കു​വൈ​ത്ത് തീ​പി​ടി​ത്തം: മ​ര​ണ​സം​ഖ്യ 41 ആ​യി, ആ​ഭ്യ​ന്ത​ര​മ​ന്ത്രി സ്ഥ​ലം സ​ന്ദ​ർ​ശി​ച്ചു
കു​വൈ​ത്ത് തീ​പി​ടി​ത്തം: മ​ര​ണ​സം​ഖ്യ 41 ആ​യി, ആ​ഭ്യ​ന്ത​ര​മ​ന്ത്രി സ്ഥ​ലം സ​ന്ദ​ർ​ശി​ച്ചു
Wednesday, June 12, 2024 3:59 PM IST
കു​വൈ​ത്ത് സി​റ്റി: കു​വൈ​ത്തി​ല്‍ മ​ല​യാ​ളി​യു​ടെ ഉ​ട​മ​സ്ഥ​ത​യി​ലു​ള്ള തൊ​ഴി​ലാ​ളി ക്യാ​മ്പി​ലു​ണ്ടാ​യ തീ​പി​ടി​ത്ത​ത്തി​ല്‍ മ​രി​ച്ച​വ​രു​ടെ എ​ണ്ണം 41 ആ​യ​താ​യി റി​പ്പോ​ർ​ട്ട്. കു​വൈ​ത്ത് ആ​ഭ്യ​ന്ത​ര​മ​ന്ത്രി ശൈ​ഖ് ഫ​ഹ​ദ് അ​ൽ യൂ​സ​ഫ് അ​ൽ സ​ബാ​ഹ് അ​പ​ക​ട​സ്ഥ​ലം സ​ന്ദ​ർ​ശി​ച്ചു. തീ​പി​ടി​ത്ത​ത്തെ തു​ട​ര്‍​ന്ന് ഇ​ന്ത്യ​ൻ അം​ബാ​സ​ഡ​റും സ്ഥ​ല​ത്തെ​ത്തി​യി​രു​ന്നു.

മാം​ഗെ​ഫി​ൽ മ​ല​യാ​ളി​യു​ടെ ഉ​ട​മ​സ്ഥ​ത​യി​ലു​ള്ള എ​ൻ​ബി​ടി​സി ക​മ്പ​നി​യു​ടെ നാ​ലാം ന​മ്പ​ർ ക്യാ​മ്പി​ലാ​ണ് അ​ഗ്നി​ബാ​ധ​യു​ണ്ടാ​യ​ത്. മ​ല​യാ​ളി​ക​ള്‍ ഉ​ള്‍​പ്പെ​ടെ 195 പേ​രാ​ണ് ആ​റു​നി​ല കെ​ട്ടി​ട​ത്തി​ല്‍ താ​മ​സി​ച്ചി​രു​ന്ന​ത്. ഇ​വി​ടു​ത്തെ സു​ര​ക്ഷാ​ജീ​വ​ന​ക്കാ​ര​ന്‍റെ മു​റി​യി​ൽ​നി​ന്നാ​ണ് തീ ​പ​ട​ർ​ന്ന​തെ​ന്നാ​ണു പ്രാ​ഥ​മി​ക നി​ഗ​മ​നം.

അ​പ​ക​ട​സ​മ​യ​ത്ത് 160 ലേ​റെ പേ​ര്‍ കെ​ട്ടി​ട​ത്തി​ല്‍ ഉ​ണ്ടാ​യി​രു​ന്ന​താ​യാ​ണ് കു​വൈ​ത്ത് മാ​ധ്യ​മ​ങ്ങ​ള്‍ റി​പ്പോ​ര്‍​ട്ട് ചെ​യ്യു​ന്ന​ത്. 35 പേ​രു​ടെ മ​ര​ണം ഔ​ദ്യോ​ഗി​ക​മാ​യി സ്ഥി​രീ​ക​രി​ച്ചി​ട്ടു​ണ്ട്. പൊ​ള്ള​ലേ​റ്റ പ​ല​രു​ടേ​യും നി​ല ഗു​രു​ത​ര​മാ​ണെ​ന്നും, മ​ര​ണ​സം​ഖ്യ ഇ​നി​യും ഉ​യ​ര്‍​ന്നേ​ക്കു​മെ​ന്നും കു​വൈ​ത്ത് ആ​രോ​ഗ്യ​മ​ന്ത്രാ​ല​യം അ​റി​യി​ച്ചു.

മ​രി​ച്ച​വ​രി​ൽ ര​ണ്ടു മ​ല​യാ​ളി​ക​ളും ഒ​രു ത​മി​ഴ്നാ​ട് സ്വ​ദേ​ശി​യും ഉ​ണ്ടെ​ന്നാ​ണ് സൂ​ച​ന. അ​തേ​സ​മ​യം, കൂ​ടു​ത​ൽ മ​ല​യാ​ളി​ക​ൾ മ​രി​ച്ച​താ​യി സ്ഥി​രീ​ക​രി​ക്കാ​ത്ത റി​പ്പോ​ർ​ട്ടു​ക​ളു​ണ്ട്.

പു​ല​ർ​ച്ചെ നാ​ലോ​ടെ ആ​രം​ഭി​ച്ച തീ ​കെ​ട്ടി​ട​ത്തി​ൽ ആ​ളി​പ്പ​ട​രു​ക​യാ​യി​രു​ന്നു. പു​ക ശ്വ​സി​ച്ചും പൊ​ള്ള​ലേ​റ്റു​മാ​ണ് നി​ര​വ​ധി പേ​ര്‍​ക്ക് പ​രി​ക്കേ​റ്റ​ത്. പ​ത്തോ​ളം പേ​ർ ഗു​രു​ത​ര പ​രി​ക്കു​ക​ളോ​ടെ അ​ദാ​ന്‍, ജാ​ബി​ർ, ഫ​ര്‍​വാ​നി​യ ആ​ശു​പ​ത്രി​ക​ളി​ൽ ചി​കി​ത്സ​യി​ലാ​ണ്. തീ ​നി​യ​ന്ത്ര​ണ വി​ധേ​യ​മാ​യി​ട്ടു​ണ്ട്. കെ​ട്ടി​ട​ത്തി​ന​ക​ത്ത് കു​ടു​ങ്ങി​ക്കി​ട​ക്കു​ന്ന​വ​രെ പു​റ​ത്തെ​ത്തി​ക്കാ​നു​ള്ള ശ്ര​മ​ത്തി​ലാ​ണ് ര​ക്ഷാ​പ്ര​വ​ർ​ത്ത​ക​ർ.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<