പ​ന്ത​ളം: എം​സി റോ​ഡി​ല്‍ അ​പ​ക​ട​ങ്ങ​ള്‍ ഏ​റു​ന്നു. മൂ​ന്നാ​ഴ്ച​യ്ക്കി​ടെ ആ​റു പേ​രാ​ണ് കു​ള​ന​ട​യ്ക്കും കു​ര​മ്പാ​ല​യ്ക്കും മ​ധ്യേ മൂ​ന്ന് അ​പ​ക​ട​ങ്ങ​ളി​ലാ​യി മ​രി​ച്ച​ത്. ഇ​തു കൂ​ടാ​തെ നി​ര​വ​ധി​യാ​ളു​ക​ള്‍​ക്ക് വ്യ​ത്യ​സ്ത അ​പ​ക​ട​ങ്ങ​ളി​ലാ​യി പ​രി​ക്കേ​ല്‍​ക്കു​ക​യും ചെ​യ്തു.

അ​പ​ക​ടം ഒ​ഴി​വാ​ക്കാ​നാ​യി കോ​ടി​ക്ക​ണ​ക്കി​നു രൂ​പ ചെ​ല​വ​ഴി​ച്ച് സു​ര​ക്ഷാ പ​ദ്ധ​തി അ​ട​ക്കം ന​ട​പ്പാ​ക്കി​യ എം​സി റോ​ഡി​ല്‍, ഏ​നാ​ത്ത് മു​ത​ല്‍ കു​ള​ന​ട വ​രെ​യു​ള്ള ഭാ​ഗ​ത്താ​ണ് ക​ഴി​ഞ്ഞ ര​ണ്ടു​വ​ര്‍​ഷ​ത്തി​നു​ള്ളി​ല്‍ ഏ​റ്റ​വു​മ​ധി​കം അ​പ​ക​ട​ങ്ങ​ളു​ണ്ടാ​യ​ത്.

അ​ശ്ര​ദ്ധ​യോ​ടെ​യു​ള്ള ഡ്രൈ​വിം​ഗും നി​യ​മ​ലം​ഘ​ന​ങ്ങ​ളു​മാ​ണ് അ​പ​ക​ട​ങ്ങ​ള്‍​ക്കു കാ​ര​ണ​മാ​യി പ​റ​യു​ന്ന​ത്. ക​ഴി​ഞ്ഞ​ദി​വ​സം കു​ള​ന​ട​യി​ല്‍ മൂ​ന്നം​ഗ​സ​ഘം സ​ഞ്ച​രി​ച്ച സ്‌​കൂ​ട്ട​റാ​ണ് നി​ര്‍​ത്തി​യി​ട്ടി​രു​ന്ന ത​ടി ലോ​റി​യി​ലേ​ക്ക് ഇ​ടി​ച്ചു ക​യ​റി​യ​ത്.

ത​ടി ലോ​റി​യാ​ക​ട്ടെ റോ​ഡി​ല്‍ ഒ​തു​ക്കി​യ​ല്ല നി​ര്‍​ത്തി​യി​രു​ന്ന​തെ​ന്ന് പ​റ​യു​ന്നു. പാ​ര്‍​ക്കിം​ഗ് സ​മ​യ​ത്തു പാ​ലി​ക്കേ​ണ്ട വ്യ​വ​സ്ഥ​ക​ളും ലോ​റി ഡ്രൈ​വ​ര്‍ പാ​ലി​ച്ചി​രു​ന്നി​ല്ല. സ്‌​കൂ​ട്ട​ര്‍ യാ​ത്രി​ക​രാ​ക​ട്ടെ മൂ​ന്നു​പേ​രാ​യി​രു​ന്നു. സ്‌​കൂ​ട്ട​റി​ലെ ര​ണ്ട് യു​വാ​ക്ക​ള്‍ ത​ത്ക്ഷ​ണം മ​രി​ച്ചു. മൂ​ന്നാ​മ​ത്തെ​യാ​ള്‍ ചി​കി​ത്സ​യി​ലാ​ണ്.

കു​ര​മ്പാ​ല​യി​ല്‍ 13നു​ണ്ടാ​യ അ​പ​ക​ട​ത്തി​ല്‍ ര​ണ്ടു​പേ​രാ​ണ് മ​രി​ച്ച​ത്. തി​രു​വോ​ണ ദി​വ​സം കു​ള​ന​ട​യി​ല്‍ മ​റ്റു ര​ണ്ടു​പേ​രും അ​പ​ക​ട​ത്തി​ല്‍ മ​രി​ച്ചു. റോ​ഡ് മെ​ച്ച​പ്പെ​ടു​ത്തി​യ​തി​നു പി​ന്നാ​ലെ​യാ​ണ് അ​പ​ക​ട​ങ്ങ​ള്‍ ഏ​റി​യ​ത്.

അ​മി​ത​വേ​ഗ​വും അ​ശ്ര​ദ്ധ​യോ​ടെ​യു​ള്ള ഡ്രൈ​വിം​ഗു​മാ​ണ് പ​ല​പ്പോ​ഴും അ​പ​ക​ട​ത്തി​നു കാ​ര​ണം. രാ​ത്രി​യും പു​ല​ര്‍​ച്ചെ​യു​മാ​ണ് അ​പ​ക​ട​ങ്ങ​ളേ​റെ​യും ഉ​ണ്ടാ​കു​ന്ന​ത്.