അബദ്ധത്തിൽ വെടിപൊട്ടി: പോലീസുകാരന് സസ്പെൻഷൻ
Thursday, July 11, 2024 11:53 PM IST
പെരുവന്താനം: അബദ്ധത്തിൽ വെടിപൊട്ടിയതിനെ തുടർന്നു പെരുവന്താനം പോലീസ് സ്റ്റേഷനിൽ പോലീസുകാരന് സസ്പെൻഷൻ. കഴിഞ്ഞ ദിവസം രാത്രിയായിരുന്നു സംഭവം.
പോലീസ് സ്റ്റേഷനിൽ പാറാവു ഡ്യൂട്ടിയിൽ ഉണ്ടായിരുന്ന പോലീസുകാരന്റെ കൈയിൽ നിന്ന് അബദ്ധത്തിൽ വെടി പൊട്ടുകയായിരുന്നു. പാറാവ് ഡ്യൂട്ടിയ്ക്കിടെ സർവീസ് പിസ്റ്റൾ വൃത്തിയാക്കുന്നതിനിടെ അബദ്ധത്തിൽ വെടി പൊട്ടുകയായിരുനാണെന്നാണ് പറയുന്നത്.
പോലീസ് സ്റ്റേഷന്റെ ഭിത്തിയിലാണ് വെടിയേറ്റത്. വെടിയൊച്ച കേട്ട് ഡ്യൂട്ടിയിലുണ്ടായിരുന്ന മറ്റ് പോലീസ് ഉദ്യോഗസ്ഥർ ഓടിയെത്തിയപ്പോഴാണ് പോലീസുകാരന്റെ കൈയിൽ നിന്നും അബദ്ധത്തിൽ സംഭവിച്ചതാണെന്ന് മനസിലാകുന്നത്.
സംഭവത്തെ തുടർന്ന് പാറാവ് ഡ്യൂട്ടിയിലുണ്ടായിരുന്ന സിപിഒ മൊളൈസ് മൈക്കിളിനെ അശ്രദ്ധമായി ആയുധം കൈകാര്യം ചെയ്തതിന് ഇടുക്കി ജില്ലാ പോലീസ് മേധാവി സസ്പെൻഡ് ചെയ്തു.