സം​സ്ഥാ​ന​ത്ത് കനത്തമ​ഴ, വെ​ള്ള​ക്കെ​ട്ട്, യാ​ത്രാ​ദു​രി​തം... തു​ട​രു​ന്നു; ജാ​ഗ്ര​ത​പാലിക്കണം
സം​സ്ഥാ​ന​ത്ത് കനത്തമ​ഴ, വെ​ള്ള​ക്കെ​ട്ട്, യാ​ത്രാ​ദു​രി​തം... തു​ട​രു​ന്നു;  ജാ​ഗ്ര​ത​പാലിക്കണം
Friday, May 24, 2024 10:42 AM IST
തി​രു​വ​ന​ന്ത​പു​രം: സം​സ്ഥാ​ന​ത്ത് എ​ല്ലാ ജി​ല്ല​ക​ളി​ലും ശ​ക്ത​മാ​യ മ​ഴ തു​ട​രു​ന്നു. എ​റ​ണാ​കു​ള​ത്തും തൃ​ശൂ​രും റെ​ഡ് അ​ല​ര്‍​ട്ടാ​ണ്. പ​ത്ത​നം​തി​ട്ട​യി​ലും കോ​ട്ട​യ​ത്തും ഇ​ടു​ക്കി​യി​ലും ഓ​റ​ഞ്ച് അ​ല​ര്‍​ട്ട് പ്ര​ഖ്യാ​പി​ച്ചി​രി​ക്കു​ക​യാ​ണ്.

അ​തി​തീ​വ്ര മ​ഴ സാ​ധ്യ​ത​യാ​ണ് കേ​ര​ള​ത്തി​ല്‍ പ്ര​തീ​ക്ഷി​ക്ക​പ്പെ​ടു​ന്ന​ത്. കു​റ​ഞ്ഞ സ​മ​യം കൊ​ണ്ട് വ​ലി​യ മ​ഴ​യു​ണ്ടാ​കു​ന്ന രീ​തി അ​പ​ക​ട​ങ്ങ​ള്‍ സൃ​ഷ്ടി​ച്ചേക്കും. മ​ല​വെ​ള്ള​പ്പാ​ച്ചി​ലും മി​ന്ന​ല്‍ പ്ര​ള​യ​ങ്ങ​ളും സൃ​ഷ്ടി​ച്ചേ​ക്കാം. ശ​ക്ത​മാ​യ മ​ഴ​യ്ക്കും മി​ന്ന​ല്‍ പ്ര​ള​യ​ത്തി​നും സാ​ധ്യ​ത​യു​ണ്ടെ​ന്നും ജ​ന​ങ്ങ​ള്‍ ജാ​ഗ്ര​ത പാ​ലി​ക്ക​ണ​മെ​ന്നും മു​ഖ്യ​മ​ന്ത്രി പിണറായി വിജയൻ ഫേ​സ്ബു​ക്കി​ലൂ​ടെ അ​റി​യി​ച്ചു.

മ​ഴ​ക്കെ​ടു​തി​യി​ല്‍ 37 വീ​ടു​ക​ള്‍ ത​ക​ര്‍​ന്ന​താ​യാ​ണ് പ്രാ​ഥ​മി​ക ക​ണ​ക്ക്. 302 വീ​ടു​ക​ള്‍ ഭാ​ഗി​ക​ഗാ​യി ത​ക​ര്‍​ന്നു. സം​സ്ഥാ​ന​ത്തൊ​ട്ടാ​കെ ഇ​തു​വ​രെ എ​ട്ടു ക്യാ​മ്പു​ക​ളി​ലാ​യി 223 പേ​രെ മാ​റ്റി താ​മ​സി​പ്പി​ച്ചി​ട്ടു​ണ്ട്.

തി​രു​വ​ന​ന്ത​പു​ര​ത്ത് മൂ​ന്നു ക്യാ​മ്പു​ക​ളി​ലാ​യി 10 കു​ടും​ബ​ങ്ങ​ളെ മാ​റ്റി​പ്പാ​ര്‍​പ്പി​ച്ചു. കോ​ഴി​ക്കോ​ട് ര​ണ്ട് ക്യാ​മ്പു​ക​ളി​ലാ​യി 12 കു​ടും​ബ​ങ്ങ​ളെ​ത്തി. എ​റ​ണാ​കു​ള​ത്ത് എ​ട്ട് കു​ടും​ബ​ങ്ങ​ളെ​യാ​ണ് ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി പാ​ര്‍​പ്പി​ച്ച​ത്.

കാ​ക്ക​നാ​ട് വി​ല്ലേ​ജി​ലെ മാ​ര്‍ അ​ത്ത​നേ​ഷ്യ​സ് സ്‌​കൂ​ളി​ലാ​ണ് ക്യാ​മ്പ്. കീ​ലേ​രി മ​ല​യി​ലെ 20 പേ​രാ​ണ് ക്യാ​മ്പി​ലു​ള്ള​ത്. മ​ല​പ്പു​റ​ത്ത് ഒ​രു ക്യാ​മ്പി​ലാ​യി ഒ​മ്പ​ത് കു​ടും​ബ​ങ്ങ​ളെ പാ​ര്‍​പ്പി​ച്ചു. കോ​ട്ട​യ​ത്തെ ക്യാ​മ്പി​ല്‍ ഒ​രു കു​ടും​ബ​മെ​ത്തി. മ​ഴ​ക്കെ​ടു​തി നി​മി​ത്തം ചൊ​വ്വ, ബു​ധ​ന്‍ ദി​വ​സ​ങ്ങ​ളി​ല്‍ മാ​ത്രം മൂ​ന്നു​പേ​ര്‍ മ​രി​ച്ചു.

ക​ന​ത്ത മ​ഴ​യി​ല്‍ പ​ല​യി​ട​ങ്ങ​ളി​ലും ഗ​താ​ഗ​ത​ത​ട​സ​മു​ണ്ടാ​യി. എ​റ​ണാ​കു​ളം ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ ക​ഴി​ഞ്ഞ​ദി​വ​സം വെ​ള്ള​ക്കെ​ട്ട് രൂ​പ​പെ​ട്ടു. എം​ജി റോ​ഡി​ല്‍ രാ​ത്രി​ ഗ​താ​ഗ​തം ത​ട​സപ്പെ​ട്ടു. പ​ന​മ്പ​ള്ളി ന​ഗ​റി​ലെ ക​ട​ക​ളി​ല്‍ വെ​ള്ളം ക​യ​റി. വൈ​റ്റി​ല​യി​ലെ പ​ല വീ​ടു​ക​ളി​ലും വെ​ള്ളം ക​യ​റി. ഇ​ന്ന് ആ​ലു​വ ന​ഗ​ര​ത്തി​ല്‍ വെ​ള്ള​ക്കെ​ട്ട് രൂ​പ​പ്പെ​ട്ടു. പു​ളി​ഞ്ചു​വ​ട്- എ​റ​ണാ​കു​ളം റോ​ഡ് മു​ങ്ങി; ഗ​താ​ത​ഗ​തം പ്ര​തി​സ​ന്ധി​യി​ലാ​യി.‌


മ​ഴ ശ​ക്ത​മാ​യ​തോ​ടെ തൃ​ശൂ​ര്‍ ന​ഗ​ര​വും വെ​ള്ള​ത്തി​ല്‍ മു​ങ്ങി. വെ​ദ്യു​തി കൂ​ടി നി​ല​ച്ച​തോ​ടെ ജ​നം വ​ല​ഞ്ഞു. തൃ​ശൂ​ര്‍ റെ​യി​ല്‍​വേ സ്റ്റേ​ഷ​ന് സ​മീ​പ​വും ഷൊ​ര്‍​ണൂ​ര്‍ റോ​ഡി​ലെ വീ​ടു​ക​ളി​ലും വെ​ള്ളം ക​യ​റി. സ്വ​രാ​ജ് റൗ​ണ്ടി​ല്‍ ബി​നി​യ്ക്ക് സ​മീ​പ​വും ജ​ന​റ​ല്‍ ആ​ശു​പ​ത്രി​ക്ക് സ​മീ​പ​വും വെ​ള്ളം ക​യ​റി.

ശ​ക്ത​ന്‍ ബ​സ് സ്റ്റാ​ന്‍​ഡി​ലും വ​ട​ക്കേ ബ​സ് സ്റ്റാ​ന്‍​ഡി​ലും വെ​ള്ളം ക​യ​റി. ല​ക്ഷ​ക്ക​ണ​ക്കി​ന് രൂ​പ​യു​ടെ ന​ഷ്ട​മു​ണ്ടാ​യ​താ​യാ​ണ് ക​ണ​ക്ക്. വെ​ളി​യ​ന്നൂ​ര്‍, ചെ​ട്ടി​യ​ങ്ങാ​ടി, പൂ​ത്തോ​ള്‍, കൂ​ര്‍​ക്ക​ഞ്ചേ​രി റോ​ഡ്, കൊ​ക്കാ​ല, മു​ണ്ടു​പാ​ലം, ബാ​ല്യ ജം​ഗ്ഷ​ന്‍, പൂ​ങ്കു​ന്നം, പെ​രി​ങ്ങാ​വ്, പൂ​ത്തോ​ള്‍ ജം​ഗ്ഷ​ന്‍, പാ​ട്ടു​രാ​യ്ക്ക​ല്‍, ദി​വാ​ന്‍​ജി​മൂ​ല തു​ട​ങ്ങി​യ പ്ര​ദേ​ശ​ങ്ങ​ളെ​ല്ലാം ക​ഴി​ഞ്ഞദി​വ​സം രാ​ത്രി വെ​ള്ള​ത്തി​ലാ​യി.

ഗി​രി​ജ തീ​യ​റ്റ​ര്‍ പ​രി​സ​ര​ത്തെ തോ​ട്, പെ​രി​ങ്ങാ​വ് തോ​ട് എ​ന്നി​വ​യെ​ല്ലാം വെ​ള്ള​ത്തി​നി​ട​യി​ലാ​യ അ​വ​സ്ഥ​യി​ലാ​യി. കി​ഴ​ക്കും​പാ​ട്ടു​ക​ര കോ​ര​ത് ലെ​യ്നി​ലെ വീ​ടു​ക​ളി​ലേ​ക്കും വെ​ള്ളം ക​യ​റി. പാ​ട്ടു​രാ​യ്ക്ക​ലി​ല്‍ ക​ട​ക​ളി​ലേ​ക്കും സ്ഥാ​പ​ന​ങ്ങ​ളി​ലേ​ക്കും വെ​ള്ളം ക​യ​റി. കേ​ര​ള വ​ര്‍​മ കോ​ള​ജ് ബ​സ്റ്റോ​പ്പി​നു സ​മീ​പ​ത്തെ റോ​ഡും വെ​ള്ള​ത്തി​ല്‍ മു​ങ്ങി.

ക​ന​ത്ത മ​ഴ​യി​ല്‍ ആ​ല​പ്പു​ഴ - ത​ണ്ണീ​ര്‍​മു​ക്കം റോ​ഡി​ല്‍ കാ​വു​ങ്ക​ല്‍ ജം​ഗ്ഷ​ന് സ​മീ​പം റോ​ഡ​രി​കി​ല്‍ വ​ലി​യ കു​ഴി രൂ​പ​പ്പെ​ട്ടു. വെ​ള്ള​ക്കെ​ട്ട് രൂ​ക്ഷ​മാ​യ​തോ​ടെ പ​ല​യി​ട​ത്തും ഓ​ട്ടോ അ​ട​ക്ക​മു​ള്ള വാ​ഹ​ന​ങ്ങ​ള്‍ പ​ല​യി​ട​ത്തും ഓ​ട്ടം നി​ര്‍​ത്തി.

കേ​ര​ളാ തീ​ര​ത്ത് ക​ട​ലേ​റ്റ​ത്തി​ന് സാ​ധ്യ​ത​യു​ണ്ടെ​ന്നാ​ണ് മു​ന്ന​റി​യി​പ്പ്. തു​ട​ര്‍​ച്ച​യാ​യി മ​ഴ ല​ഭി​ക്കു​ന്ന മ​ല​യോ​ര​മേ​ഖ​ല​ക​ളി​ലും പ്ര​ത്യേ​ക ജാ​ഗ്ര​ത പു​ല​ര്‍​ത്ത​ണം. കേ​ര​ള തീ​ര​ത്ത് മ​ത്സ്യ​ബ​ന്ധ​ന​ത്തി​ന് ഏ​ര്‍​പ്പെ​ടു​ത്തി​യ വി​ല​ക്ക് തു​ട​രു​ക​യാ​ണ്. അ​പ​ക​ടാ​വ​സ്ഥ മു​ന്നി​ല്‍ കാ​ണു​ന്ന​വ​ര്‍ അ​ധി​കൃ​ത​രു​മാ​യി ബ​ന്ധ​പ്പെ​ട്ട് സു​ര​ക്ഷി​ത​മാ​യ സ്ഥ​ല​ങ്ങ​ളി​ലേ​ക്ക് മാ​റി​ത്താ​മ​സി​ക്ക​ണമെന്നും നിർദേശമുണ്ട്.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<