പ്പ് മ​ത്സ​ര​വേ​ദി​ക​ളി​ൽ മാ​റ്റം വ​രു​ത്താ​ൻ ആ​ലോ​ച​ന​യു​മാ​യി ഏ​ഷ്യ​ൻ ക്രി​ക്ക​റ്റ് കൗ​ൺ​സി​ൽ.

ഫൈ​ന​ൽ മ​ത്സ​ര​വും സൂ​പ്പ​ർ ഫോ​ർ സ്റ്റേ​ജി​ലെ അ​ഞ്ച് മ​ത്സ​ര​ങ്ങ​ളും ന​ട​ത്താ​ൻ നി​ശ്ച​യി​ച്ചി​രു​ന്ന കൊ​ളം​ബോ പ്രേ​മ​ദാ​സ സ്റ്റേ​ഡി​യ​ത്തി​ന് സ​മീ​പം മ​ഴ തു​ട​രു​മെ​ന്നാ​ണ് അ​റി​യി​പ്പ്. ഇ​തോ​ടെ​യാ​ണ് ഇ​വി​ടെ ന​ട​ത്താ​നാ​യി നി​ശ്ച​യി​ച്ചി​രു​ന്ന മ​ത്സ​ര​ങ്ങ​ൾ പ​ല്ലെ​ക​ലെ, ധാം​ബു​ള്ള എ​ന്നി​വ​ട​ങ്ങ​ളി​ലേ​ക്ക് മാ​റ്റാ​നു​ള്ള ആ​ലോ​ച​ന​ക​ൾ എ​സി​സി ആ​രം​ഭി​ച്ച​ത്.

ടൂ​ർ​ണ​മെ​ന്‍റി​ലെ ആ​വേ​ശ​പ്പോ​രാ​ട്ട​മാ​യ ഇ​ന്ത്യ - പാ​ക് മ​ത്സ​രം മ​ഴ​യി​ൽ കു​തി​ർ​ന്ന് ഉ​പേ​ക്ഷി​ച്ച​തി​ന് പി​ന്നാ​ലെ വ്യാ​പ​ക വി​മ​ർ​ശ​ന​മാ​ണ് സം​ഘാ​ട​ക​ർ നേ​രി​ടു​ന്ന​ത്.

നേ​ര​ത്തെ, പാ​ക്കി​സ്ഥാ​ൻ ആ​തി​ഥേ​യ​ത്വം വ​ഹി​ക്കു​ന്ന ടൂ​ർ​ണ​മെ​ന്‍റി​ൽ ഇ​ന്ത്യ​ൻ ടീം ​പ​ങ്കെ​ടു​ക്കി​ല്ലെ​ന്ന ഭീ​ഷ​ണി ബി​സി​സി​ഐ ഉ​യ​ർ​ത്തി​നെ​ത്തു​ട​ർ​ന്നാ​ണ് ശ്രീ​ല​ങ്ക​യി​ലും പാ​ക്കി​സ്ഥാ​നി​ലു​മാ​യി ടൂ​ർ​ണ​മെ​ന്‍റ് ന​ട​ത്താ​ൻ എ​സി​സി തീ​രു​മാ​നി​ച്ച​ത്.

ടൂ​ർ​ണ​മെ​ന്‍റ് ശ്രീ​ല​ങ്ക​യി​ലേ​ക്ക് എ​ത്തു​ന്ന​ത് മ​ഴ നി​റ​ഞ്ഞു​നി​ൽ​ക്കു​ന്ന സെ​പ്റ്റം​ബ​റി​ലാ​കും എ​ന്ന് അ​റി​ഞ്ഞ​പ്പോ​ൾ​ത​ന്നെ കൊ​ളം​ബോ മേ​ഖ​യി​ലെ മ​ത്സ​ര​ങ്ങ​ൾ ഒ​ഴി​വാ​ക്ക​ണ​മെ​ന്ന് വാ​ദം ഉ​യ​ർ​ന്ന​താ​ണ്. വ​ര​ണ്ട മേ​ഖ​ല​യാ​യ ധാം​ബു​ള്ള​യി​ൽ മ​ത്സ​ര​ങ്ങ​ൾ ന​ട​ത്താ​മെ​ന്ന നി​ർ​ദേ​ശം ക​ളി​ക്കാ​രു​ടെ യാ​ത്രാ​സൗ​ക​ര്യം ക​ണ​ക്കി​ലെ​ടു​ത്ത് അ​വ​ഗ​ണി​ക്കു​ക​യാ​യി​രു​ന്നു.